Yeremiya 4:31 - Kifuliiru

³¹ Nyuvwiti akaamyo, nga koꞌmukazi úgweti úgaabuta ulubuta lwa mbere. Kiziga i Yerusaleemu yonyene, ye gweti igahemagira-hemagira! Akola mu lambuula amaboko, iri anatakira Rurema kwokuno: «Ala nie! Si abahulula bano, bakoli nyita!»

Yeremiya 4:31 ပူးပေါင်းရင်းမြစ်များ

Ndondeko 27:46

Uyo Rebeka, anagendi bwira Hisake: «Ewe! Yaba bali-kazi baawe baꞌBahiti, keera bakambahaza bweneene. Aahago! Iri Yakobo naye angayiji yangira mu Bahiti, nangakengeera navunika umutima lwoshi.»

Hayubu 10:1

«Ngoli shombiri uburambe bwani. Kwokwo, leka nyidodombe buzira kuhangirirwa. Bwoꞌmutima gwani gukola mwoꞌbululu, ngwiriiri ndetage.

Zaburi 120:5

Yayewe imwani! Si nduuziragi mu banakuhambwa beꞌMesheki, na mu maheema geꞌKedaari!

Hisaaya 1:15

Bwo mugweti mugayitana, amaboko giinyu gakoli yijwiri umuko! Kwokwo, ikyanya mugakizi gagolola mbu mundabaaze, ngakizi mùhindulira ingoto. Kundu mwangambuuna bweneene, ndangaki mùtega amatwiri.

Hisaaya 13:8

Yabo booshi bakola mu shenguka, iri banababala. Bakola mu lyanirwa, nga mukazi úkola mu liibwa noꞌmukero. Bakola mu lolana-lolana kwo mu kati keꞌkyoba. Na bwo bakoli humiirwi, amalanga gaabo gakola mu yaga-yaga nga muliro.

Hisaaya 21:3

Ala nie! Ngoli yuvwiti ubulyanirwe mu kibuno. Bukola mu lyana nga mukero gwoꞌmukazi. Ngiisi byo ngola mu yuvwa, bikoli nyobohesiizi! Kiri na byo ngola mu bona, biri mu mbiika uluhuha.

Hisaaya 26:17

Twâli riiri ngoꞌmukazi úkola úgaabuta. Ali mu liruuka bweneene, iri anagaya-gaya noꞌmukero.

Hisaaya 42:14

Nahano adetaga kwokuno: «Nâli yamiri ndi munyerere. Ee! Nâli hulisiri, shee! Haliko buno, ngolaga ngabanda akaluulu, ngoꞌmukazi úgweti úgaabuta, anabe agweti agayinekeera, iri anahemagira.

Hisaaya 6:5

Iri nꞌgabona kwokwo, nanadeta: «Ala nie! Si leero ngola ngashereera! Si akanwa kaani kayulubiiri. Naꞌbandu bo tutuliinwi, nabo utunwa twabo tuyulubiiri. Kundu kwokwo, keera nayibonera Umwami. Ye na Nahano woꞌbushobozi bwoshi!»

Yeremiya 10:19

Abandu i Yerusaleemu, ti: «Ala nie! Ngoli komeresiri bweneene! Neꞌkihando kijajagusiri ngana-ngana! Ndaakwo kundi! Yago malibu, ngwiriiri ngagooyere naaho.

Yeremiya 13:21

«Balya bandu, mwâli kizi baharuura mbu bali biira biinyu. Aahago! Ikyanya bagayiji mùhima, banakizi mùtwala, bikagi mugaki deta? Si mugakizi hindagala bweneene, ngoꞌmukazi úkola mu buta!

Yeremiya 14:18

Ikyanya ndi mu genda mu mbingiro, ndi mu gwana mweꞌbirunda bya ábakayitwa neꞌngooti. Neꞌkyanya ndi mu yingira mu kaaya kahamu na ngwane mwaꞌbandi, bakola mu fwa niꞌshali. Kiri naꞌbaleevi naꞌbagingi, keera bakatwalwa hala mu mahanga go batayiji.”»

Yeremiya 15:18

Aahago! Kituma kiki ngi yamiri ndi mu libuuka? Na kituma kiki inguma zaani zikalahiraga ukukira? Si ubutabaazi bwawe, buli naaho nga shyoko yaꞌmiiji íkoli kamiri!»

Yeremiya 18:21

«Ku yukwo, ulekage abaana baabo bafwe niꞌshali. Nabo boonyene, uleke abagoma baabo babayite neꞌngooti. Bakaabo bafwirwe naꞌbaana, kiri na bayiba! Abashaaja bafwe neꞌkiija, neꞌmisore iyitwe ku ngooti mwiꞌzibo.

