Yeremiya 46:5 - Kifuliiru

⁵ «Aahago! Biki byo mbwini? Si abasirikaani beꞌMiisiri bakoli humiirwi! Keera bahimwa, banakolaga mu tibita. Kiri neꞌbikalage byabo, bikola mu puumuka, buzira kukebaanuka. Iri bali mu gira mbu balangiize ngiisi luhande, banateerwe neꞌkyoba.

Yeremiya 46:5 ပူးပေါင်းရင်းမြစ်များ

Ndondeko 19:17

Neꞌri bakaba bakola inyuma lyako, muganda muguma anababwira: «Mutibitage muyikize. Mutakebagane, hatanagire ho mugayimanga mwiꞌyi ndekeera. Si mutibitire mu migazi, mutayiji kengeera mwashereera.»

Hisaaya 13:8

Yabo booshi bakola mu shenguka, iri banababala. Bakola mu lyanirwa, nga mukazi úkola mu liibwa noꞌmukero. Bakola mu lolana-lolana kwo mu kati keꞌkyoba. Na bwo bakoli humiirwi, amalanga gaabo gakola mu yaga-yaga nga muliro.

Hisaaya 19:16

Nahano woꞌbushobozi bwoshi, ikyanya agahaniiriza Abamiisiri ku bushobozi bwage, bagaaba bakoli yobohiri nga bakazi, banalenge mweꞌkinyukura.

Hisaaya 42:17

«Halikago abandi, si boohe, babiisiri umulangaaliro imweꞌmigisi, banali mu gibwira mbu: “Mwe tukola tugakizi yikumba.” Aahabi! Si yabo bandu bagateteerwa ngana!»

Hisaaya 5:25

Nahano akoli rakariiri abandu baage, anakoli bangwiri ukuboko kwage, gira abahane. Kiri neꞌmigazi ikoli gweti igajugumbana. Neꞌbirunda bikoli luuzirwi mu njira ngiꞌjolera. Kundu kwokwo, ubute bwa Nahano buki yasiri. Akoli bangwiri ukuboko kwage, gira ahaniirize abandu baage.

Yeremiya 20:10

Nyuvwiti ngiisi kwaꞌbandu bingi bakola mu hwehwetezania, mbu: «Ngiisi luhande, hakola ikihuumula naaho! Aahago! Tugendi lega Yeremiya imwaꞌbakulu biitu!» Kiri naꞌbiira baani ba vyuka-ngwejere, bagweti bagaloleera, babone ngiisi kwo nangatibukira haashi. Bali mu nyigambira, ti: «Tugirage tumútebe, halinde tumúgwase. Kwokwo, lyo twangamùyihoola!»

Yeremiya 46:15

E Bamiisiri, kituma kiki ibikalage biinyu biri mu yibumbulika haashi? Íbitumiri bali mu gwa haashi, bwo nie gweti ngabahirika.

Yeremiya 46:21

Abasirikaani beꞌMiisiri, bali ba kuhembwa naaho, banakoli shishiri nga nyana. Balya booshi, bagakebaanuka, banayami tibita. Bakola bagahanirizibwa, halinde banahanyagale lwoshi.

Yeremiya 49:29

Mugendi gwata amaheema gaabo, na byoshi íbigali mwo. Mukizi gwata neꞌbitugwa byabo, kiri neꞌngamiya. Mugendi bateerera induulu, ti: “Tukola mweꞌkihuumula ngiisi luhande!”»

Yeremiya 49:5

Kwokwo, ngamùteera ikyoba imbande zooshi. Abatuulani biinyu bagakizi mu mùyimula mu kihugo kiinyu, ndaanaye úgashubi mùkuumania.» Kwokwo, kwo Nahano Rurema woꞌbushobozi bwoshi adesiri.

Yeremiya 6:25

Hatagire úgashubi hinga, kandi agenda mu mutalimbwa! Si balya bagoma bakola yo, banali neꞌngooti! Ngiisi ho twangalenga, bali mu tuteera ikyoba.»

Hezekyeri 32:10

Ikyanya bagakizi yuvwa kwo wanyanyagwa haashi, bagalenga mweꞌkinyukura. Ngiisi mwami agakizi yitaaniza, mbu hali ikyanya naye angayitwa. Abandu booshi bagaaba noꞌmwizingeerwe.

Hezekyeri 39:18

Yizo nyama, ziri zeꞌbirunda byaꞌbasirikaani, na yugwo muko guli gwaꞌbaluzi beꞌkihugo. Yabo bakulu booshi, bagatongeerwa nga bipanga, kandi iri ibyanabuzi, kandi iri ibihebe, kandi iri shuuli ízishishiri zeꞌBashaani.

Nahumu 2:8

Abagoma banashaaza umugisi gwo bâli kizi yikumba, banagutwala i mahanga. Kyo kitumiri abaja-kazi bakoli gweti bagalira-lira nga mahumba. Banakizi yititimba-titimba ku bifuba, mu kuyerekana umwizingeerwe gwabo.

Nahumu 2:9

Si Abaninaawi bakola ngiꞌbenga íryatulika. Kundu bali mu deta: «Mulekage ukutibita, mulekage ukutibita!» Haliko, ndaaye úli mu yimanga. Si booshi bali mu tibita!

Sefaniya 1:14

Lulya lusiku lukulu lwa Nahano, keera lwayegerera. E maashi! Si lugweti lugayija duba-duba. Haaho, abandu bagakizi bululuka. Kiri neꞌbihagarusi, bigakizi lubanda kwaꞌkashiba.