Yeremiya 50:4 - Kifuliiru

⁴ Nahano Rurema, adetaga kwokuno: «Ku yikyo kyanya, Abahisiraheeri naꞌBayuda bagayija bali mu ndooza, iri banalira bweneene.

Yeremiya 50:4 ပူးပေါင်းရင်းမြစ်များ

2 Kutondobola 7:14

«Haaho, abandu baani bakwaniini bayibiikage haashi ku kahinda, banandabaaze, banandooze mu kati koꞌbutuudu, iri banatwikira lwoshi ku bitalaalwe byabo. Iri bangagira kwokwo, lyo ngabayuvwiriza ukulyoka mwiꞌgulu, na ngoge ibyaha byabo, na ngize neꞌkihugo kyabo. Mukuba, bali mu buuzibwa kwo bali bandu baani.

Zaburi 105:4

Mukizi looza Nahano, mulooze neꞌmisi yage. Mukizi yidula ukumúbona isiku zooshi.

Hisaaya 14:1

Nahano agaki shubi kejeerera Abahisiraheeri, beene Yakobo. Ee! Agashubi bayereka kwo ye batooziri, babe bandu baage. Anashubi bagalulira mu kihugo kyabo. Ibinyamahanga nabyo, binayiji bayibiika kwo, halinde booshi banabe bakola boꞌmulala muguma naaho.

Hisaaya 45:19

Ndali mu detera mu kwaha, kandi iri mu kihulu. Ndanabwiziri beene Yakobo kwo bakizi ndooza ku kimaama. Nanga, maashi! Niehe, nie Nahano. Na ngiisi byo ndi mu deta, biri byoꞌkuli, binakwaniini.

Hisaaya 55:6

Ugirage umwete gwoꞌkulooza Nahano, ku kyanya akiri mu boneka. Unamúhuune ubutabaazi, bwo akiri hoofi-hoofi.

Hisaaya 63:4

Ulusiku keera lwahikaga, lwo nayihoolera kwaꞌbandu baani, nanabaguluula mu bagoma baabo.

Yeremiya 31:31

«Mu siku ízigayija, ngashubi nywana ikihango kihyahya naꞌBahisiraheeri, kiri naꞌBayuda.

Yeremiya 33:15

Mu yizo siku, mu kibusi kya Dahudi, ngayimika mwoꞌmundu, libe ishibwe liija. Uyo mundu, agatwala ikihugo ku njira íkwaniini, na mu kati koꞌkuli.

Yeremiya 41:6

Uyo Hishimaheeri, mbu ababonage, anahuluka mu kaaya, anagendi basanganira, iri analira. Anababwira: «E waliha, muyiji lola íbikakoleka ku Gedaliya, mugala Ahikaamu.»

Hezekyeri 16:61

Haaho, yago mabi gooshi go mwâli kizi gira, mugagakengeera, munagwatwe neꞌshoni. Yabo beene winyu, Soodoma na Samariya, ngamùheereza bo, babe nga banyere biinyu, kundu batakanywana ikihango na naani, nga kwo mukagira.

Hezekyeri 39:25

«Haliko, nie Rurema Nahamwinyu nadetaga kwokuno: Buno, ngola ngashubi kejeerera Abahisiraheeri, na mbalyose mu buja. Kwokwo, liꞌziina lyani lyeru lilonge ukukizi gingikwa.

Hosheya 11:10

«Bwo nie nahamwinyu, mugaki ngulikira. Nâye ki lundume nga ndare. Neꞌkyanya ngalunduma, abandu baani bagakizi nyijira ukulyoka imbembe bakoli yobohiri.

Hosheya 3:5

Si ha nyuma, Abahisiraheeri bagagalukira Rurema Nahamwabo, banashubi kizi múkulikira. Bagayiji yibiika na ku mwami, wa mwiꞌkondo lya Dahudi. Ee! Mu siku ízigayija, bagagalukira Nahano, iri banakizi juguma imbere lyage. Nahano anakizi bagashaanira.

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

Yuheeri 2:12

Nahano adetaga kwokuno: «Bwo muki hiiti ikyanya, mungalukirage ku mutima gwinyu gwoshi. Si kikola kyanya kyoꞌkuyishalisa, na kyoꞌkulira, na kyoꞌkujengeerwa.

Zakariya 12:10

Beene Dahudi, ngabatabaala kuguma naꞌbandi booshi ábatuuziri i Yerusaleemu. Bagakizi girirana amiija, iri banakizi huuna Rurema. Na bwo bakandumita, bagandoleera, banakizi nyimbira inyimbo zeꞌkigandaaro. Bagandirira, ngoꞌmundu úgweti úgalirira umwana wage weꞌkininga. Bagabululuka ngana, ngoꞌmundu úli mu kizi bululukira ifula yage.

Yakobo 4:9

Mujengeerwe, iri munalira ku kimombo! Amasheka giinyu, gahinduke malira. Noꞌmushambaalo gwinyu, guhinduke muhuni.