Yeremiya 51:55 - Kifuliiru

⁵⁵ Kalya kaaya keꞌBabeeri, ngola mu kashereeza, halinde akaluulu kamale. Ikyanya abagoma bagweti bagakateera, bali mu lunduma nga midunda mikayu.

Yeremiya 51:55 ပူးပေါင်းရင်းမြစ်များ

Zaburi 124:2

Ku kyanya abagoma biitu bakaturakarira, banatuteera, Nahano átaki baagage ali uluhande lwitu, yabo bagoma bâli bagatumira, tunakiri bagumaana.

Zaburi 124:4

Balya bagoma, bâli riiri nga migezi. Amiiji gaayo, gâli gagatuyifuka kwo, ganatubindikire.

Zaburi 18:4

Nahano ye kwaniini ukukizi yivugwa, bwo ayamiri ali mu ngiza mu bagoma. Kinatume ndi mu kizi mútabaaza.

Zaburi 65:7

Uyiheeziizi ubushobozi buhamu bweneene. Kiri neꞌmigazi, wanagibiika ahandu haayo.

Zaburi 69:2

E Rurema, ungizagye, we kongwa! Si keera nayikiraga mu musaayo, ndaanabyo nangaki yimangira kwo. Ngoli tibukiiri mwiꞌbenga lyaꞌmiiji, ganakoli mbikiiri mwiꞌgosi. Imidunda ikola mu mbunguukana.

Hisaaya 15:1

Ino ndumwa ya Rurema, iri hiꞌgulu lyeꞌkihugo kyeꞌMohabu. Akaaya keꞌHari naꞌkeꞌKiiri, twombi tukashaabulwa, twanayami shereezibwa mu bushigi buguma naaho.

Hisaaya 17:13

Yibyo binyamahanga, kundu bigweti bigalunduma kwokwo, haliko, Rurema agaki bikanukira, halinde binatibitire hala. Ee! Bagayimulwa duba, nga biguhulu íbiri mu yehuulwa neꞌmbuusi ku mugazi, kandi iri nga lukungu úluli mu tumuulwa noꞌmubangami.

Hisaaya 47:5

«Haliko wehe, e kaaya keꞌBabeeri! Utâye ki buuzibwe Mugoli waꞌmaami. Si ukizi bwatalaga mu kihulu, buzira kudeta.

Yeremiya 25:10

«Mutagakizi ki gira ibisegengo, mbu mushambaalire amageni. Yulwo lujongo lugaamala, kiri neꞌnyimbo zoꞌkulaaliza. Ndaaye úgashubi lasa ulushyo. Ndaanaye úgaki shubi yasa itara.

Yeremiya 51:42

Inyaaja, keera zikaheema, zanabwikira i Babeeri. Na buno, imidunda ikola mu kundula hiꞌgulu lyayo.

Hezekyeri 26:3

«Ku yukwo, nie Rurema Nahamwinyu nadetaga kwokuno: E bandu beꞌTiiro! Buno, ngola mugoma winyu! Ngalungika ibinyamahanga bingi, biyiji mùyubukira, nga midunda mu nyaaja.

Luka 21:25

«Hagaaba ibyereso bya kundi-kundi kwiꞌzuuba, na ku mwezi, kiri na ku ndonde. Hano mu kihugo, inyaaja zigakundula bweneene, iri zinakungula. Kinatume abandu bagakizi gangaanwa, banaluluukire.

Bwigule 17:15

Uyo muganda, anashubi mbwira: «Yizo nyiji zo wabona, zigweti zigagolombera hoꞌyo bulambe woꞌmukazi abwatiiri. Kwo ziri zooshi, ziryagagi kizimya-izuuba kyaꞌbandu ba mu mahanga gooshi, naꞌba mu bihugo byoshi, naꞌba mu ndeto zooshi!