Yeremiya 50:8 - Kifuliiru

⁸ «Mutibitage Abababeeri! Muhuluke mu kihugo kyabo. Mukizi ba nga bihebe íbiri mu genda imbere lyeꞌkiso.

Yeremiya 50:8 ပူးပေါင်းရင်းမြစ်များ

Migani 30:31

Uluhazi nalwo, luli mu genda lugweti luganooka-nooka, kuguma neꞌkihebe. Kiri na mwami, ali mu hundwa naꞌbandu baage.

Hisaaya 48:20

E balya, mulyokage i Babeeri. Mutibitage, mulyoke yo! Munakizi menyeesa umwazi mu kubanda akabuuli, awi yiyi yiyi! Mugumenyeese halinde heꞌkihugo kihekiiri. Mukizi deta: «Nahano keera akaguluula abandu baage, beene Yakobo.»

Hisaaya 52:1

E Yerusaleemu, akaaya keꞌSayuni! Uvyukage, uyihe ikise. Uyambalage imirondo yawe yoꞌmulimbo. Kundu ibinyamahanga na ábayulubiiri bâli kizi kuyifunda mwo, si batâye ki kufine mwo.

Hisaaya 52:11

Mwe mubetwiri ibirugu bya Nahano! Mushaage mu kaaya keꞌBabeeri. Mushaagage, maashi! Mutaki hume ikindu kyoshi kyoꞌmuziro! Si muyiyeruusagye, munakalyoke mwo.

Yeremiya 51:45

E bandu baani, si ubute bwa Nahano bukoli kayiri! Aahago! Muhuluke mu kaaya keꞌBabeeri. Mutibitage, lyo mufuuka.

Yeremiya 51:6

Ngiisi mundu ashaagage i Babeeri, gira alonge ukuyikiza. Mutasigalage yo, mbu muyitirwe kuguma naꞌbanabyaha. Mukuba, kikola kyanya kyoꞌkubahaniiriza. Ee! Nahano agabahaniiriza, nga ngiisi kwo bibakwiriiri.

Zakariya 2:11

E bandu beꞌYerusaleemu, mwe mukahungira i Babeeri! Muvwarukage maashi, gira muyifuuse!»

Muharuuro 16:26

Musa, mbu ahikage yaho, anakengula abandi bandu booshi, ti: «Yaba bandu, muyami lyoka ha gano maheema gaabo. Mukuba bakola banangora-mabi. Hatanagire kiri neꞌkindu kiguma kyabo kyo mugahuma kwo. Mutayiji kengeera mwashereezibwa mwe nabo. Si boohe, ibyaha byabo bigabamala.»

2 Bakorindo 6:17

Nahano adetaga kwokuno: «Mugire mubayilyose mwo, munabayihandule kwo! Hatagire ikindu kyoꞌmuziro kyo mugakizi huma, gira lyo nimùyakiira.»

Bwigule 18:4

Lyeryo, nanayuvwa irindi izu ukulyoka mwiꞌgulu, lyanadeta: «E bandu baani, muyame mugalyoka mu yako kaaya, gira mutabe neꞌngoome mu byaha byako. Mutayiji kengeera mwahanirwa kuguma.