Yeremiya 51:45 - Kifuliiru

⁴⁵ E bandu baani, si ubute bwa Nahano bukoli kayiri! Aahago! Muhuluke mu kaaya keꞌBabeeri. Mutibitage, lyo mufuuka.

Yeremiya 51:45 ပူးပေါင်းရင်းမြစ်များ

Hisaaya 48:20

E balya, mulyokage i Babeeri. Mutibitage, mulyoke yo! Munakizi menyeesa umwazi mu kubanda akabuuli, awi yiyi yiyi! Mugumenyeese halinde heꞌkihugo kihekiiri. Mukizi deta: «Nahano keera akaguluula abandu baage, beene Yakobo.»

Yeremiya 50:28

Yuvwagwi! Abahisiraheeri ábafuushuka i Babeeri, keera bayija i Sayuni, banakola mu menyeesa ngiisi kwo Rurema Nahamwitu, keera akayihoola Abababeeri. Si bâli mali shereeza inyumba yage!

Yeremiya 50:8

«Mutibitage Abababeeri! Muhuluke mu kihugo kyabo. Mukizi ba nga bihebe íbiri mu genda imbere lyeꞌkiso.

Yeremiya 51:50

Mwehe keera mukafuushuka, mutanayitwa. Aaho! Mugirage mulyoke i Babeeri! Mutanaki tindiirize! Kundu mukoli tuuziri i mahanga, mukengeere Nahano, mukengeere naꞌkaaya keꞌYerusaleemu.

Yeremiya 51:6

Ngiisi mundu ashaagage i Babeeri, gira alonge ukuyikiza. Mutasigalage yo, mbu muyitirwe kuguma naꞌbanabyaha. Mukuba, kikola kyanya kyoꞌkubahaniiriza. Ee! Nahano agabahaniiriza, nga ngiisi kwo bibakwiriiri.

Yeremiya 51:9

Ibinyamahanga byanashuvya: «Tukagira mbu tukize i Babeeri, haliko shoobe! Muleke, tuyigendere, ngiisi muguma mu kihugo kyabo. Si Abababeeri, ibihano byabo bikoli luziri bweneene, binahisiri mu kibungu!»

Zakariya 2:7

Ulya muganda úwâli kizi nganuuza, anagendi sanganira uwabo úwâli kizi yija imunda ali.

Muharuuro 16:26

Musa, mbu ahikage yaho, anakengula abandi bandu booshi, ti: «Yaba bandu, muyami lyoka ha gano maheema gaabo. Mukuba bakola banangora-mabi. Hatanagire kiri neꞌkindu kiguma kyabo kyo mugahuma kwo. Mutayiji kengeera mwashereezibwa mwe nabo. Si boohe, ibyaha byabo bigabamala.»

Mikolezi 2:40

Peturu anagenderera noꞌkubakengula ku gandi magambo mingi, anabayinginga ti: «Abandu ba kino kibusi, bakoli bihuusiri. Aaho! Mubayilyose mwo, halinde lyo mukizibwa!»

2 Bakorindo 6:17

Nahano adetaga kwokuno: «Mugire mubayilyose mwo, munabayihandule kwo! Hatagire ikindu kyoꞌmuziro kyo mugakizi huma, gira lyo nimùyakiira.»

Bwigule 18:4

Lyeryo, nanayuvwa irindi izu ukulyoka mwiꞌgulu, lyanadeta: «E bandu baani, muyame mugalyoka mu yako kaaya, gira mutabe neꞌngoome mu byaha byako. Mutayiji kengeera mwahanirwa kuguma.