Yeremiya 46:14 - Kifuliiru

¹⁴ «Ugenderage balya Bamiisiri ábali i Migidoli, na ábali i Mefiisi, na ábali i Tapaneshi, unababwire kwokuno: “Ábamùsokaniini bakola mu mùteera! Aahago! Muyibiike ibiringiini, gira mugendi lwa.”

Yeremiya 46:14 ပူးပေါင်းရင်းမြစ်များ

2 Samweri 2:26

Ulya Habineeri anahamagala Yohabu, anamúbwira: «Ka tugayama tuli mu lwa? Ka utabwini kwo mu kuheza, bigatubiihira? Yiri izibo liitu, ligaamala mangoki? Uhanuulage beene wawe, kwo bajande ukubingiriza beene wabo.»

Kulyoka 14:2

«E Musa, ubwire Abahisiraheeri kwo bagalukire inyuma, bashumbike hoofi lyeꞌPi-Hahirooti, iwa Nyaaja Ndukula. (Yaho, hali ha kati kaꞌkaaya Migidoli neꞌyo nyaaja, ha mbere lyaꞌBaali-Sefooni.)

Hisaaya 1:20

Halikago, iri mwangakizi mbindulira ingoto, munabe muli mu huna imbere lyani, haaho, lyaꞌbagoma biinyu bagamùminika ku ngooti. Yago magambo, nie Nahano nie gadesiri.»

Hisaaya 19:13

Abanabwenge baawe beꞌSowani, si keera bakahendwa! Kiri na ábalyosiri i Mefiisi, nabo bakoli tebesiri. Balya batwali beꞌMiisiri, keera bakabashereegeza ikihugo.

Hisaaya 31:8

Abahasuriya boohe, bagayitwa ku ngooti. Neꞌyo ngooti itagaaba yaꞌbandu, si igaaba ya Rurema, bwo ye gabaminika. Yabo Bahasuriya, ikyanya bagagibona, bagatibita. Kundu kwokwo, imisore yabo igagwatwa, banakizi koleesibwa ku kahaati mu buja.

Hisaaya 34:6

Irya ngooti yani ikoli yijwiri umuko gweꞌkipanga, na gweꞌkihebe, kiri na gweꞌbyanabuzi, kuguma neꞌbinyule byeꞌnyama yeꞌfiko. Yehee! Nahano akolaga agatanga ituulo mu kaaya keꞌBosira. Akola agayita abandu bingi mu kihugo kyeꞌHedoomu.

Yeremiya 12:12

«Hooshi ku marango, abasirikaani bakola mu yiji shahula ibindu. Yabo basirikaani, nienyene nie kabatumira, gira bashereeze ikihugo kyoshi, ndaanaye mundu úgakituula mwo ku butoge.

Yeremiya 2:16

Kiri naꞌBamiisiri beꞌMefiisi, naꞌbeꞌTapaneshi, nabo keera bakamùteezagya ishoni, mu kumùnguula imishaku ku matwe.

Yeremiya 2:30

«Kundu nꞌgamùhaniiriza, ndaabyo bikamùgirira. Si ikyanya mukahanwa, mutanangalukira. Mwâli kizi minika abaleevi biinyu ku ngooti. Mwehe, mulyagagi nga ndare ndangi íshalisiri, inakola mu janganulana.

Yeremiya 44:1

Hâli riiri Abayuda ábâli tuuziri mu kihugo kyeꞌMiisiri, mu kaaya keꞌMigidoli, na mu keꞌTapaneshi, na mu keꞌMefiisi, naꞌbandi uluhande lweꞌPaturo. Ku yikyo kyanya, Nahano anatuma Yeremiya kwo agendi babwira, kwo

Yeremiya 46:10

Kundu kwokwo, luno lusiku lulyagagi lweꞌmwa Nahano Rurema woꞌbushobozi bwoshi! Yabo booshi, mu siku ízigayija, agabayihoola. Agahaniiriza abagoma baage, halinde anabaminike ku ngooti. Abagoma baabo, bagabajiga, halinde abasirikaani bingi banayitwe. Abandu ábatuuziri uluhande lweꞌmbembe, hoofi noꞌlwiji Hefuraati, bagaaba ngiꞌtuulo íryatangwa imwa Nahano woꞌbushobozi bwoshi.

Yeremiya 46:19

«E Bamiisiri, mumenye kwo mukola mugatwalwa imbohe. Kwokwo, mushwekage ibindu biinyu. Akaaya keꞌMefiisi kakola kagashereezibwa. Ikihugo kyabo kinasigale biguuka.

Yeremiya 46:2

Ku kyanya mwami Yoyakimu mugala Yosiya âli koli hisiizi imyaka ina atwaziri mu Buyuda, lyo mwami Nebukandeneza weꞌBabeeri akagenda i Karikemishi, hoofi noꞌlwiji Hefuraati, gira agendi teera Neko, mwami weꞌMiisiri, anamúhima. Ku yikyo kyanya, Nahano anadetaga hiꞌgulu lyaꞌBamiisiri kwokuno:

Hezekyeri 21:28

«Yugwo mwambi, ngiisi byo gugayerekana, balya bandu beꞌYerusaleemu bagaatona kwo biri bya bibeesha. Mukuba balya Bababeeri, Abahisiraheeri bâli mali biika indahiro kwo bagakizi bakolera. Kundu kwokwo, uyo mwami agabakengeeza ngiisi kwo bâli kizi huna imbere lyage. Ha nyuma, anabateere, anabagwate.

Hezekyeri 30:13

Rurema Nahamwitu adetaga kwokuno: «Ngashereeza imigisi yeꞌMiisiri, kiri neꞌya mu kaaya keꞌMefiisi. Mu kihugo kyoshi kyeꞌMiisiri, ndaaye úgaki ba mutwali. Nganabiika mweꞌkyoba kingi.

Hosheya 9:6

Kundu mwangakira Abahasuriya, haliko ikihugo kyeꞌMiisiri kigaki mùhima. Ee! I Mefiisi, yo munda mweshi mugaziikirwa. Kundu mushubi hiiti ibindu byeꞌkishingo, halikago ikishuka kigabimera mwo. Kiri neꞌnyumba ziinyu, zigayijula mweꞌmigenge.

Nahumu 2:13

Ishuba mu genda, inayite inyamiishwa, inazibaagire ibuguma lyayo, naꞌbaana baayo. Ee! Ikyanya yayita inyamiishwa, inyama zaazo ziri mu yijula ibundo lyayo.

Bukengeeze 32:42

Ingooti yani, igatongeera abagoma baani. Na ndobeke imyambi yani mu muko gwabo. Ndaayo ndwani ígatoloboka, Ábagwatwa imbohe, igabayita. Inatole amatwe geꞌbirongoozi byabo.”