Yeremiya 49:16 - Kifuliiru

¹⁶ We bwatiiri mu nyaala za mu migazi, we na twaziri amarango! Kundu wangayubaka inyumba hiꞌgulu bweneene, nga ngisha yoꞌtushuuta, ngaki kumanula ho. Keera mukayingiza abandu beꞌbindi bihugo mweꞌkinyukura. Kundu kwokwo, ubwikangaate keera bwakuteba.» Kwokwo, kwo Nahano adesiri.

Yeremiya 49:16 ပူးပေါင်းရင်းမြစ်များ

2 Baami 14:7

Ulya Hamaziya anagenda mu ndekeera yoꞌMuloba, anateera Abahedoomu, anayita abandu bihumbi ikumi. Anagwata naꞌkaaya keꞌSeela, anakayinika iziina Yokiteeri. Kwokwo, kwo kali mu buuzibwa halinde zeene.

Hayubu 39:27

Noꞌkukyula kwawe, ka kwo kuli mu nungeesa nyunda, halinde agendi tereka ingisha yage mu migazi?

Migani 16:18

Ikyanya umundu ali mu yiheemya, iri akola agashereezibwa. Ee! Ikyanya ali mu yikangaata, iri akola agayihongoleka haashi.

Migani 18:21

Amagambo goꞌmundu gashobwiri ukukizania, kandi iri ukuyitana. Ngiisi ábali mu siima ukudeta-deta, bali mu yikululira umwama.

Migani 29:23

Ikyanya umundu ali mu yikangaata, ali mu tindimazibwa. Si ngiisi úli mu yibiika haashi yehe, bali mu múgingika.

Lwimbo Lwija 2:14

Ulyagagi ngiꞌhumba írigweti ligayibisha mu lwala. Unyereke amalanga gaawe, unanyuvwise izu lyawe. Izu lyawe litubereziizi. Naꞌmalanga gaawe, ganonosiri.”»

Hisaaya 10:14

Birya bindu byabo, nꞌgabinyaga, nga kwoꞌmundu ali mu jalabula ibyananyuni mu ngisha. Kiri neꞌbihugo byabo, nanabikumbulula, nga kwoꞌmundu ali mu kumbulula amagi keera ágazirwa. Ndaanaye úkabangula ukuboko kwage, kandi iri ayamuula akanwa, mbu ambage.» Nahano adetaga kwokuno:

Hisaaya 2:21

Ikyanya Nahano agayiji jugumya ikihugo, abandu bagagendi yibisha mu nyaala, na mu bishimo. Bagaaba baloziizi ukutibita uburaakari bwage, kiri noꞌbulangashane bwage.

Hisaaya 49:25

Kundu kwokwo, Nahano adetaga kwokuno: «Leero, imbira igaanyagwa mu maboko geꞌndwani. Na ngiisi byaꞌbasirikaani bakashahulaga, bigagalulwa. Ngiisi ábali mu kulwisa, nienyene ngabalwisa, halinde na ngize abaana baawe.

Yeremiya 48:14

«E bandu beꞌMohabu, kuti kwo mwangakizi yihaya, mbu: “Tulyagagi bikalage byeꞌndwani! Neꞌkyanya tulyagagi mwiꞌzibo, tuli mu zibiiriza.”

Yeremiya 49:15

«E Bahedoomu, ngamùniihya kwo, mube bagerwa ukuhima abandu beꞌbihugo byoshi. Yabo bandi, banakizi mùnegura.

Yeremiya 50:29

Ngiisi ábayiji ukufwora umuheto, mubabwire kwo bayiji teera akaaya keꞌBabeeri. Mukasokanane, hatagire umundu úgafuushuka mwo. Ngiisi kwo bâli kizi gira abandi, kube kwo nabo mugabagira. Yabo Bababeeri bâli kizi hagana na Nahano, Umutaluule waꞌBahisiraheeri, ku bwikangaate bweneene.

Yeremiya 51:53

Akaaya keꞌBabeeri, kundu kanganunga halinde mwiꞌgulu, banagire mbu basikamye inzitiro zaako, zibe ngomu, halikago ngaki balungikira abagoma, bagendi kashereeza.» Kwokwo, kwo Nahano adesiri.

Hamoosi 9:2

Kundu bangayihumbiraga halinde banahike i nakwere, ngayisa ukuboko, ninashubi bakulula. Na kundu bangashona mwiꞌgulu, ngabashungulula yo.

Habakuki 2:9

«Yayewe imwinyu! Mwe mugweti mugahombeesa abandi, mbu lyo muyigaza. Munagweti mugasalira ukugendi yubaka kwiꞌrango, mbu lyo mufuuka ubuhanya.

Malaki 1:3

Haliko, Hesahu nanamúshomba. Kiri neꞌkihugo kyage kya mu migazi, nakyo nꞌgakishereeza. Kundu kyâli riiri buhyane bwage, halikago nanakihindula libe ishamba lya banyambwe.”