Yeremiya 49:8 - Kifuliiru

⁸ E kibusi kya Hesahu, mwe naꞌbatuulaga beꞌDedaani! Mutibitage, mugendi yibisha mu nyaala. Kikolaga kyanya kyoꞌkumùhaniiriza.

Yeremiya 49:8 ပူးပေါင်းရင်းမြစ်များ

Hisaaya 2:21

Ikyanya Nahano agayiji jugumya ikihugo, abandu bagagendi yibisha mu nyaala, na mu bishimo. Bagaaba baloziizi ukutibita uburaakari bwage, kiri noꞌbulangashane bwage.

Hisaaya 21:13

Ino ndumwa, iri hiꞌgulu lyeꞌkihugo kyeꞌBuharaabu. Aaho! E badandaza beꞌDedaani, mwe mushumbisiri mu kishuka kyeꞌBuharaabu!

Hisaaya 34:5

Yabo Bahedoomu, nie Nahano ngoli hiziri kwo ngabaminika lwoshi-lwoshi. Ingooti yani igadobekwa mu muko yaho mwiꞌgulu, inayami batibulirwa kwo.

Yeremiya 25:23

naꞌbatuulaga beꞌDedaani, naꞌbeꞌTema, naꞌbeꞌBuuzi, naꞌbandu booshi ábali mu kunguula imishaku mu mbengere,

Yeremiya 46:21

Abasirikaani beꞌMiisiri, bali ba kuhembwa naaho, banakoli shishiri nga nyana. Balya booshi, bagakebaanuka, banayami tibita. Bakola bagahanirizibwa, halinde banahanyagale lwoshi.

Yeremiya 48:28

«Mwe batuulaga beꞌMohabu! Mushaagage mu twaya, munagendi tuula mu nyaala. Ee! Mugendi tuula nga mahumba, bwo go gali mu yubaka ingisha mu nyaala.

Yeremiya 48:44

«Ikyanya abandu bagakizi puumuka hiꞌgulu lyeꞌkyoba, bagakizi yami yihongoleka mu buhya. Neꞌkyanya bagalooza ukubushaaga mwo, bagakizi yami bashwa noꞌmubashu. Keera nashungika ngiisi kwo ngahaniiriza Abamohabu.» Kwokwo, kwo Nahano adesiri.

Yeremiya 48:6

E balya! Mutibitage, gira muyikize. Mugendi yibisha mwiꞌshamba.

Yeremiya 49:30

Nahano adetaga kwokuno: «E batuulaga beꞌHazoori, nie Nahano namùkengula kwo mutibitire hala, mugendi yibisha. Mukuba, mwami weꞌBabeeri Nebukandeneza keera akagira igambi libi hiꞌgulu liinyu, anakola agamùzimiiza.

Yeremiya 49:32

Aahago! Mugendi shahula ingamiya zaabo, kiri na ngiisi bindi bitugwa byo bagweti. Balya bandu, ábali mu kunguula imishaku yabo, ngabashabulira hooshi mu kihugo. Ngiisi ho bagakizi genda, ngabaleetera ubuhanya.» Kwokwo, kwo Nahano adesiri.

Yeremiya 50:27

Muminikage abasirikaani baamwo booshi. Mubayite nga kwo muli mu yita ibitugwa. Yayewe imwabo! Si ulwabo keera lwahikaga! Kikola kyanya kyoꞌkubahaniiriza.

Yeremiya 6:1

«E beene Binyamiini, mutibitage! Si ikiteero kikola mu lyoka uluhande lweꞌmbembe, munakola mugashereezibwa lwoshi! Mulyokage i Yerusaleemu, muhunge. Mulakize ibibuga mu kaaya keꞌTekowa. Munashonie irembera mu keꞌBeeti-Hakeremu, gira likizi kengula abandu.

Hezekyeri 25:13

Ku yukwo, nie Rurema Nahamwinyu ngweti ngaadeta kwokuno: Ngola ngakoleesa ubushobozi bwani hiꞌgulu lyeꞌkihugo kyeꞌHedoomu, mu kuyita abandu baamwo booshi ku ngooti, kiri neꞌbitugwa byoshi. Yikyo kihugo, ngakisiga kimaata, ukulyokera mu kaaya keꞌTemaani halinde mu keꞌDedaani.

Malaki 1:3

Haliko, Hesahu nanamúshomba. Kiri neꞌkihugo kyage kya mu migazi, nakyo nꞌgakishereeza. Kundu kyâli riiri buhyane bwage, halikago nanakihindula libe ishamba lya banyambwe.”

Malaki 1:4

«Abahedoomu, ikibusi kya Hesahu bali mu deta, ti: “Kundu bakatushereegeza utwaya twitu, haliko tugashubi tuyubakulula.” «Aahabi! Si nie Nahano woꞌbushobozi bwoshi, nadetaga kwokuno: Tulya twaya, kundu bagashubi tuyubakulula, haliko ngashubi tuhongolera haashi. Balya Bahedoomu, bagamenyeekana kwo bali “Banabitalaalwe”, na “Bandu bo Nahano ayamiri arakariiri”.

Bwigule 6:15

Abaami booshi ba mu kihugo banakizi tibitiraga mu nyaala, na mu bikombo, gira bagendi yibisha. Bâli riiri kuguma naꞌbatwali baabo, naꞌbagale, naꞌbakulu baꞌbasirikaani, neꞌbihagange, kiri naꞌbagunda, halinde ukuhisa na ku baja.

Batwi beꞌmaaja 6:2

Yabo Bamidyani banakizi libuza Abahisiraheeri ngana-ngana, halinde banayihumbira imihobo mu migazi, gira bakakizi gendi bishama mwo.

1 Samweri 13:6

Balya Bahisiraheeri, iri bakabonaga kwaꞌbasirikaani baabo bakola mu makuba, banatondeera ukuyibisha mu nyaala, na mu myobo, na mu maala, na mu bikombo, na mu birimbi-rimbi.