Yeremiya 50:42 - Kifuliiru

⁴² Abasirikaani baabo, bahagasiri imiheto, naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali nga midunda mu nyaaja. E Babeeri! Yabo bagoma bakola ibiringiini, kwo bayiji kuteera.

Yeremiya 50:42 ပူးပေါင်းရင်းမြစ်များ

Zaburi 46:6

Na bwo Rurema ali mwo, katâye shaganibwe. Si agayiji katabaala ku lukula.

Zaburi 74:20

E maashi! Ukengeerage neꞌkihango kyo tukanywana na naawe. Kino kihugo, si kikoli yidisiri mweꞌkihulu! Abandu banali mu komeresania ngiisi handu.

Hisaaya 14:6

Ulya mwami weꞌBabeeri âli kizi kubula abandu ingoni. Âli kizi bakomeeresa ku buraakari bweneene.

Hisaaya 47:1

Nahano adetaga kwokuno: «E Babeeri, ugoke, unayibwandalike mu luvu. Utakiri mwami, utanâye ki huuzibwe mbu ubuyahiri, kandi iri mbu unonosiri.

Hisaaya 47:6

Balya bandu baani, nꞌgatee barakarira, nanabahana mu kuleka bagwatwe mu maboko gaawe. Naawe, utanabakejeerera. Kiri naꞌbashaaja mu kati kaabo, wanakizi babetuza imiteekerwa mizito-mizito.

Hisaaya 5:28

Imyambi yabo ishongosiri bweneene, keera banagifwora mu miheto yabo. Ibinogosho byeꞌfwarasi zaabo, biri bikomu nga mabuye. Naꞌmapine gaꞌmagaare gaabo giꞌzibo, gali mu kizi suula umulindi nga munyaga.

Hisaaya 5:30

Yulwo lusiku, bagalundumira abagoma, nga midunda ígweti igayibirindula mu nyaaja. Hooshi mu kihugo, abandu bagaabona ikihulu naaho naꞌmalibu. Umulengeerwe gugayidika mweꞌkibungu.

Yeremiya 30:14

Mu booshi ábashubi mùtabiiri, ndaaye úki mùtwaziizi. Si booshi bakoli mùyibagiiri. Amabi giinyu, gakoli leeziri ulugero bweneene. Neꞌbyaha biinyu, bikoli luguusiri. Kwokwo, ngola mu mùharuura nga bagoma baani, keera nanamùhaniiriza, buzira kumùyuvwira indengeerwa.

Yeremiya 47:3

Ifwarasi zigakizi girigimba. Naꞌmagaare giꞌzibo, ganalase amapine. Ababusi bagaabula ubulyo bwoꞌkutabaala abaana baabo, banayami tibita, buzira kushubi balola.

Yeremiya 50:14

«Mwe mufumbiiti imyambi mweshi! Musookanane akaaya keꞌBabeeri, gira mukateere. Na mu kulasha imyambi, mutasige kiri noꞌmundu muguma. Mukuba keera bambubira, na ndi nie Nahano.

Yeremiya 50:9

Ngola ngaleeta abandu bingi ukulyoka imbembe, bayiji teera i Babeeri, banagigwate. Balyagagi bikalage mu kufwora imiheto, batanâye galuke maboko mamaata.

Yeremiya 51:27

Mugirage mushonie irembera lyoꞌkumenyeesa izibo! Mulasagye neꞌkibuga, gira ibinyamahanga byoshi bikiyuvwe. Mukuumanie Abahararaati, naꞌBamini, naꞌBahashikenaazi, gira bayiji teera Abababeeri. Mutoolage umukulu woꞌkurongoora abasirikaani. Muleete ifwarasi kandaharuurwa nga nzige.

Yeremiya 8:16

Yuvwagwi ngiisi kweꞌfwarasi zaꞌbagoma zigweti zigafuura iriira munda imbembe, mu kihugo kya beene Daani! Si zikola mu girigimba, halinde idaho linajugumbane! Abagoma bakola mu njira, gira bagayiji shereeza ikihugo kiitu, na íbikiri mwo byoshi. Bagashereeza utwaya twoshi, na booshi ábatutuuziri mwo.»

Hezekyeri 26:3

«Ku yukwo, nie Rurema Nahamwinyu nadetaga kwokuno: E bandu beꞌTiiro! Buno, ngola mugoma winyu! Ngalungika ibinyamahanga bingi, biyiji mùyubukira, nga midunda mu nyaaja.

Yuheeri 2:5

Ikyanya biri mu simba-simba ku migazi, ikilundumo kyabyo, kiri nga kyaꞌmagaare giꞌzibo, kandi iri ngeꞌmbigi zoꞌmuliro úguli mu yigwima mu byasi byumu. Yibyo bizimu, ikyanya biri mu yija, biryagagi nga kiso kyaꞌbasirikaani, ábagweti bagateera abagoma.

Yakobo 2:13

Iri abandu bangaba batali mu bonerana ulukogo, iri nabo batagalubonerwa. Haliko, iri bangaba bali mu lubonerana, iri nabo, mu kutwirwa ulubaaja, bagaakogwa.

Bwigule 16:6

Yaba babi, bo bakayonaga umuko gwaꞌbaleevi baawe, na gwaꞌbandi bandu baawe. Na buno, keera wabanywesa umuko, nga kwo bibakwaniini.»