Yeremiya 47:3 - Kifuliiru

³ Ifwarasi zigakizi girigimba. Naꞌmagaare giꞌzibo, ganalase amapine. Ababusi bagaabula ubulyo bwoꞌkutabaala abaana baabo, banayami tibita, buzira kushubi balola.

Yeremiya 47:3 ပူးပေါင်းရင်းမြစ်များ

Hisaaya 5:28

Imyambi yabo ishongosiri bweneene, keera banagifwora mu miheto yabo. Ibinogosho byeꞌfwarasi zaabo, biri bikomu nga mabuye. Naꞌmapine gaꞌmagaare gaabo giꞌzibo, gali mu kizi suula umulindi nga munyaga.

Yeremiya 46:9

Aahago! Mwe muli mu gendera ku fwarasi, na mu magaare giꞌzibo! Mugendi teera abagoma. Si mwe ndwani zeꞌMiisiri! Na niinyu mwe biira baabo ukulyoka i Hendyopiya neꞌPuuti! Ngahwe! Si mulyagagi bikalage mu kukoleesa isiribo! Kiri naꞌBaluudi, muli bikalage mu kufwora imiheto.”

Yeremiya 50:42

Abasirikaani baabo, bahagasiri imiheto, naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali nga midunda mu nyaaja. E Babeeri! Yabo bagoma bakola ibiringiini, kwo bayiji kuteera.

Yeremiya 8:16

Yuvwagwi ngiisi kweꞌfwarasi zaꞌbagoma zigweti zigafuura iriira munda imbembe, mu kihugo kya beene Daani! Si zikola mu girigimba, halinde idaho linajugumbane! Abagoma bakola mu njira, gira bagayiji shereeza ikihugo kiitu, na íbikiri mwo byoshi. Bagashereeza utwaya twoshi, na booshi ábatutuuziri mwo.»

Hezekyeri 23:24

«Yabo booshi kwo bali katundu, bagayiji kuteera, bali naꞌmagaare gaabo giꞌzibo, neꞌmiteekerwa yabo. Bagaaba bakusokaniini imbande zooshi, balyagagi neꞌsiribo mbamu neꞌniini, kiri neꞌngofeera zeꞌbyuma. Yabo basirikaani, keera nꞌgabaheereza ubushobozi bwoꞌkukuhana, baganakuhana nga ngiisi kwo baloziizi.

Nahumu 2:4

E Baninaawi! Indwani zaꞌbagoma biinyu, zifumbiiti isiribo ndukula, neꞌbyambalwa bidukula. Ikyanya zikola mu yitegaanura, amagaare gaazo giꞌzibo gali mu ba gakeyengiini. Zifumbiiti amatumu gaazo, zinagalengeziizi hiꞌgulu.

Nahumu 2:8

Abagoma banashaaza umugisi gwo bâli kizi yikumba, banagutwala i mahanga. Kyo kitumiri abaja-kazi bakoli gweti bagalira-lira nga mahumba. Banakizi yititimba-titimba ku bifuba, mu kuyerekana umwizingeerwe gwabo.

Bwigule 9:9

Na mu bifuba byazo, zâli yambiiti isiribo íziri nga za byuma. Neꞌkyanya ziri mu shagania amashala gaazo, hali mu yuvwikana nga mugulimbo gweꞌfwarasi nyingi ízigweti zigakulula amagaare goꞌkugendi teera abagoma.

Batwi beꞌmaaja 5:22

Ku yikyo kyanya, ifwarasi zanalenga zigweti zigagirimba. Ziri mu girimba ku binogosho byazo, iri zinaganga.