Yeremiya 51:30 - Kifuliiru

³⁰ Abasirikaani beꞌBabeeri batakiri mu lwa. Si bakoli sigiiri mu nyumba zaabo nzitire. Ubuhagarusi bwabo bwamala, banakolaga booba nga bakazi. Inyumba zaabo zikola mu singoolwa. Neꞌnyiivi zaꞌkaaya zikola mu hongolwa.

Yeremiya 51:30 ပူးပေါင်းရင်းမြစ်များ

Zaburi 107:16

Kundu bakahamikwa neꞌbyuma, banâli shwesirwi mu nyiivi zeꞌmiringa, haliko anazivungula zooshi.

Zaburi 147:13

Mukuba, ali mu gashaanira abandu biinyu. Kiri neꞌnyiivi zaꞌkaaya kiinyu, ye mu kizi zisikamya.

Zaburi 76:5

E Rurema, uyamiri utuuziri mwoꞌbulangashane, bunahimiri bweꞌmigazi, kundu iyamiri ho.

Hisaaya 19:16

Nahano woꞌbushobozi bwoshi, ikyanya agahaniiriza Abamiisiri ku bushobozi bwage, bagaaba bakoli yobohiri nga bakazi, banalenge mweꞌkinyukura.

Hisaaya 47:14

Lolagi! Yabo banabwenge beꞌndonde, bagaki singooka nga kishuka kyumu. Ngiisi ábalangaliiri indonde, balyagagi busha. Bali nga byasi íbikola mu mala duba mu muliro. Umuliro mwene yugwo, ndaaye mundu úwangagukaluuka.

Yeremiya 48:41

Utwaya twamwo tugagwatwa, kiri noꞌtwaya tuzitire. Ku yikyo kyanya, ibikalage byeꞌndwani bigahuumirwa, ngoꞌmukazi úgweti úgaabuta.

Yeremiya 50:15

Mubandage akashiba ngiisi luhande! Lolagi! Balya Bababeeri keera bakayibiika mu maboko gaꞌbagoma. Inzitiro zaabo zooshi, keera zikayihongoleka haashi. Balya bandu, Nahano keera akabahaniiriza, nga ngiisi kwo bibakwiriiri. Aaho! Muyihoolage! Ngiisi kwo bakagira abandi, kube kwo na niinyu mugabagira.

Yeremiya 51:32

Ngiisi haꞌbasirikaani bangalenga mu kutibita, abagoma keera bahagwata, banahasingoola kuguma neꞌnzitiro. Buno, abasirikaani bakola mu lenga mweꞌkinyukura.

Yeremiya 51:57

Yabo Bababeeri, ngalalusa abakulu baabo, naꞌbanabwenge baabo, kiri naꞌbatwali baabo, na baguvuruneeri naꞌbasirikaani baabo. Yabo booshi, bagagwejera mwiꞌro lyeꞌmyaka neꞌmyakuula, batanâye ki vyuke.» Kwokwo, kwo Mwami adesiri, anali ye Nahano woꞌbushobozi bwoshi!

Kimombo 2:9

Imiryango yaꞌkaaya, keera ikayihongoleka haashi. Akayami vungula-vungula ibyuma byoꞌkugihamika. Abaami baako, kuguma naꞌbaluzi, keera bakatwalwa hala mu mahanga, bagendi ba baja. Neꞌmaaja zaage zitakiri mu kola. Kiri naꞌbaleevi baage, batakiri mu bona amabone ga Nahano.

Hamoosi 1:5

Kiri neꞌmigaliro yeꞌmiryango yaꞌkaaya keꞌDamasiki, ngagitwisa-twisa. Ninaminike abandu ba mu ndekeera yeꞌHaweni. Na nzimiize noꞌmutwali weꞌBeeti-Hedeni. Kiri naꞌBaharaamu bagatwalwa imbohe i Kiiri.» Kwokwo, kwo Nahano adesiri!

Nahumu 3:13

Abasirikaani baawe, honyo! Si booshi bakoli ba nga bakazi bazira misi! Imiryango yeꞌkihugo kyawe, ikoli yanuusiri imbere lyaꞌbagoma baawe. Ee ma! Umuliro keera gukajigiivya inyigaliro zaayo.

Bwigule 18:10

Na hiꞌgulu lyoꞌkulibuzibwa kwako, bagahuumirwa. Banayisunge hala nako, iri banayiganyira kwokuno: «Yayewe imwawe! Yayewe imwawe, e kaaya kahamu keꞌBabeeri, we shuba kikalage! Si ku kino kihe kiguma naaho, keera walonga ikihano kyawe!»