Yeremiya 5:22 - Kifuliiru

²² Nahano adetaga kwokuno: «Ku kasiisa, mukwaniini mukizi nzimbaha, munakizi juguma imbere lyani. Si nie nꞌgabiikira inyaaja umushenyu, lube lubibi lwayo! Yulwo lubibi, lunayamiri ho imyaka neꞌmyakuula. Neꞌnyaaja itangalutaluka. Kundu imidunda yangalupukula-pukula, itangalubalala. Na kundu yangakundula, itangalusooka.

Yeremiya 5:22 ပူးပေါင်းရင်းမြစ်များ

Ndondeko 1:9

Rurema anashubi kyula: «Amiiji ágali mwiꞌdako, gayigushe haguma, halinde haboneke áhayumiri.» Kwanaba kwo bigaaba.

1 Baami 13:28

anagenda, anagwana kirya kirunda kilambamiri mu njira. Na wandare na punda bayimaaziri ha butambi. Kundu kwokwo, wandare atakalya ku kirunda, atanajanganula punda.

Hayubu 26:10

«Ngiisi ho akahandula amiiji, anahabiika umuziizi, gira gukizi yerekana ulubibi ha kati koꞌmulengeerwe neꞌkihulu.

Hayubu 37:24

Ku yukwo, abandu ba ngiisi handu bali mu múyoboha. Si ngiisi ábali mu yidundulika kwo bo bitegeereza, boohe, atali mu batwaza.»

Hayubu 38:8

«Na kwakundi, nyandagi úkahangirira inyaaja, gira zitatambuke imbibi zaazo?

Zaburi 104:9

Kiri neꞌnyaaja zooshi, wanazibiikira imbibi, gira zitashubi bwikira ikihugo kyoshi.

Zaburi 119:120

Amagala gaani, gali mu juguma hiꞌgulu lyawe. Ikyanya uli mu kizi twa imaaja, ndi mu ba nzisimbahiri.

Zaburi 33:7

Kiri naꞌmiiji ga mu nyaaja, akagakuumaniza kuguma. Naꞌmiiji ágali i buziba, akagabiika mu bihinda.

Zaburi 46:3

Kwokwo tutangayoboha, kundu ikihugo kyangabereka, neꞌmigazi inajugumbane, inagendi yihongoleka mu nyaaja. Ee! Tutangayoboha, kundu inyaaja yangakundula, inabirindule, halinde inabe ikola bitwange.

Zaburi 99:1

Nahano, ye mwami, anabwatiiri ha kati ka bamakerubi. Kwokwo, abandu beꞌmilala yoshi bakizi juguma. Bakizi lenga mwoꞌmusisi hooshi mu kihugo.

Migani 8:29

Nâli kola ho, neꞌkyanya akabiikira inyaaja ulubibi, gira amiiji gatalujabuke, ku kyanya akabiika indaliro zeꞌkihugo.

Hisaaya 50:2

Ikyanya nꞌgayija, si ndaaye mundu ye nꞌgagwana! Ikyanya nꞌgayiguza, ndaaye úkayitaba. Aaho! Ka mutoniragi kwo ndashobwiri ukumùkiza? Si ndi mu yami kamya inyaaja mu kudeta naaho! Neꞌnyiiji kwakundi, ndi mu zikamya, libe ishamba, halinde ifwi zooshi zinayami fwa, zinabole.

Hisaaya 64:2

Yaho keera, ikyanya wâli kizi shonooka, imikolezi yawe yâli kizi tusoomeza. Kiri neꞌmigazi yâli kizi jugumbana imbere lyawe!

Hisaaya 66:5

Mwe musimbahiri amagambo ga Nahano! Yuvwagwi ngiisi kwo akola mu mùbwira: «Ikyanya mwâli kizi ngulikira, beene winyu baguma bâli mùshombiri, banakizi mùyimula, iri banamùhonyoleza, ti: “Uyo Nahano winyu, ayerekanage ubulangashane bwage, gira tubone ngiisi kwo mugaaba mukoli shambiiri!” Yabo beene winyu, si bâye teezibwe ishoni!»

