Yeremiya 51:11 - Kifuliiru

¹¹ Nahano akoli shungisiri ukushereeza i Babeeri, kyo kitumiri akashigika abaami beꞌMediya. Yabo Bababeeri, bo bakashereeza inyumba yage. Ku yukwo, agabayihoola, nga kwo bibakwaniini. Aahago! Mutyaze imyambi yinyu! Muyabiire neꞌsiribo!

Yeremiya 51:11 ပူးပေါင်းရင်းမြစ်များ

1 Baami 11:14

Ha nyuma, Nahano anashombania Hadaadi, wa mwiꞌkondo lya mwami weꞌHedoomu, halinde akizi ba mugoma wa Sulumaani.

1 Baami 11:23

Rurema anashombania kiri na Resoni naye, kwo abe mugoma wa Sulumaani. Uyo Resoni âli mugala Heryada. Âli tibisiri nahamwabo, Hadadezeeri, mwami weꞌZoba,

1 Kutondobola 5:26

Kwokwo, Rurema waꞌBahisiraheeri anahidika mwami Puuli weꞌHasuriya (irindi iziina lyage ye Tigilati-Pireseeri), anayiji shereeza ikihugo kyabo. Uyo mwami anabungiisa beene Rubeni, na beene Gaadi, neꞌkimaanye kyoꞌmulala gwa Manaasi, anabatwala i mahanga. Bakatwalwa iyo munda i Hala, neꞌHabori, neꞌHara, kiri na iwa lwiji Gozani. Neꞌyo munda, yo baki tuuziri halinde zeene.

2 Kutondobola 36:22

Ikyanya mwami Kiiro weꞌPerisiya âli kiri noꞌmwaka muguma atwaziri, lyo Nahano akakwiza igambo lyo âli mali gwanwa adeta ku njira yoꞌmuleevi Yeremiya. Kwokwo uyo Kiiro, Nahano anamúshimya kwo amenyeese mu matwali gaage gooshi yiryo igambo liyandike, ti:

Hizira 1:1

Ikyanya mwami Kiiro weꞌPerisiya âli kiri noꞌmwaka muguma atwaziri, lyo Nahano akakwiza igambo lyo âli mali gwanwa adeta ku njira yoꞌmuleevi Yeremiya. Kwokwo uyo Kiiro, Nahano anamúshimya kwo amenyeese mu matwali gaage gooshi yiryo igambo liyandike, ti:

Hisaaya 10:26

Nahano woꞌbushobozi bwoshi agakubula Abahasuriya neꞌngoni yage. Agabaminika, nga kwo akaminika Abamidyani kwiꞌbuye lyeꞌHorebu. Ee! Anagolole ingoni yage ku nyaaja, nga kwo akagirira Abamiisiri.

Hisaaya 21:2

Gano mabone, kiryagagi kihuume ngana! Nꞌgabona abiira balyalya keera bakuhindukira, banakola mu kushahula ibindu, babuli kushereeza. E Bahelamu, kuguma naꞌBamediya! Mugirage muzunguluke kano kaaya, munakateere! Abandu baamwo, kundu bagweti bagababaza abaabo, haliko yukwo kubabala, ngola ngakumala.

Hisaaya 21:5

Bakola mu baza ibyokulya binunu. Banakola mu yaja imitaara, gira abandu babwatale. Booshi bakoli vwagariiri ha byokulya neꞌbinywebwa. Halikago, masaasa atabukwa, banayiji yuvwa, ti: «E bakulu, muyimuke mweshi! Mugirage muyabiire ibilwaniiso biinyu.»

Hisaaya 41:25

«Keera nꞌgaleeta umundu muguma ukulyoka uluhande lweꞌmbembe, na lweꞌsheere. Uyo mundu ali mu kizi deta iziina lyani, anagweti agalibata abatwali booshi nga bidaka. Ali mu bakanda-kanda, nga kwoꞌmubuuvi ali mu kaata ibumba.

Hisaaya 45:1

Nahano adetaga kwokuno, hiꞌgulu lya Kiiro, umutaluule wage: «Ngakusikamya, gira uhime abaami beꞌmahanga, halinde ubamale imisi lwoshi-lwoshi. Ngayigulaga inyiivi zoꞌtwaya, zitanâye ki yigalwe.

Hisaaya 45:5

Niehe, nie Nahano. Ndaanaye gundi Rurema úli ho. Kundu utâli nyiji, si ngweti ngakusikamya.

Hisaaya 46:11

Yizo shungi zaani, ndi mu hamagala umundu wani ukulyoka isheere, ayiji zikwiza. Uyo mundu alyagagi nga nyunda úgweti úgabalala mulindi. Kwokwo, ngiisi byo nâli mali gwanwa nadeta, ngabikola. Ee! Ngiisi byo njungisiri, ngabikoleesa.

