Yeremiya 51:33 - Kifuliiru

³³ Nahano woꞌbushobozi bwoshi, Rurema waꞌBahisiraheeri, adetaga kwokuno: «Abababeeri, abagoma bakola mu bahinyata-hinyata, nga kwo bali mu yeluula ingano ku kyanya kyeꞌmimbu. Ee! Ikyanya kyoꞌkuyimbula i Babeeri kikola kigaahika.»

Yeremiya 51:33 ပူးပေါင်းရင်းမြစ်များ

Hisaaya 18:5

Ikyanya mutazi tondeera ukuteerana, ikyanya ishungi ziinyu zikiri mu yera nga mizabibu, haaho, lyo Nahano agayiji mùhahuulira noꞌmugushu. Agamùtwisa nga milandalira yeꞌmizabibu, anamùshaaze yaho, halinde mutwalwe hala.

Hisaaya 21:10

E Bahisiraheeri, mukahuulwa nga ngano, mwanayeluulwa. Kundu kwokwo, mukiri bandu baani. Kwoku, hali indumwa yo Nahano woꞌbushobozi bwoshi andumiri. Ee! Ali Rurema waꞌBahisiraheeri.

Hisaaya 47:1

Nahano adetaga kwokuno: «E Babeeri, ugoke, unayibwandalike mu luvu. Utakiri mwami, utanâye ki huuzibwe mbu ubuyahiri, kandi iri mbu unonosiri.

Yeremiya 51:32

Ngiisi haꞌbasirikaani bangalenga mu kutibita, abagoma keera bahagwata, banahasingoola kuguma neꞌnzitiro. Buno, abasirikaani bakola mu lenga mweꞌkinyukura.

Hosheya 6:11

E Bayuda! Kundu nâli loziizi ukushubi mùgenduusa, haliko mukoli shungikiirwi ukuhanwa.»

Hamoosi 1:3

Nahano adetaga kwokuno: «Abandu beꞌDamasiki bagweti bagakizi yifunda mu byaha. Aahago! Ukubahana, ngola ngabahana ngana-ngana! Si bâli kizi kuba-kuba abandu beꞌGiryadi, nga ábali mu komoolola indalo neꞌfuka yaꞌmiino.

Mika 4:12

Kundu kwokwo, yabo bandu batayiji ngiisi byo Nahano atoniri, batanasobanukiirwi neꞌshungi zaage. Si Nahano agweti agabakuumania nga mihuli yeꞌmbuto ízigagendi komwa.

Mika 4:13

Nahano adetaga kwokuno: «E bandu beꞌYerusaleemu, muyimuke, gira mubakubule. Ngamùshoboleesa, mube nga muhiiti amahembe geꞌbyuma neꞌbinogosho byoꞌmulinga. Kwokwo, yibyo binyamahanga mugabitema-tema bitolo-bitolo. Noꞌbugale bwabo, munayiji bundangira nie Nahano, bwo nie ndwaziri amahanga gooshi.»

Habakuki 3:12

Wâli kizi lenga-lenga mu kihugo, iri unakoli rakiiri. Wanaminika igindi milala yoshi hiꞌgulu lyoꞌbute.

Mataayo 13:30

Mulekage byoshi bikulire kuguma, halinde ukuhisa ku kyanya kyoꞌkuyimbula. Haaho, lyo ngabwira abimbuzi, ti: Mutee kuumania ikishuka, munakishweke biiro-biiro, gira kigendi lashwa mu muliro. Haliko ingano, zoohe, muzikumanize mu kihinda kyani.”»

Mataayo 13:39

Noꞌlya mugoma úkayiji kibyala, ali Shetaani yenyene. Na kulya kuyimbula, yeꞌmberuuka yeꞌkihugo. Na balya bimbuzi, bali baganda ba Rurema.