Yeremiya 49:26 - Kifuliiru

²⁶ Imisore yabo, igaagwa mu njira, inayitwe. Yulwo lusiku, abasirikaani baamwo booshi bagayitwa.» Kwokwo, kwo Nahano woꞌbushobozi bwoshi adesiri.

Yeremiya 49:26 ပူးပေါင်းရင်းမြစ်များ

Yeremiya 11:22

«Yabo Bahanatooti, ngolaga ngabahana. Imisore yabo, abagoma bagagiminika mwiꞌzibo. Bagala baabo na banyere baabo, ishali ligabamala.

Yeremiya 50:30

Ku yukwo, imisore yabo igayitirwa mu njira. Abasirikaani baabo booshi, bagaminikwa ku lwolwo lusiku luguma.» Kwokwo, kwo Nahano adesiri.

Yeremiya 9:21

«E Yeremiya, ubwire abandu kwo Nahano adetaga kwokuno: “Ibirunda byaꞌbandu, bikoli lambamiri bwalaafwe. Biryagagi nga nagiira íyafukwa mu ndalo. Binakoli lambamiri nga mihuli yeꞌngano, ndaanaye mundu woꞌkugikuumania.”»

Kimombo 2:21

Imisore naꞌbashaaja, booshi keera bakayitwa ku ngooti. Ibirunda byaꞌbanyere naꞌbatabana, bikoli lambamiri mu njira. Si wenyene we kabayita ku buraakari bwawe, buzira kubayuvwirwa ikimino!

Hezekyeri 27:27

Yoho wee! Ku lusiku lwo ugashereezibwa kwo, byoshi bigatikirira mu nyaaja: Ubugale bwo ukalonga mu budandaza, naꞌbashooji baꞌmashuba, kuguma neꞌbirongoozi, na banaluganda boꞌkugalingaania, naꞌbadandaza baawe, kiri naꞌbasirikaani baawe.

Hamoosi 4:10

Nanamùbiika mweꞌbihano, nga kwo nꞌgabibiika mu Bamiisiri kare. Nanaminika imisore yinyu mwiꞌzibo. Neꞌfwarasi ziinyu ziꞌzibo, nanaleka zitwalwe. Ibaya lyeꞌbirunda, nanaleka limùdugiirize. Kundu kwokwo mutakangalukira. Kwokwo, kwo nie Nahano ndesiri.