Yeremiya 50:10 - Kifuliiru

¹⁰ Yabo bagoma bagagenda mu Babeeri, banashahule mwo ngiisi byo baloziizi.» Kwokwo, kwo Nahano adesiri.

Yeremiya 50:10 ပူးပေါင်းရင်းမြစ်များ

Hisaaya 33:23

Abagoma biitu, imigozi keera yateraga ku nguliro yaꞌmashuba gaabo. Kwokwo, amatanga gatakiri mu yanuulwa. Balya bagoma, ibindu byabo íbikanyagwa, bigagabulwa. Na bwo bigaaba kanyamwala, kiri neꞌbirema bigalonga kwoꞌmutuli.

Hisaaya 33:4

Nga kwokulya amahaazi gali mu maliiriza indalo, kwo na niinyu, ibindu biinyu bigashahulwa.

Hisaaya 45:3

Ibihinda byoshi íbishubi bishirwi, ngakuheereza byo. Kwokwo lyo ugaamenya kwo nie Nahano, Rurema waꞌBahisiraheeri, na kwo nie ndi mu kuhamagala kwiꞌziina lyawe.

Yeremiya 25:12

«Iyo myaka makumi galinda, mango yamalaga, lyo ngaahana ulya mwami weꞌBabeeri bo naꞌbandu baage. Ikihugo kyage, ngakihindula libe ishamba, halinde imyaka neꞌmyakuula!» Kwokwo, kwo Nahano adesiri.

Yeremiya 27:7

Uyo Nebukandeneza kuguma noꞌmugala, noꞌmwijukulu, bagakizi koleesa abandu baꞌmahanga gooshi. Haliko ha nyuma, ikihugo kyeꞌBabeeri, nakyo kigateerwa, kinahimwe. Abaami bahamu beꞌbihugo bingi-bingi bagayiji múkoleesa.

Yeremiya 50:26

E basirikaani, mulyokage ngiisi luhande, gira muyiji teera Abababeeri. Muhongolage ibihinda byabo byeꞌbyokulya. Munabashahule ibindu, munabilunde indundo mbamu. Kino kihugo, muyiji kishereeza lwoshi-lwoshi, hatanagire umundu ye mugaasiga!

Yeremiya 50:37

Yizo ngooti, zikizi yita neꞌfwarasi zaabo, bashereeze naꞌmagaare gaabo giꞌzibo, kiri naꞌbasirikaani baabo beꞌmahanga, ábali mu hembwa. Babe booba nga bakazi! Zeezo ngooti, zikizi teera ibihinda byabo byoshi, halinde ibindu íbiri mwo bishahulwe, binatwalwe i mahanga.

Yeremiya 51:24

Nahano ashubi detaga kwokuno: «Mwe Bababeeri, ngamùhana, kuguma naꞌbandu biinyu booshi, bwo mwâli kizi girira i Sayuni amabi.»

Yeremiya 51:35

Ee! Abandu beꞌSayuni badeta na kwokuno: «Nga kwaꞌBababeeri bakatuleeza mu malibu, kwokwo nabo ubaleezagye mu go. Si bakayita abandu biitu bingi! Aaho! Nabo ubahaniirize.»

Hezekyeri 11:24

Ha nyuma, Umutima gwa Rurema gwanandengeza, gwanandwala i Babeeri, imunda balya ábakatwalwa imbohe. Iri hakatama, galya mabone ganaba keera galenga.

Habakuki 2:8

Mwâli kizi shereeza ibihugo bingi, kuguma noꞌtwaya twabyo, iri munashahula ibindu byabo. Na ngiisi ábâli tuuziri mwo, mwanakizi bayita. Kwokwo, ibindu biinyu nabyo, ngiisi ábagaaba baki sigiiri, bagayiji bishahula.

Bwigule 17:16

Na yikyo kirara kyo wabona, kuguma na yago mahembe ikumi, bigayiji shomba uyo bulambe woꞌmukazi. Binamúkumbulule byoshi byo ahiiti, halinde anasigale bukondwe. Bigaamúlya inyama, bikabuli músingoolera mu muliro.