Yeremiya 48:45 - Kifuliiru

⁴⁵ «Abandu keera bakabatibita, banagendi looza umutuula i Heshibooni. Kundu kwokwo, yaho i Heshibooni, umuliro gwanahulukira mu kaaya, mu kajumiro ka Sihooni, gwanasingoola ikihugo kyoshi kyeꞌMohabu, kiri na balya banabwikangaate booshi.

Yeremiya 48:45 ပူးပေါင်းရင်းမြစ်များ

Zaburi 135:11

Muguma wabo, ali Sihooni mwami waꞌBahamoori. Noꞌgundi, ali Hoogi mwami weꞌBashaani, kuguma naꞌbandi baami booshi ba mu kihugo kyeꞌKaanani.

Zaburi 78:63

Imisore yabo mitabana, umuliro gwanagijigiivya. Kiri na banyere baabo, banayitwa bátazi yimbirwa mu mageni gaabo.

Yeremiya 2:16

Kiri naꞌBamiisiri beꞌMefiisi, naꞌbeꞌTapaneshi, nabo keera bakamùteezagya ishoni, mu kumùnguula imishaku ku matwe.

Yeremiya 48:2

Yabo Bamohabu, abandu batagaki bahuuza. Mukuba Abaheshibooni bakola mu bagirira igambi, ti: “E balya! Tugire tugendi baminika, gira batakizi ki yimbwa mu milala.” E bandu ba mu kaaya keꞌMadimeni! Na niinyu, bagamùguujika ingooti mu migongo, mutanâye ki shubi deta.

Hamoosi 2:2

Ku yukwo, ngola ngashonoolera ikihugo kyabo mwoꞌmuliro, gunasingoole inyumba ngomu za mu kaaya keꞌKeryoti. Yabo Bamohabu, bagaminikwa mu lunganga lwiꞌzibo. Bagakizi banda akashiba, iri banadihiriza ibibuga.

Zakariya 10:4

Mu Bayuda, mwo mugalyoka abatwali. Bagakizi sikama ngiꞌbuye lyoꞌkukania akagongo koꞌlutaliro. Banabaagage nga kaguli koꞌkushwekera kwiꞌheema, banabe bakomu nga muheto gwiꞌzibo.

Muharuuro 21:21

Mwami waꞌBahamoori âli kizi buuzibwa Sihooni. Uyo Sihooni, Abahisiraheeri banamútumira indumwa:

Muharuuro 21:26

Yako kaaya keꞌHeshibooni, kâli riiri kaaya ka Sihooni, mwami waꞌBahamoori. Ubwa mbere, ye katee lwisa mwami weꞌMohabu, anamúnyaga ikihugo kyage kyoshi, halinde ku lwiji Harinooni.

Muharuuro 21:28

Umuliro, gukalyoka i Heshibooni, wa gwi! Imbigi zaagwo, zikalyoka mu kaaya ka Sihooni. Yugwo muliro, gwanasiriiza akaaya keꞌHari, mu Mohabu, gwanajigiivya abakulu beꞌmigazi yeꞌHarinooni.

Muharuuro 21:29

E bandu beꞌMohabu, yayewe imwinyu. Kundu mulyagagi bandu boꞌmugisi Kemooshi, haliko keera mukashereezibwa. Bagala biinyu, keera mukabaleka babe boꞌkukizi tibita-tibita. Banyere biinyu, keera mwabajandirira, bagendi gwatwa imbira na Sihooni, mwami waꞌBahamoori.

Muharuuro 24:17

Nimúbwini, haliko bitazi ba bwobuno. Si nimúbwini ku siku ízâye yije. Mu beene Yakobo, mugahuluka indonde. Mu beene Hisiraheeri, mugahuluka umwami. Agakizi vungula-vungula abandu beꞌMohabu, anakizi bera utuhanga twa beene Seeti.

Mataayo 21:42

Yesu anashubi babwira: «Ka mutazindi soma mu Mandiko Meeru, áhayandisirwi kwokuno: “Ibuye lyaꞌbuubasi bakalahira, lyeryo lyo ligweti ligakania akagongo koꞌlutaliro. Nahano, ye kagira kwokwo, kunali kwaꞌkahebuuza imwitu!”