Yeremiya 43:7 - Kifuliiru

⁷ Balya booshi, ikyanya bakabungira mu kihugo kyeꞌMiisiri, banagendi tuula mu kaaya keꞌTapaneshi. Kwokwo, kundu Nahano akababwira kwo batagende yo, bakamútenguha.

Yeremiya 43:7 ပူးပေါင်းရင်းမြစ်များ

2 Baami 25:26

Haaho, Abahisiraheeri booshi, abakulu naꞌbagunda, kuguma naꞌbakulu baꞌbasirikaani, banatibitira i Miisiri, bwo bâli yobohiri Abababeeri.

2 Kutondobola 25:16

Uyo muleevi, mbu abe akiri mu múganuuza, Hamaziya anamúlongooza, ti: «Hulika! Nyandagi úkakubiika kwo ukizi hanuula mwami? Ka uloziizi kwo tukuyite?» Uyo muleevi, kundu akaleka ukumúhanuula, haliko anadeta: «Nyiji kwo Rurema akoli shungisiri kwo agakuyita. Mukuba, keera wakola yaga mabi gooshi, wanalahira ukunyuvwiriza.»

Hisaaya 30:2

Muli mu gendi tabaaza Abamiisiri, buzira kumbanuusa. Munakoli biisiri Faraho kwoꞌmulangaaliro, kwo ye gamùkiza.

Hisaaya 30:4

Uyo Faraho, biri ukuli kwo atwaziri ahandu hingi, ukulyoka i Sowani, halinde kiri neꞌHanesi.

Yeremiya 2:16

Kiri naꞌBamiisiri beꞌMefiisi, naꞌbeꞌTapaneshi, nabo keera bakamùteezagya ishoni, mu kumùnguula imishaku ku matwe.

Yeremiya 41:17

Banagwanwa i Geruti-Kimuhamu, hoofi neꞌBetereheemu, mu kuyibiika ibiringiini, kwo batibitire mu kihugo kyeꞌMiisiri.

Yeremiya 42:21

Aahago! Zeene byo anduma kwo nimùbwire, mutaki bisimbahiri.

Yeremiya 44:1

Hâli riiri Abayuda ábâli tuuziri mu kihugo kyeꞌMiisiri, mu kaaya keꞌMigidoli, na mu keꞌTapaneshi, na mu keꞌMefiisi, naꞌbandi uluhande lweꞌPaturo. Ku yikyo kyanya, Nahano anatuma Yeremiya kwo agendi babwira, kwo

Yeremiya 44:24

Yeremiya anashubi yushuula, ti: «E Bayuda mweshi, mwe mukoli tuuziri mu kihugo kyeꞌMiisiri! Muyuvwagwe ngiisi kwo Nahano woꞌbushobozi bwoshi, Rurema waꞌBahisiraheeri amùbwira: “Mwe na bakiinyu, keera mukashiikiza kwo mugakizi yokera umugoli wa kwiꞌgulu umubadu, iri munamútangira amatuulo geꞌdivaayi. Aahago! Kalya kalaga ko mukabiika, mukizi kasimbaha.

Yeremiya 46:14

«Ugenderage balya Bamiisiri ábali i Migidoli, na ábali i Mefiisi, na ábali i Tapaneshi, unababwire kwokuno: “Ábamùsokaniini bakola mu mùteera! Aahago! Muyibiike ibiringiini, gira mugendi lwa.”

Hezekyeri 30:18

Ikyanya ngayiji maliiriza ubushobozi bweꞌMiisiri, lyeꞌkihulu kigabwikira i Tapaneshi, gunali mwiꞌzuuba. Ikihugo kyeꞌMiisiri kigayidika mweꞌkihulu, abandu mu twaya twakyo banagwatwe imbira, banatwalwe i mahanga. Haaho, lyaꞌbandu beꞌMiisiri batagaki yikangaata hiꞌgulu lyoꞌbushobozi bwabo.