Yeremiya 10:7

Uli mwami waꞌmahanga gooshi. Unakwaniini bweneene ukugingikwa. Mu milala yoshi, na mu maami gooshi, ndaaye mwitegeereza úli nga we.

Yeremiya 2:19

Aahago! Keera mukabihuuka, munakoli ba banangora-mabi. Kwokwo, mukolaga mugaahanwa, gira mulonge ukuyiga. Kundu nie Rurema Nahamwinyu, si keera mukanjanda, mutanaki nzimbahiri. Kyo kitumiri mukayikululira ubuhanya, mwanayingira mu makuba. Kwokwo, kwo nie Rurema Nahamwinyu woꞌbushobozi bwoshi ndesiri.

Yeremiya 31:35

Rurema, iziina lyage ye Nahano woꞌbushobozi bwoshi! Ye mu yasa izuuba ku bukiiri. Ye nali mu yasa umwezi neꞌndonde bushigi. Ali mu kizi yehuula imidunda, inakizi yipukula ku ngombe yeꞌnyaaja.

Danyeri 6:26

Mwami Dariyo anayandikira abandu beꞌmilala yoshi, naꞌbaꞌmahanga gooshi, naꞌbeꞌndeto zooshi kwokuno: «Mukizi longa umutuula, munakizi genduukirwa!

Hamoosi 4:12

«Inguuke zooshi zo nꞌgagwanwa namùmenyeesa, ngola ngamùleetera zo. Kwokwo, e bandu beꞌHisiraheeri! Muyibiikage ibiringiini ukuhumaanana na Rurema winyu!»

Hamoosi 9:6

Nahano ayubasiri akaaya kaage iriira munda mwiꞌgulu. Anayaja ikyanyaanya hiꞌgulu lyeꞌkihugo. Ali mu kizi hamagala amiiji geꞌnyaaja, mu kugakuumania. Neꞌkyanya kyeꞌnvula, anashubi gayonera mu kihugo. Ee ma! Iziina lyage, ye Nahano.

Yona 1:16

Yabo bashooji, mbu babonage kwokwo, banatondeera ukuyoboha Nahano bweneene, banayami mútangira ituulo, banalagaania kwo bagakizi múkolera.

Nahumu 1:4

Ikyanya ali mu kyula, inyaaja neꞌnyiiji zinayami kama. Kiri neꞌndagiriro nyija zeꞌBashaani, na zeꞌmigazi yeꞌKarimeeri zinagubuuke. Noꞌtwaso tweꞌLebanooni, tunaholoke.

Mataayo 10:28

«Mutakizi yoboha ábagweti bagayita amagala, batanashobwiri ukuyita umutima. Si ukuyoboha kwinyu, kukizi ba ku Rurema, bwo yehe ashobwiri ukushereeza amagala noꞌmutima kuguma, byombi binalashwe i nakwere!

Mariko 4:39

Yesu anavyuka. Neꞌri akabona kirya kihuhuuta, anakikanukira. Kiri neꞌrya nyaaja nayo, anagibwira kwokuno: «Hulika! Uhoge!» Lyeryo, umunyerere gwanatoola.

Luka 12:5

«Buno, ngamùyerekaga ngiisi ye mukwiriiri ukukizi yoboha. Mukizi yoboha Rurema! Mukuba, yehe, alyagagi noꞌbushobozi bwoꞌkutee yita amagala goꞌmundu, akabuli múlasha i nakwere. Namùbwiraga, kwo yoyo ye mukwiriiri ukukizi yoboha!

Bukengeeze 28:58

«Aaho! Mukizi ba makengwa. Mukizi kulikiriza amagambo gooshi ágali mu maaja za Rurema, nga kwo gali mayandike mu kino kitaabo. Munakizi simbaha Nahano, Rurema winyu, mu kukizi huuza iziina lyage, na mu kukizi liyoboha.

Bwigule 15:4

E Nahano! We Mwami waꞌmahanga gooshi. Nyandi útangakusimbaha? Na nyandi útangahuuza iziina lyawe? Wenyene, ulyagagi mweru. Neꞌmikolezi yawe íkwaniini. Keera wanagiyerekana ku bweranyange. Kyo kitumiri abandu baꞌmahanga gooshi bagakizi yiji kuyikumba.»