Yeremiya 49:30 - Kifuliiru

³⁰ Nahano adetaga kwokuno: «E batuulaga beꞌHazoori, nie Nahano namùkengula kwo mutibitire hala, mugendi yibisha. Mukuba, mwami weꞌBabeeri Nebukandeneza keera akagira igambi libi hiꞌgulu liinyu, anakola agamùzimiiza.

Yeremiya 49:30 ပူးပေါင်းရင်းမြစ်များ

Hisaaya 10:7

Yabo Bahasuriya, kiziga batayiji kwo nie gweti ngabakoleesa! Si inzaliro zaabo, ziri kundi-kundi! Boohe, baloziizi naaho kwo bagendi shereezania lwoshi, halinde bagwanwe keera baminika abandu mu mahanga mingi-mingi.

Yeremiya 25:9

ngahamagala ibinyamahanga íbiri imbembe, kiri noꞌmukozi wani Nebukandeneza, mwami weꞌBabeeri. Yabo booshi, ngabaleeta bayiji teera kino kihugo kyeꞌBuyuda, kuguma naꞌbatuulaga baamwo, kiri na ábatuuziri ha butambi liinyu. Mweshi kuguma, ngamùzimiiza. Neꞌbihugo biinyu, binasigale mushaka, halinde imyaka neꞌmyakuula. Kwokwo, abandu bagashenguka hiꞌgulu liinyu, banakizi mùnegura.

Yeremiya 27:6

«“Buno, ngakiheereza umukozi wani, mwami Nebukandeneza weꞌBabeeri. Kiri neꞌnyamishwa, agakizi zikoleesa.