Yeremiya 51:21 - Kifuliiru

²¹ Ngamùkoleesa mu kuvungula ifwarasi, na ábali mu zigendera kwo. Munavungule naꞌmagaare goꞌkubululwa, na ábali mu garongoora.

Yeremiya 51:21 ပူးပေါင်းရင်းမြစ်များ

Zaburi 46:9

Muyiji bona ngiisi byo Nahano keera akagira, mulole ngiisi kwo akaleeta akahumbwe mu kihugo.

Zaburi 76:6

Indwani za mu bagoma biitu, keera bakazishahula ibindu. Buno, zikoli gwejiiri nga zifwiri, ndaanaye úwangaki yiji tuteera.

Kulyoka 15:1

Lyeryo Musa, naꞌbaabo Bahisiraheeri booshi, banayimbira Nahano yulu lwimbo: «Ngayimbira Nahano, bwo ye kwaniini ukuhuuzibwa bweneene. Ifwarasi na ábali mu zigendera kwo, keera abakamiza mu nyaaja.

Kulyoka 15:21

Miryamu anatondeera ukubayimbira: «Muyimbire Nahano, úli mu kizi huuzibwa bweneene. Ifwarasi na ábâli kizi zigendera kwo, abakamiza mu nyaaja.»

Kulyoka 15:4

«Nahano keera abindikira abasirikaani ba Faraho mu Nyaaja Ndukula. Booshi naꞌbakulu baabo bakamira mwo, kuguma naꞌmagaare.

Hisaaya 43:17

Nꞌgaleeta ibikalage byaꞌbasirikaani beꞌMiisiri, kuguma naꞌmagaare giꞌzibo, neꞌfwarasi. Yibyo byoshi, byanayami bindikirwa! Batâye ki yinamuke, bwo bakashereera booshi, nga kwoꞌlutambi lwiꞌtara luli mu zimuuka.

Yeremiya 50:37

Yizo ngooti, zikizi yita neꞌfwarasi zaabo, bashereeze naꞌmagaare gaabo giꞌzibo, kiri naꞌbasirikaani baabo beꞌmahanga, ábali mu hembwa. Babe booba nga bakazi! Zeezo ngooti, zikizi teera ibihinda byabo byoshi, halinde ibindu íbiri mwo bishahulwe, binatwalwe i mahanga.

Hezekyeri 39:20

Bigakizi lya ifwarasi, naꞌbasirikaani ábali mu zigendera kwo, neꞌbihagange byoshi, na ngiisi mulala gwaꞌbasirikaani. Emwe! Bigahaagira ku kashasha kaani. Kwokwo, kwo nie Rurema Nahamwinyu ndesiri.»

Mika 5:10

Ngahongola utwaya twinyu tuhamu, kiri noꞌtwaya twinyu tuzitire twoshi.

Nahumu 2:13

Ishuba mu genda, inayite inyamiishwa, inazibaagire ibuguma lyayo, naꞌbaana baayo. Ee! Ikyanya yayita inyamiishwa, inyama zaazo ziri mu yijula ibundo lyayo.

Hagayi 2:22

Abaami ba mu kihugo, ngola ngabanyanyaga haashi. Yabo baami, ngola ngabamala imisi. Amagaare gaabo giꞌzibo, ngagakunangulira haashi. Ngakabulira na ábali mu gagendera kwo. Ifwarasi zaabo, zigayami fwa. Na ábali mu zigendera kwo, bagayitana ku ngooti.

Zakariya 10:5

Ee ma! Bagaaba ndwani ngana-ngana mwiꞌzibo. Bagakizi genda bagakandagira abagoma baabo nga bidaka. Bwo bali kuguma na Nahano, ikyanya bagakizi lwa, bagakizi hima kiri naꞌbagoma ábali mu gendera ku fwarasi.

Zakariya 12:4

«Nie Nahano nadetaga kwokuno: “Ku lulya lusiku, ngaleezagya ifwarasi zaabo mweꞌkihuumula, kuguma na ábali mu zigendera kwo. Yizo fwarasi zaabo, ngazihumaaza. Halikago, abandu beꞌBuyuda boohe, ngakizi bahaliza.

Bwigule 19:18

Mugaalya ibirunda byaꞌbaami, neꞌbyaꞌbakulu baꞌbasirikaani, neꞌbyeꞌbikalage. Mugaalya neꞌmitumba yeꞌfwarasi, neꞌbirunda byo ábashubi zishoniri kwo. Mugaalya ibirunda byaꞌbandu booshi: abaja na ábatali baja, abagunda ku bakulu.»