Yeremiya 25:25

naꞌbaami booshi beꞌZimuri, naꞌbeꞌHelamu, naꞌbeꞌMediya,

Yeremiya 46:3

«Mulingikanie isiribo ziinyu, ziba niini kandi iri mbamu, gira mugende mwiꞌzibo.

Yeremiya 46:4

Mwe muli mu gendera ku fwarasi, muziyaje kweꞌbyajo, munazishonere kwo. Muyambalage ingofeera zeꞌbyuma, munayibiike ibiringiini. Munatyaze naꞌmatumu giinyu, munayambale ibihazo biinyu byeꞌbyuma.

Yeremiya 46:9

Aahago! Mwe muli mu gendera ku fwarasi, na mu magaare giꞌzibo! Mugendi teera abagoma. Si mwe ndwani zeꞌMiisiri! Na niinyu mwe biira baabo ukulyoka i Hendyopiya neꞌPuuti! Ngahwe! Si mulyagagi bikalage mu kukoleesa isiribo! Kiri naꞌBaluudi, muli bikalage mu kufwora imiheto.”

Yeremiya 50:25

«Keera nꞌgayigula ikihinda kyani kyeꞌbilwaniiso, nanabilyosa, gira ngoleese uburaakari bwani. Nie Nahano woꞌbushobozi bwoshi, ngola mu gendi teera ikihugo kyeꞌBabeeri.

Yeremiya 50:3

Yikyo kihugo kyeꞌBabeeri, abandu bakola mu yija ukulyoka imbembe, gira bayiji kiteera, banakishereeze, kinahinduke ishamba lizira bandu. Abandu neꞌbitugwa byoshi bigakitibita, ndaanaye úgaki tuula mwo.»

Yeremiya 50:45

Yuvwagwi ngiisi kwo Nahano akoli shungisiri ukugira hiꞌgulu lyeꞌkihugo kyeꞌBabeeri, naꞌbatuulaga baamwo. Ku kasiisa, kiri naꞌbaana baabo bato, bagayimulwa, banabululirwe hala. Emwe! Utwaya twabo, ngiisi mundu agakizi tuhumirirwa.

Yeremiya 50:9

Ngola ngaleeta abandu bingi ukulyoka imbembe, bayiji teera i Babeeri, banagigwate. Balyagagi bikalage mu kufwora imiheto, batanâye galuke maboko mamaata.

Yeremiya 51:12

E bagoma beꞌBabeeri! Mushonie irembera liꞌzibo, gira abasirikaani bateere inzitiro zeꞌBabeeri. E Bababeeri! Muleetage abandi balaliizi, lyo mumenya ikihe kyo bagamùteera kwo ku bumbishwa. Kundu mwangagira kwokwo, Nahano akoli shungisiri kwo agamùshereeza, lyo akwiza ishungi zaage.

Yeremiya 51:24

Nahano ashubi detaga kwokuno: «Mwe Bababeeri, ngamùhana, kuguma naꞌbandu biinyu booshi, bwo mwâli kizi girira i Sayuni amabi.»

Yeremiya 51:35

Ee! Abandu beꞌSayuni badeta na kwokuno: «Nga kwaꞌBababeeri bakatuleeza mu malibu, kwokwo nabo ubaleezagye mu go. Si bakayita abandu biitu bingi! Aaho! Nabo ubahaniirize.»

Yeremiya 51:36

Nahano adetaga kwokuno: «E Bayuda, ngamùbulanira, na nyihoole abagoma biinyu. Ngayumya inyaaja zeꞌBabeeri, kiri neꞌshyoko zaazo.

Danyeri 5:30

Mu bwobulya bushigi, Berishaaza mwami weꞌBabeeri anayitwa.

Balaawi 26:25

Na ku bwenge mugaaba muhongwiri ikihango kyani, ngamùtibulira mwiꞌzibo. Na kundu mwangagira mbu mugendi yibisha mu twaya, haliko ngamùmwagulira mweꞌkiija, gira mumale, munabiikwe mu maboko gaꞌbagoma biinyu.

Zakariya 14:12

Halikago, ku luhande lwa ábakayiji teera i Yerusaleemu, Nahano agabaleeteraga buno buhanya: Amagala gaabo gagaabola, banakiri bagumaana. Amasu gaabo, gagavunda ganakiri mu bikangara byago. Indimi zaabo, zigaabola zinakiri mu tunwa.

Zakariya 14:2

Ee! Nahano agakuumania abandu baꞌmahanga gooshi, gira bayiji teera akaaya keꞌYerusaleemu. Yako kaaya, bagakagwata imbira, banamùshahule ibindu mu nyumba ziinyu. Yoo! Kiri na bakiinyu, bagababimbiira ku misi. Ikimaanye kiguma kyaꞌbandu kigatwalwa i mahanga mu buja. Na ábagaaba baki sigiiri, bagahanguulwa kwo basigale mu kaaya.