Yeremiya 50:7 - Kifuliiru

⁷ Ikyanya abagoma bâli kizi bagwana, banakizi bateera. Banakizi deta, ti: “Balya bandu, mu kubateera, tutahubiri. Si keera bakahubira Nahano yenyene! Kundu bashokuluza baabo bâli kizi langaalira Nahano, haliko, abaana baabo banakizi múhubira!”

Yeremiya 50:7 ပူးပေါင်းရင်းမြစ်များ

Zaburi 71:5

E Nahano, we kandyosa mu nda ya maawe. Kyo kitumiri ngakizi kubiika kwoꞌmulangaaliro. Ukulyokera ubusore bwani, we ngweti ngayegamira, iri na nguyivuga.

Zaburi 79:7

Mukuba, keera bakamirangusa abandu baawe Abahisiraheeri, banashereeza neꞌkihugo kyabo.

Zaburi 90:1

Amahuuno ga Musa, umukozi wa Rurema. E Nahano, tuyamiri tutuuziri imwawe, mu bibusi byoshi.

Zaburi 91:1

Rurema ye riiri hiꞌgulu lya byoshi, ye na mwene ubushobozi bwoshi. Kwokwo, ngiisi úli mu langwa mu kabisho kaage, agakizi luhuuka mu kimbehwa kyage.

Hisaaya 47:6

Balya bandu baani, nꞌgatee barakarira, nanabahana mu kuleka bagwatwe mu maboko gaawe. Naawe, utanabakejeerera. Kiri naꞌbashaaja mu kati kaabo, wanakizi babetuza imiteekerwa mizito-mizito.

Hisaaya 56:9

Mwe nyamiishwa mweshi! Muba mutuuziri mu mbingiro, kandi iri i rubako, muyije. Ee! Muyiji vwajagira abandu baani, Abahisiraheeri.

Hisaaya 9:12

Yabo bandu, kundu Nahano woꞌbushobozi bwoshi akabahana, si batanamúgalukira.

Yeremiya 10:25

Yubwo buraakari bwawe, ubuyonere ku bandi bandu ábatakuyiji. Si boohe, batali mu kuyikumba. Twe Bahisiraheeri, twe balya bandu bakaminika, banatusivya lwoshi, banasigaga kihugo kiitu mushaka.

Yeremiya 14:8

E Nahano! Abahisiraheeri baki kubiisiri kwoꞌmulangaaliro. Ikyanya bâli riiri mu makuba, wanakizi bakiza. Aahago! Kutagi kandi ukola mu yigira nga kinyamahanga, íkigweti kigalenga naaho, na nga mugeezi úwabashumbika mwo ku bushigi buguma naaho?

Yeremiya 17:13

E Nahano! We Abahisiraheeri babiisiri kwoꞌmulangaaliro. Halikago, ngiisi ábagakujajaaka, bagateezibwa ishoni. Ee! Ngiisi ábagakuyihandula kwo, boohe, baganyerera ngiꞌziina íriyandisirwi mu luvu. Yabo banakuhambwa, bagaaba bajaziiri Nahano, anali ye shyoko íri mu leeta ubulamu.

Yeremiya 2:3

Ku yikyo kyanya, mwe Bahisiraheeri mwâli talwirwi imwani, mwanaba ngiꞌtomola lyeꞌmimbu. Ngiisi ábâli kizi kolwa mbu bamùhume kwo, banayami hanwa.» Kwokwo, kwo Nahano adesiri.

Yeremiya 31:23

Nahano woꞌbushobozi bwoshi, Rurema waꞌBahisiraheeri adetaga kwokuno: «Yabo Bayuda, ikyanya ngabagalula mu kihugo kyabo, na mu twaya twamwo, lyaꞌbandu bagashubi kizi deta kwokuno: “Nahano akizi gashaanira umugazi Sayuni! Ee! Haaho, ho atuuziri.”

Yeremiya 33:15

Mu yizo siku, mu kibusi kya Dahudi, ngayimika mwoꞌmundu, libe ishibwe liija. Uyo mundu, agatwala ikihugo ku njira íkwaniini, na mu kati koꞌkuli.

