4 Mwe muli mu gendera ku fwarasi, muziyaje kweꞌbyajo, munazishonere kwo. Muyambalage ingofeera zeꞌbyuma, munayibiike ibiringiini. Munatyaze naꞌmatumu giinyu, munayambale ibihazo biinyu byeꞌbyuma.
Yabo booshi, Huziya akabaheereza isiribo, naꞌmatumu, neꞌngoofera zeꞌbyuma, neꞌbyambalwa byeꞌbyuma, neꞌmiheto, naꞌmabuye goꞌkulashiisa utuhobola.
Ku yikyo kyanya, nanashubi bwira abandu, kwokuno: «Ngiisi mwimangizi, agakizi laliira bushigi mu Yerusaleemu, kuguma naꞌbandu baage. Boohe, bo bagakizi tulaliira bushigi. Na mwiꞌzuuba, banayiji kola.»
Mwe binyamahanga, kundu mugakizi banda akaluulu mwiꞌzibo, haliko mugaki vunika ngana! Yuvwi, mwe mulyosiri ku mbeka zeꞌkihugo! Kundu mugweti mugayikomeereza kwiꞌzibo, si mugavunika bitolo-bitolo! Ee! Kundu mugweti mugayikomeereza kwiꞌzibo, si mugavunika ngana!
«Ugenderage balya Bamiisiri ábali i Migidoli, na ábali i Mefiisi, na ábali i Tapaneshi, unababwire kwokuno: “Ábamùsokaniini bakola mu mùteera! Aahago! Muyibiike ibiringiini, gira mugendi lwa.”
Nahano akoli shungisiri ukushereeza i Babeeri, kyo kitumiri akashigika abaami beꞌMediya. Yabo Bababeeri, bo bakashereeza inyumba yage. Ku yukwo, agabayihoola, nga kwo bibakwaniini. Aahago! Mutyaze imyambi yinyu! Muyabiire neꞌsiribo!
«Utalekage kwaꞌbasirikaani beꞌBabeeri bafwore imiheto yabo, utanabaleke mbu bayambale ibihazo byabo. Utakejeerere imisore yabo, si uyami minika abasirikaani baabo lwoshi-lwoshi!
«Yugwo mwambi, ngiisi byo gugayerekana, balya bandu beꞌYerusaleemu bagaatona kwo biri bya bibeesha. Mukuba balya Bababeeri, Abahisiraheeri bâli mali biika indahiro kwo bagakizi bakolera. Kundu kwokwo, uyo mwami agabakengeeza ngiisi kwo bâli kizi huna imbere lyage. Ha nyuma, anabateere, anabagwate.
Lyeryo Sahuli anayabiira ibyambalwa byage biꞌzibo, anabiyambika Dahudi. Kwiꞌtwe lyage, anamúyambika ingofeera yoꞌmulinga. Na hiꞌgulu lyoꞌkuhaliza ikifuba, anamúyambika ikooti lyage lyeꞌkyuma.
Kwiꞌtwe lyage, âli yambiiti ingofeera íkatulwa mu mulinga. Na mu kifuba, âli yambiiti ikooti lyage lyeꞌmiringa. Yiryo ikooti, lyâli riiri noꞌbuzito bweꞌbilo makumi gataanu na birinda.