Yeremiya 47:2 - Kifuliiru

² «Abagoma bakola mu kuumana uluhande lweꞌmbembe. Bali ngoꞌlwiji úlukoli heemiri. Bagaaba ngoꞌlwiji úlugweti lugasavya ngana-ngana! Bagalenga mu ngiisi kaaya, banakumbulule íbiri mu kihugo byoshi. Abandu bagakizi yidehereza mu nduulu, ikihugo kyoshi kinayijule ikimombo.

Yeremiya 47:2 ပူးပေါင်းရင်းမြစ်များ

Zaburi 24:1

Izaburi ya Dahudi. Ikihugo, na byoshi íbikiri mwo, biri bya Nahano. Amahanga gali geꞌmwage, kuguma na booshi ábagatuuziri mwo.

Zaburi 50:12

Nga nangashalisiri, ndangakubwiziri. Haliko, ikihugo na byoshi íbikiri mwo, biri byeꞌmwani.

Zaburi 96:11

Igulu, likizi shagaluka. Neꞌkihugo, kikizi shambaala. Kiri neꞌnyaaja ibindule, na byoshi íbiri mwo.

Zaburi 98:7

Inyaaja na íbigiri mwo byoshi, bikizi múbandira utubuuli. Ikihugo na íbikiri mwo byoshi, nabyo bikizi múbandira two.

Hisaaya 14:31

E Bafirisiti mweshi, mukizi shenguka ngana. E miryango yaꞌkaaya kaabo! Mukizi banda akashiba. Leero, uluhande lweꞌmbembe, lugalyoka abasirikaani, baziiziri nga kibungu kyoꞌlukungu. Ngiisi muguma wabo, akola ibiringiini kwiꞌzibo.

Hisaaya 15:8

Yaho hooshi mu kihugo kyeꞌMohabu, abandu bakola mu liruuka. Yukwo kulira kwabo, kukoli hisiri halinde i Hegulayimu, kiri neꞌBeeri-Herimu.

Hisaaya 22:1

Ino ndumwa idesiri hiꞌgulu lyeꞌndekeera yaꞌmabone. E Yerusaleemu, maki gano? Si mweshi mukoli shoniiri ku nyumba!

Hisaaya 28:17

Ngakizi koleesa íbikwaniini, lukizi ba nga lugero lwani. Na ngoleese noꞌkuli, kukizi ba nga nevu yaꞌbuubasi.» Si ubutibitiro bwinyu, buli mu yubakwa ku binyoma. Kwokwo, invula yoꞌlugungu igayiji bushereeza. Umwijulire gunayiji buhongoleka haashi.

Hisaaya 59:19

Ku yikyo kyanya, Nahano agayija ali nga lwiji úlukundwiri. Umuuka gwage gunabe guli mu luvwarusa. Kwokwo, lyaꞌbandu bagakizi simbaha Nahano, banahuuze ubulangashane bwage, ukulyokera isheere, halinde imuga.

Yeremiya 1:14

Nahano, ti: «Yeyo munda imbembe, yo igalyokaga gobwe-gobwe, inashabukire ku bandu booshi ba mu kino kihugo.

Yeremiya 46:12

Ibinyamahanga, keera bikayuvwa ngiisi kwo mukayagagala bweneene neꞌshoni! Si indwani ziinyu, zikayipukulana kwo, zanayami yibumbulika haashi.»

Yeremiya 46:13

Mwami Nebukandeneza weꞌBabeeri, ikyanya akashungika ukuteera Abamiisiri, Nahano anabwira Yeremiya kwokuno:

Yeremiya 46:20

«Ikihugo kyeꞌMiisiri, kiryagagi nga nyana íshishiri. Kundu kwokwo, ikibugu ukulyoka imbembe, kigayiji kiteera.

Yeremiya 46:24

«Balya Bamiisiri, ikyanya bagabiikwa mu maboko gaꞌbandu beꞌmbembe, lyo bagateezibwa ishoni.»

Yeremiya 48:39

«Yabo Bamohabu, keera bavunika. Bakola mu bululuka. Mulolage ngiisi kwo bagweti bagateezibwa ishoni. Abandu bakola mu bahonyoleza, keera banateteerwa ngana!»

Yeremiya 6:22

Nahano adetaga kwokuno: «Langiizi! Abasirikaani bakola mu lyoka imbande zeꞌmbembe. Bali mulala úguhimbiri, banalyosiri mu mbeka zeꞌkihugo.

Yeremiya 8:16

Yuvwagwi ngiisi kweꞌfwarasi zaꞌbagoma zigweti zigafuura iriira munda imbembe, mu kihugo kya beene Daani! Si zikola mu girigimba, halinde idaho linajugumbane! Abagoma bakola mu njira, gira bagayiji shereeza ikihugo kiitu, na íbikiri mwo byoshi. Bagashereeza utwaya twoshi, na booshi ábatutuuziri mwo.»

Danyeri 11:22

Ikyanya agayijaga, agaminika akatundu kaꞌbasirikaani. Kiri noꞌmugingi mukulu úkabiikwa ku kihango, naye agayitwa.

Nahumu 1:8

Haliko abagoma boohe, agweti agabalandiriza, halinde anabaminike. Ali mu yami bakumbulula nga mwijulire, halinde banaherere mu kihulu, lwoshi-lwoshi.

1 Bakorindo 10:26

Mukuba, «Ikihugo, na byoshi íbikiri mwo, biri bya Nahano.»

1 Bakorindo 10:28

Haliko, hali ikyanya umundu angamùbwira: «Iyi nyama, keera yatangwa ituulo imweꞌmigisi.» Lyoki, mutaki gilye, gira lyoꞌyo mundu, atasigale ateezirwi neꞌbihamba.

Yakobo 5:1

Na niinyu mwe bagale! Munyuvwirize bwija! Mukizi lira ku kimombo, iri munabululuka! Mukuba mugaki yingira mu makuba.

Bwigule 17:1

Mu yabo baganda balinda ábâli riiri neꞌrya mitanga irinda, mwanayija umuganda muguma. Anayiji mbwira: «Yijaga, nguyereke ikihano kyoꞌlya bulambe woꞌmukazi, ulya úbwatiiri hiꞌgulu lyeꞌnyiiji nyingi.

Bwigule 17:15

Uyo muganda, anashubi mbwira: «Yizo nyiji zo wabona, zigweti zigagolombera hoꞌyo bulambe woꞌmukazi abwatiiri. Kwo ziri zooshi, ziryagagi kizimya-izuuba kyaꞌbandu ba mu mahanga gooshi, naꞌba mu bihugo byoshi, naꞌba mu ndeto zooshi!