Yeremiya 50:26 - Kifuliiru

²⁶ E basirikaani, mulyokage ngiisi luhande, gira muyiji teera Abababeeri. Muhongolage ibihinda byabo byeꞌbyokulya. Munabashahule ibindu, munabilunde indundo mbamu. Kino kihugo, muyiji kishereeza lwoshi-lwoshi, hatanagire umundu ye mugaasiga!

Yeremiya 50:26 ပူးပေါင်းရင်းမြစ်များ

Hisaaya 10:6

Balya bandu beꞌHasuriya, nie mu batuma, kwo bagendi teera abandu baani! Mukuba, balya bandu baani, keera bambindulira ingoto. Na bwo bakandakarira bweneene, ngahanguulaga Abahasuriya kwo bagendi bateera, banabashahule ibindu. Bagabahinyata-hinyata, nga kwo bali mu hinyata ibidaka mu njira.

Hisaaya 14:23

Ngahindula akaaya keꞌBabeeri, lube lujaga, kanahande mwo banafufulu. Kalya kaaya, ngakahyagiza lwoshi noꞌmuhyagizo, halinde kanashereezibwe lwoshi-lwoshi.» Kwokwo, kwo Nahano woꞌbushobozi bwoshi adesiri.

Hisaaya 25:10

Nahano agakizi langa i Yerusaleemu. Si Abamohabu, boohe, agabahinyata-hinyata. Bagaaba ngiꞌsukiro íri mu hinyatwa mwaꞌmashe geꞌngaavu.

Hisaaya 45:3

Ibihinda byoshi íbishubi bishirwi, ngakuheereza byo. Kwokwo lyo ugaamenya kwo nie Nahano, Rurema waꞌBahisiraheeri, na kwo nie ndi mu kuhamagala kwiꞌziina lyawe.

Hisaaya 5:26

Nahano alengeziizi irembera, gira alonge ukukema ibinyamahanga. Anali mu balakiza uluguuju, gira abagoma bayijage ukulyoka mu mbeka zeꞌkihugo. Lolagi! Yabo bagoma, bagweti bagatuyijira mulindi-mulindi!

Yeremiya 50:10

Yabo bagoma bagagenda mu Babeeri, banashahule mwo ngiisi byo baloziizi.» Kwokwo, kwo Nahano adesiri.

Yeremiya 50:13

Na bwo Nahano agaaba akoli shavwiri, yikyo kihugo, ndaaye mundu úwâye kituule mwo. Si kigasigala biguuka. Ngiisi úgakizi kilenga mwo, agahuumirwa. Ikyanya abandu bagaabona ngiisi kwo kyashereezibwa, bagasoomerwa ngana-ngana!

Yeremiya 50:15

Mubandage akashiba ngiisi luhande! Lolagi! Balya Bababeeri keera bakayibiika mu maboko gaꞌbagoma. Inzitiro zaabo zooshi, keera zikayihongoleka haashi. Balya bandu, Nahano keera akabahaniiriza, nga ngiisi kwo bibakwiriiri. Aaho! Muyihoolage! Ngiisi kwo bakagira abandi, kube kwo na niinyu mugabagira.

Yeremiya 50:23

Ubwa mbere, Abababeeri bâli gweti bagahooja-hooja amahanga gooshi. Halikago buno, nabo keera bahirikwa, banatwika. Mu bihugo byoshi, i Babeeri yo ikoli sherebiiri bweneene.

Yeremiya 50:41

«Lolagi! Abasirikaani bakola mu lyoka imbande zeꞌmbembe. Bali mulala úguhimbiri, kiri naꞌbaami bingi, bakola mu yiji teera ukulyoka mu mbeka zeꞌkihugo.

Yeremiya 51:44

«Gulya mugisi Beeri gweꞌBabeeri, ngaguhaniiriza. Ngiisi byo gwâli kizi mira-mira, gugabishala. Ibinyamahanga bitanâye ki guyijire. Kiri neꞌnzitiro zeꞌBabeeri, zigahongoka.

Yeremiya 51:64

unababwire kwokuno: “Ikihugo kyeꞌBabeeri, kigaazika kuguma naꞌbandu baamwo, kitanâye ki shubi yulubuka. Mukuba ubuhanya bwo ngakileetera, bugaaba buhamu ngana-ngana!”» Amagambo ga Yeremiya, hano ho gamaliiri.

Mika 7:10

Yago gooshi, abagoma baani bagagabona, banateerwe neꞌshoni. Si bo bâli kizi deta, mbu: «Rurema Nahamwinyu, alyagagi hayi?» Kundu bakadeta kwokwo, ngaki bona ngiisi kwo bagaagwa. Banakizi libatwa-libatwa, nga bidaka bya mu njira.

Mataayo 6:26

«Mulolere ku tunyuni, kwo tuli mu balala mu kyanyaanya. Si tutali mu byala, tutanali mu yimbula. Ndaanabyo bihinda byo tugweti. Kundu kwokwo, Yisho úli mwiꞌgulu, ali mu tuliisa. Aaho! Mwehe, ka mutali mwe muli naꞌkamaro bweneene ukuhima utunyuni?

Bwigule 14:19

Lyeryo, ulya muganda anayami hwaguula umugushu gwage ku mizabibu íri mu kihugo, anagikuumania. Anagilasha mu namweshwe woꞌmukenge, úli mwoꞌburaakari bwa Rurema.

Bwigule 19:15

Noꞌyo úwâli barongwiri, mu kanwa kaage, mwâli mubangikage ingooti nyugi. Agagikoleesa, mu kuminika abandu baꞌmahanga gooshi: «Agabatwala neꞌngoni yeꞌkyuma.» Noꞌburaakari bwa Rurema woꞌbushobozi bwoshi, agabuyerekana mu kubukandagirira mu mukenge.