Yeremiya 48:10 - Kifuliiru

¹⁰ Umundu, iri atangakoleesa ingooti yage mu kuminika Abamohabu, akwaniini adaakwe! Ee! Byo Nahano adesiri, ngiisi úgabiyolohera akwiriiri adaakwe.

Yeremiya 48:10 ပူးပေါင်းရင်းမြစ်များ

1 Baami 20:39

Ikyanya mwami akalenga yaho, ulya muleevi anamúhamagala, ti: «Nie mukozi wawe, njuba mwiꞌzibo. Hanahikira umusirikaani muguma, anandeetera umushwekwa muguma, anambwira: “Uyu mundu umúlange. Neꞌri angatoloka, ugayitwa hiꞌgulu lyage, kandi iri utange ibilo makumi gashatu byeꞌharija.”

1 Baami 20:40

Haliko, iri naaba ngweti ngayihaahira, uyo mundu anatoloka.» Mwami, ti: «Ndaakwo kundi! Si wenyene keera wayanga ulubaaja.»

1 Baami 20:42

Ulya muleevi anabwira mwami: «Nahano adetaga kwokuno: “Ulya mundu, kundu nꞌgakyula kwo ayitwe, si keera wamúfuusa. Ku yukwo, we gaafwa ahandu haage. Kiri naꞌbandu baawe, nabo bagaafwa, haꞌbandu baage bangafwiri.”»

2 Baami 13:19

Ulya Hirisha anaraakara bweneene, anamúbwira kwokuno: «Si ushuba ugagilasha ubugira kataanu kandi iri kalindatu! Kwokwo, lyo wangaminisiri Abaharaamu lwoshi. Haliko buno, ugabahima kashatu naaho.»

Yeremiya 11:3

na kwo mbabwire kwokuno: «Nie Nahano Rurema waꞌBahisiraheeri, nadetaga kwo yiki kihango, ngiisi útagakisimbaha, agaaba adaasirwi.

Yeremiya 47:6

Mukola mu banda induulu, ti: “E Nahano! Ingooti yawe igakizi tuteera halinde mangoki! Ugirage ugigalulire mu kyubati kyawe, unatuuze, maashi!”

Yeremiya 47:7

Iyo ngooti, kutagi kwo yangatuuza, na Nahano aki gihangwiri kwo ikole? Akiri mu gibwira kwo igendi teera akaaya keꞌHashikelooni, naꞌbandi booshi ábatuuziri ku nyaaja.»

Yeremiya 50:25

«Keera nꞌgayigula ikihinda kyani kyeꞌbilwaniiso, nanabilyosa, gira ngoleese uburaakari bwani. Nie Nahano woꞌbushobozi bwoshi, ngola mu gendi teera ikihugo kyeꞌBabeeri.

Yeremiya 50:27

Muminikage abasirikaani baamwo booshi. Mubayite nga kwo muli mu yita ibitugwa. Yayewe imwabo! Si ulwabo keera lwahikaga! Kikola kyanya kyoꞌkubahaniiriza.

Yoshwa 10:19

Mwe bandi, mugende mugahiiva abagoma biinyu. Mubahuluke inyuma, mukabuli baminika, bátazi yingira mu twaya twabo. Mukuba, Rurema Nahamwinyu, keera ababiika mu maboko giinyu.»

Batwi beꞌmaaja 5:23

«Umuganda wa Nahano anadeta kwokuno: “Akaaya keꞌMeroozi, kadaakwe. Abatuulaga baamwo, badaakirizibwe. Mukuba, batakayiji tabaala Nahano. Ee! Ikyanya indwani zikayiji teera Nahano, batakayiji mútabaala.”

1 Samweri 15:3

Kwokwo buno, ugendi bateera. Ibindu byabo byoshi, ubijigiivye. Hatanagire ye ugaasiga kitwe-kibona, aba mushosi kandi iri mukazi, kiri naꞌbaana boꞌtulenge, kandi iri utuboojo. Muyitage booshi, kiri neꞌngaavu, neꞌbibuzi, neꞌngamiya, na bapunda.”»

1 Samweri 15:9

Kwokwo, kwo Sahuli naꞌbasirikaani baage, bakafuusa Hagagi, kuguma neꞌbitugwa íbishishiri, ibibuzi, neꞌngaavu, neꞌnyana, neꞌbyanabuzi. Ngiisi íbikaboneka kwo biri biija, batanaki bishereeza. Bakashereeza naaho ngiisi byo bakaneena, banabibona kwo biri bya busha.