Yeremiya 46:12 - Kifuliiru

¹² Ibinyamahanga, keera bikayuvwa ngiisi kwo mukayagagala bweneene neꞌshoni! Si indwani ziinyu, zikayipukulana kwo, zanayami yibumbulika haashi.»

Yeremiya 46:12 ပူးပေါင်းရင်းမြစ်များ

Hisaaya 10:4

Si mwâye gendi bunda mu mbohe, kandi iri muminikwe kuguma na ábali mu yitirwa mwiꞌzibo. Kundu kwokwo, ubute bwa Nahano bugaaba butazi hooha. Agaaba aki bangwiri ukuboko kwage, mu kulooza ukuhana abandu baage.

Hisaaya 19:2

Nahano adetaga kwokuno: «Balya Bamiisiri, ngabateerania boonyene ku boonyene! Ee! Umundu agagendi lwisa mwene wabo. Noꞌmutuulani anagendi lwisa uwabo mutuulani. Akaaya kaguma kagagendi lwisa akaabo kaaya. Noꞌmwami muguma agagendi lwisa uwabo mwami.

Hisaaya 24:11

Abandu bagweti bagahuuna idivaayi mu njira. Kundu kwokwo, amalega gooshi gakoli maziri. Ikihugo kitaki shambiiri.

Yeremiya 14:2

«Utwaya tweꞌBuyuda tukola mu fwifwitira, banakola mu gandaara. Balya bandu booshi, bakoli shengusiri. Ee! Abandu beꞌYerusaleemu bagweti bagabululuka, halinde amalira gaabo ganambikira mwiꞌgulu.

Yeremiya 2:36

«Kutagi muli mu hindula-hindula imitono? Aahago! Kiri naꞌBamiisiri bagamùteeza ishoni, nga kwaꞌBahasuriya keera bakamùteeza zo.

Yeremiya 46:6

Kundu bangatibita mulindi, banabe bali bikalage byeꞌndwani, haliko batagafuushuka. Bali mu bambaajira, banayami gwa haashi iyo munda imbembe, ha lwiji Hefuraati.

Yeremiya 47:2

«Abagoma bakola mu kuumana uluhande lweꞌmbembe. Bali ngoꞌlwiji úlukoli heemiri. Bagaaba ngoꞌlwiji úlugweti lugasavya ngana-ngana! Bagalenga mu ngiisi kaaya, banakumbulule íbiri mu kihugo byoshi. Abandu bagakizi yidehereza mu nduulu, ikihugo kyoshi kinayijule ikimombo.

Yeremiya 48:34

«Yabo Bamohabu, bakola mu bululuka mu twaya twabo, ukulyokera i Heshibooni, halinde i Heryari neꞌYahasa, noꞌkulyoka i Sowari halinde i Horonayimu, neꞌHegulaati-Sherishiya. Emwe! Kiri naꞌmiiji geꞌNimurimu, keera gakama.

Yeremiya 49:21

Ikyanya bagaagwa, ikihugo kigajugumbana. Ikyanya bagayidehereza mu nduulu, igayuvwikana halinde ku Nyaaja Ndukula.

Yeremiya 50:46

Ikyanya ikihugo kyeꞌBabeeri kigagwatwa, abandu booshi bagateerera induulu bweneene, neꞌkihugo kinajugumbane. Abandu ba mu mahanga gooshi bagayuvwa ngiisi kwaꞌBababeeri bakola mu bululuka ku kimombo.

Yeremiya 51:54

«Yuvwagwi! Mu kihugo kyeꞌBabeeri, abagoma bagweti bagashereeza bweneene. Kyo kitumiri Abababeeri bakola mu bululuka!

Nahumu 2:5

Amagaare gaazo giꞌzibo, gagweti gagasuula umulindi mu njira za mu kaaya, na mu zeꞌbutambi lyako. Zinagweti zigayilyemuza nga mbigi za muliro, zinagweti zigasuula umulindi nga biryamu.

Sefaniya 1:10

Nahano adetaga kwokuno: «Yulwo lusiku, hagayuvwikana ikimboloogo ukulyokera ku lwivi lweꞌFwi. Bagakizi bululuka na mu luhande luhyahya lwaꞌkaaya. Noꞌlunganga lugayuvwikana mu tugangazi.

1 Samweri 5:12

Ku yikyo kyanya, ngiisi ábatakafwa, bâli gweti bagalibuuka bweneene neꞌbirole. Abandu booshi ba mu yako kaaya, banalira ku kimombo. Izu, lyanayuvwikana mwiꞌgulu.