Yeremiya 33:16

Ku yikyo kyanya, abandu beꞌYerusaleemu bagakizibwa, kuguma naꞌbandi Bayuda, banakizi tuula ku butoge. Yako kaaya, bagakayinika iziina “Nahano ye mu tukiza.”»

Yeremiya 5:17

Balya bagoma, ngiisi byo muli mu yimbula, bo bagakizi birya. Bagakizi lya ibibuzi biinyu, neꞌngaavu ziinyu. Bagakizi lya neꞌmizabibu yinyu, neꞌmitiini. Bagakizi lya kiri na bagala biinyu, na banyere biinyu. Utwaya twinyu tuzitire, muli mu tuyegamira. Kundu kwokwo, yabo bagoma bagatushereeza ngana.»

Yeremiya 50:14

«Mwe mufumbiiti imyambi mweshi! Musookanane akaaya keꞌBabeeri, gira mukateere. Na mu kulasha imyambi, mutasige kiri noꞌmundu muguma. Mukuba keera bambubira, na ndi nie Nahano.

Yeremiya 50:17

«Abahisiraheeri balyagagi nga bibuzi. Indare zigweti zigabahiiva, iri zinabashaabula. Ubwa mbere, bakashaabulwa na mwami weꞌHasuriya. Noꞌbuzinda, mwami Nebukandeneza weꞌBabeeri, ye kabavungula amavuha.»

Yeremiya 50:33

Nahano woꞌbushobozi bwoshi, adetaga kwokuno: «Abahisiraheeri naꞌBayuda, bakola baja. Abagoma keera bakabagwata imbohe, banalahira kwo batagabaliika.

Hezekyeri 34:5

«“Yibyo bibuzi, bwo bikabulaga umungere, kyo kitumiri byashaabulwa, binagweti bigaliibwa neꞌnyamiishwa.

Hezekyeri 35:12

Haaho, lyo mugayiji menya kwo keera nꞌgayiyuvwirwa ngiisi kwo mugweti mugahonyoleza imigazi yeꞌHisiraheeri. Mukuba, mwâli kizi deta: “Balya Bahisiraheeri, utwaya twabo keera twashaka! Na buno, twe tukola tugajanganula abandu baatwo!”

Danyeri 9:16

Yibyo byaha biitu, kuguma noꞌbuligo bwa bashokuluza biitu, byo bitumiri akaaya keꞌYerusaleemu kakola mu kizi gayirizibwa naꞌbandu baꞌmahanga gooshi. Naꞌbandu baawe, bagweti baganegurwa. «“E Nahamwitu! Ukukulikirana na ngiisi kwo uli mu gira íbikwaniini, utaki gwatwe noꞌbute hiꞌgulu liitu. Si akaaya kaawe Yerusaleemu, kali ku mugazi gwawe mweru!

Danyeri 9:6

«“Abakozi baawe, abaleevi, ikyanya bâli kizi tukengula kwiꞌziina lyawe, tutâli kizi batwaza. Bâli kizi ganuuza kiri naꞌbaami biitu, naꞌbatwali biitu, na bashokuluza biitu, na ngiisi bandi ábatuuziri mu kihugo kiitu.

Zakariya 1:15

Si abandu beꞌgindi milala, kundu bayuvwiti kwo batuuziri ku butoge, boohe mbashavuriiri. Irya gindi milala, ubwa mbere, nâli kizi barakarira hiniini naaho. Halikago buno, keera baleezagya ulugero mu kukizi libuza abandu baani.

Zakariya 11:5

Ábali mu kizi bigula bali mu bitongeera, buzira kubona kwo bagira buligo. Na ábali mu kizi biguliisa nabo, bali mu deta: “Kongwa imwa Nahano! Buno, keera twagalaga!” Kiri naꞌbangere baabyo boonyene, ndaayo ndengeerwa babiyuvwitiiri.

1 Timoteyo 1:1

Niehe Pahulu, indumwa ya Yesu Kirisito, nꞌgabiikwa ukukulikirana na ngiisi kwo Rurema, Lukiza witu, akakyula kuguma na Yesu Kirisito. Uyo Yesu, ye na tumiri tuhiiti umulangaaliro. Kwokwo, nakuyandikira,