Yeremiya 51:2 - Kifuliiru

² Ngalungika ibinyamahanga, biyiji shereeza i Babeeri, nga kweꞌmbuusi iri mu yehuula ibyasi. Ku lusiku abagoma bagakishereeza, bagahuluka imbande zooshi, banayiji kiteera.»

Yeremiya 51:2 ပူးပေါင်းရင်းမြစ်များ

Hisaaya 41:16

Ee ma! Yabo bagoma, mugakizi bayeluula, halinde ikihuhuuta kinabatwale hala. Si mwehe, mugasigala mugweti mugashambaalira Nahano, munakizi huuza Rurema waꞌBahisiraheeri, ulya Mutaluule.

Hisaaya 43:14

E Bahisiraheeri, Nahano Lukiza winyu, anali ye Mutaluule, adeta kwokuno: «Hiꞌgulu liinyu, ngalungika abasirikaani bagendi teera i Babeeri. Inyiivi zaꞌkaaya kaabo, ngazivungula. Balya Bababeeri banabuli bululuka.

Yeremiya 15:7

Abandu baani, ngola mu bayeluula, iri na mbashabulira hala naꞌmarembo gaabo. Kundu balyagagi bandu baani, haliko batazi janda ibyaha byabo. Kwokwo, ngabashereeza, na ndyose abaana baabo.

Yeremiya 50:29

Ngiisi ábayiji ukufwora umuheto, mubabwire kwo bayiji teera akaaya keꞌBabeeri. Mukasokanane, hatagire umundu úgafuushuka mwo. Ngiisi kwo bâli kizi gira abandi, kube kwo nabo mugabagira. Yabo Bababeeri bâli kizi hagana na Nahano, Umutaluule waꞌBahisiraheeri, ku bwikangaate bweneene.

Yeremiya 50:32

Kundu mugweti mugayikangaata, si mugasiitara, munagwe, ndaanaye úgamùvyula. Ngayasa umuliro mu twaya twinyu, halinde byoshi bisingooke ngiisi luhande.»

Hezekyeri 5:12

E Yerusaleemu! Mu bandu baawe, ikihande kiguma kya kashatu kigaafwa ku njira yeꞌkiija, noꞌmwena. Ikindi kihande, kigayitirwa imbuga lyeꞌnzitiro zaawe. Neꞌkindi íkisigiiri, ngakishabulira mu mahanga gooshi. Ngabalandiriza yo, gira ngendi bayita ku ngooti.

Mataayo 3:12

Akoli fumbiiti ulwibo, gira ayeruule ibyula mu ngano. Iyo ngano, agagikumaniza mu kihinda kyage. Si ibyula byohe, agabiduulika mu muliro, úgutanâye zime.»