Yeremiya 44:1 - Kifuliiru

¹ Hâli riiri Abayuda ábâli tuuziri mu kihugo kyeꞌMiisiri, mu kaaya keꞌMigidoli, na mu keꞌTapaneshi, na mu keꞌMefiisi, naꞌbandi uluhande lweꞌPaturo. Ku yikyo kyanya, Nahano anatuma Yeremiya kwo agendi babwira, kwo

Yeremiya 44:1 ပူးပေါင်းရင်းမြစ်များ

Ndondeko 10:14

naꞌBapaturushi, naꞌBakafutori, naꞌBakasiluhi. (Mu yabo Bakasiluhi, mwaꞌBafirisiti bakalyoka.)

Kulyoka 14:2

«E Musa, ubwire Abahisiraheeri kwo bagalukire inyuma, bashumbike hoofi lyeꞌPi-Hahirooti, iwa Nyaaja Ndukula. (Yaho, hali ha kati kaꞌkaaya Migidoli neꞌyo nyaaja, ha mbere lyaꞌBaali-Sefooni.)

Hisaaya 11:11

Ku yikyo kyanya, Nahano agashubi golola ukuboko kwage, anagalule abandu baage ábaki sigiiri imbohe mu kihugo kyeꞌHasuriya, na mu kyeꞌMiisiri, na mu kyeꞌPaturo, na mu kyeꞌHendyopiya, na mu kyeꞌHelamu, na mu kyeꞌShinaari, na mu kyeꞌHamaati, kiri na mu tulira.

Hisaaya 19:13

Abanabwenge baawe beꞌSowani, si keera bakahendwa! Kiri na ábalyosiri i Mefiisi, nabo bakoli tebesiri. Balya batwali beꞌMiisiri, keera bakabashereegeza ikihugo.

Yeremiya 2:16

Kiri naꞌBamiisiri beꞌMefiisi, naꞌbeꞌTapaneshi, nabo keera bakamùteezagya ishoni, mu kumùnguula imishaku ku matwe.

Yeremiya 24:8

«“Halikago, ulya mwami Zedekiya weꞌBuyuda, yehe alyagagi ngeꞌrya mitiini íkoli boziri, inabe itakiri ya kuliibwa. Kwokwo, ngamúhaniiriza, kiri naꞌbatwali baage, bo naꞌbandu booshi ábasigiiri i Yerusaleemu. Ngaahana kiri na ábakabungira mu kihugo kyeꞌMiisiri.

Yeremiya 43:13

Iyo munda i Heryopoli, mu kihugo kyeꞌMiisiri, agaasiga ahongola yeꞌnguliro zeꞌmigisi yabo, noꞌkuduulika imbeero zaabo kwoꞌmuliro.”»

Yeremiya 44:15

Na yaho, mu balya Bayuda ábâli tuuziri i Paturo mu kihugo kyeꞌMiisiri, abingi bâli koli kumaniri kuguma. Mu kati kaabo, mwâli riiri abakazi bingi ábâli kizi yokera imizimu umubadu. Na bayiba bâli yiji-yiji kwo bagweti bagagihoza. Kwo bali booshi, banayiji bwira Yeremiya:

Yeremiya 46:14

«Ugenderage balya Bamiisiri ábali i Migidoli, na ábali i Mefiisi, na ábali i Tapaneshi, unababwire kwokuno: “Ábamùsokaniini bakola mu mùteera! Aahago! Muyibiike ibiringiini, gira mugendi lwa.”

Yeremiya 46:19

«E Bamiisiri, mumenye kwo mukola mugatwalwa imbohe. Kwokwo, mushwekage ibindu biinyu. Akaaya keꞌMefiisi kakola kagashereezibwa. Ikihugo kyabo kinasigale biguuka.

Hezekyeri 29:10

ku kasiisia ngamùhanira kuguma na yulwo lwiji lwinyu. Yikyo kihugo kyeꞌMiisiri, ngakishereeza, kisigale ishamba limaata, ukulyokera i Migidoli imbembe halinde ukuhisa i Sewene ikisaka, halinde kiri na ku mbibi zeꞌkihugo kyeꞌHendyopiya.

Hezekyeri 29:14

Na njubi bagalulira mu kihugo kyabo kyeꞌnvuukira kyeꞌPaturo. Na kundu bagashubi ba noꞌbwami, haliko bugaaba buzira misi.

Hezekyeri 30:13

Rurema Nahamwitu adetaga kwokuno: «Ngashereeza imigisi yeꞌMiisiri, kiri neꞌya mu kaaya keꞌMefiisi. Mu kihugo kyoshi kyeꞌMiisiri, ndaaye úgaki ba mutwali. Nganabiika mweꞌkyoba kingi.

Hezekyeri 30:14

Ngashereeza akaaya keꞌPaturo. Naꞌkaaya keꞌSowani, ngakajiviivya ku muliro. Nganahana akaaya keꞌTebeesi.

Hezekyeri 30:16

Ee! Ngajigiivya ikihugo kyoshi kyeꞌMiisiri. Abandu beꞌSiini bagateerwa neꞌkyoba kingi bweneene. Inzitiro zeꞌMefiisi zigahongolwa. Naꞌbandu baayo, bagakizi shenguka.

Hezekyeri 30:18

Ikyanya ngayiji maliiriza ubushobozi bweꞌMiisiri, lyeꞌkihulu kigabwikira i Tapaneshi, gunali mwiꞌzuuba. Ikihugo kyeꞌMiisiri kigayidika mweꞌkihulu, abandu mu twaya twakyo banagwatwe imbira, banatwalwe i mahanga. Haaho, lyaꞌbandu beꞌMiisiri batagaki yikangaata hiꞌgulu lyoꞌbushobozi bwabo.

Hosheya 9:6

Kundu mwangakira Abahasuriya, haliko ikihugo kyeꞌMiisiri kigaki mùhima. Ee! I Mefiisi, yo munda mweshi mugaziikirwa. Kundu mushubi hiiti ibindu byeꞌkishingo, halikago ikishuka kigabimera mwo. Kiri neꞌnyumba ziinyu, zigayijula mweꞌmigenge.