Yeremiya 50:27 - Kifuliiru

²⁷ Muminikage abasirikaani baamwo booshi. Mubayite nga kwo muli mu yita ibitugwa. Yayewe imwabo! Si ulwabo keera lwahikaga! Kikola kyanya kyoꞌkubahaniiriza.

Yeremiya 50:27 ပူးပေါင်းရင်းမြစ်များ

Hayubu 18:20

Abandu boꞌluhande lweꞌmuga, ikyanya bagaabona íbigabakoleka kwo, bagashenguka. Naꞌbandu boꞌluhande lweꞌsheere, bagahuumirwa.

Zaburi 22:12

Kundu kwokwo, buno amakuba gangola hoofi, ndaanaye woꞌkundabaala. Aaho! Utanyisungage hala.

Zaburi 37:13

Kundu kwokwo, Nahano ali mu bashekeereza, bwo ayiji kwo bakola bagaahanwa naaho.

Hisaaya 21:12

Uyo mulaliizi anamúshuvya: «Bukola bugaakya! Kundu kwokwo, bugaki shubi yira. Neꞌri wangashubi buuza, bwija naaho! Ukashubi yiji mbuuza.»

Hisaaya 34:6

Irya ngooti yani ikoli yijwiri umuko gweꞌkipanga, na gweꞌkihebe, kiri na gweꞌbyanabuzi, kuguma neꞌbinyule byeꞌnyama yeꞌfiko. Yehee! Nahano akolaga agatanga ituulo mu kaaya keꞌBosira. Akola agayita abandu bingi mu kihugo kyeꞌHedoomu.

Hisaaya 34:7

Kundu abashosi bangabiiri bali neꞌmisi nga yeꞌmbogo, kandi iri yeꞌshuuli, halikago, ukufwa bagaafwa naaho. Kirya kihugo kyoshi kigakwira mwoꞌmuko naaho-naaho. Noꞌluvu lunanywerere mweꞌbinyule byabo.

Yeremiya 12:3

E Nahano, uyiji-yiji ngiisi byo ndi mu tona mu mutima gwani, unali mu kizi bigeza. Aahago! Yabo banangora-mabi, ubayobore, nga bibuzi íbigagendi tongeerwa. Ee! Ubahandule, unabalindirize ku kyanya bagayitirwa kwo.

Yeremiya 25:34

Mwe bangere! Mubandage akashiba ku kimombo! E bimangizi baꞌbandu! Muyibulage mu munyota-kiiko. Bwobuno, bakolaga bagamùtongeera ku ngooti. Mukola mugakizi yideedeka haashi, nga kirugu kiꞌbumba, neꞌbigyo binashaabuke.

Yeremiya 27:7

Uyo Nebukandeneza kuguma noꞌmugala, noꞌmwijukulu, bagakizi koleesa abandu baꞌmahanga gooshi. Haliko ha nyuma, ikihugo kyeꞌBabeeri, nakyo kigateerwa, kinahimwe. Abaami bahamu beꞌbihugo bingi-bingi bagayiji múkoleesa.

Yeremiya 46:21

Abasirikaani beꞌMiisiri, bali ba kuhembwa naaho, banakoli shishiri nga nyana. Balya booshi, bagakebaanuka, banayami tibita. Bakola bagahanirizibwa, halinde banahanyagale lwoshi.

Yeremiya 48:10

Umundu, iri atangakoleesa ingooti yage mu kuminika Abamohabu, akwaniini adaakwe! Ee! Byo Nahano adesiri, ngiisi úgabiyolohera akwiriiri adaakwe.

Yeremiya 48:15

Ehee! Si abagoma biinyu bakola bagayiji mùshereeza! Utwaya twinyu, tugahongolwa, kiri neꞌmisore yinyu inayitwe.» Kwokwo, kwo Mwami adesiri. Niꞌziina lyage, ye Nahano woꞌbushobozi bwoshi!

Yeremiya 48:44

«Ikyanya abandu bagakizi puumuka hiꞌgulu lyeꞌkyoba, bagakizi yami yihongoleka mu buhya. Neꞌkyanya bagalooza ukubushaaga mwo, bagakizi yami bashwa noꞌmubashu. Keera nashungika ngiisi kwo ngahaniiriza Abamohabu.» Kwokwo, kwo Nahano adesiri.

Yeremiya 50:11

«E Bababeeri, ikyanya mukagendi shahula abandu baani ibindu, mwanaba mukoli shambiiri bweneene. Mwanasimba-simba nga nyana íri mu ndagiriro. Izu liinyu, likola nga lyeꞌfiizi yeꞌfwarasi.

Yeremiya 50:31

«E bandu boꞌbwikangaate! Niehe, nie Nahano woꞌbushobozi bwoshi. Na buno, ngola ngamùlwisa. Ee! Kikola kyanya kyoꞌkumùhaniiriza.

Yeremiya 51:40

«Balya Bababeeri, ngabayabiira, gira bagendi tongeerwa. Bagabatongeera nga byanabuzi, neꞌbipanga, neꞌbihebe.

Kimombo 1:21

Abandi bayuvwiti ngiisi kwo ngweti ngagongeera. Kundu kwokwo, ndaaye úkangebagana, mbu ayiji mboleeza. Abagoma baani, ikyanya bakayuvwa ngiisi kwo wandibuza, banatondeera ukushambaala. Ewe! Si keera ukatulagaania ulusiku lwaꞌbagoma biitu nabo bagalibuuka kwo! Aaho! Yulwo lusiku, luhikage duba!

Bwigule 18:10

Na hiꞌgulu lyoꞌkulibuzibwa kwako, bagahuumirwa. Banayisunge hala nako, iri banayiganyira kwokuno: «Yayewe imwawe! Yayewe imwawe, e kaaya kahamu keꞌBabeeri, we shuba kikalage! Si ku kino kihe kiguma naaho, keera walonga ikihano kyawe!»

Bwigule 19:17

Ha nyuma, mwiꞌzuuba nanabonaga muyimaaziri ugundi muganda. Anateerera umulaga, mu kubwira utunyuni twoshi útuli mu balala mu kyanyaanya, kwokuno: «Muhuutirage ino munda, gira muyiji lya byo Rurema agamùyigusa mwo!