Yeremiya 22:23

E mwami, inyumba yawe iri nyiija, bwo ikayubakwa neꞌmyerezi yeꞌLebanooni. Buno, uki jeberiiri ngana-ngana. Kundu kwokwo, ugakizi himbukira, iri unabululuka ku mwizingeerwe, ngoꞌmukazi úkola úgaabuta.»

Yeremiya 30:6

Ku yukwo, mutee yibuuzagya bwija, ti: “Koꞌmushosi angabuta?” Aaho! Kutagi ngiisi mushosi akola mu yigwata ha kibuno, iri anahinya ngoꞌmukazi úgweti úgaabuta ku bulyanirwe? Na kituma kiki amalanga gaabo gakoli zizibiiri?

Yeremiya 45:2

«E Baruki, Nahano Rurema waꞌBahisiraheeri ayuvwa ngiisi kwo ukadeta kwokuno: “Yayewe imwani! Si Nahano akola mu shubi nyushuulira amalibu! Keera nagongeera, na ngoli luhiri, ndaanaho nangaluhuukira.”

Yeremiya 48:41

Utwaya twamwo tugagwatwa, kiri noꞌtwaya tuzitire. Ku yikyo kyanya, ibikalage byeꞌndwani bigahuumirwa, ngoꞌmukazi úgweti úgaabuta.

Yeremiya 49:22

Lolagi! Abagoma baꞌbandu beꞌBosira bakola bagayija nga nyunda úli mu yami yihwika mu kaaya kaabo. Yulwo lusiku, abasirikaani beꞌHedoomu bagateerwa neꞌkyoba, nga mukazi úkola mu yuvwa umukero.

Yeremiya 49:24

Abandu beꞌDamasiki, keera bateerwa neꞌkyoba, neꞌndege zikoli teziri bweneene. Bakoli yuvwiti ubulyaniirwe, ngoꞌmukazi úkola úgaabuta. Banakoli loziizi ukutibita.

Yeremiya 50:43

Yabo basirikaani, mwami weꞌBabeeri keera akayuvwa imyazi hiꞌgulu lyabo, anayoboha, halinde amaboko gaage gakoli lebiiri. Akoli shengusiri, anakola mu lyanirwa, ngoꞌmukazi úgweti úgaliibwa noꞌmukero.

Yeremiya 6:2

E kaaya keꞌSayuni, kundu uli nga munyere úsimisiizi, unanonosiri, haliko ngola ngakushereeza.

Kimombo 1:17

Emwe! Kundu abandu beꞌYerusaleemu bagweti bagagolola amaboko, mu kutabaazania, halikago, ndaaye úkiri mu batabaala. Nahano keera akabwira abatuulani baꞌBahisiraheeri kwo babayihindulire, babaagage bagoma baabo. Yayewe! Akaaya keꞌYerusaleemu, kakola nga myanda mu masu gaabo.

Kimombo 1:20

E Nahano, langiizagya ngiisi kwo nashenguka bweneene. Umutima gwani, keera gukavunika, gunakoli shengusiri. Ala nie! Keera nꞌgahuna imbere lyawe. Buno mu mitalimbwa, abandu baani bakola mu yitwa ku ngooti. Kiri na mu nyumba, bayiji-yiji naaho kwo bakola bagaafwa.

Kimombo 2:21

Imisore naꞌbashaaja, booshi keera bakayitwa ku ngooti. Ibirunda byaꞌbanyere naꞌbatabana, bikoli lambamiri mu njira. Si wenyene we kabayita ku buraakari bwawe, buzira kubayuvwirwa ikimino!

Hosheya 13:13

Bakoli gweti bagalyanirwa, nga mukazi úkola mu liibwa noꞌmukero. Banali kandi nga mwana muhwija. Uyo mwana, si ikyanya kyoꞌkubutwa ali mu lahira ukuhuluka mu nda ya nyina!

Mika 4:10

E batuulaga beꞌYerusaleemu! Mugenderere noꞌkugongeera, iri munabululuka nga mukazi úkola mu liibwa noꞌmukero. Si mukola mugashaagaga mu kano kaaya, munagendi tuula mu mbinga. Ee! Mukola mugatwalwa hala, i Babeeri. Halikago mango muba mukola iyo munda, Nahano agayiji mùkiza, anamùguluule mu maboko gaꞌbagoma biinyu.

Mika 4:9

Aahago! Kituma kikagi mugweti mugabanda akashiba? Ka mutaki hiiti mwami? Ka keera mwateera abitegeereza? Si mukoli lyaniirwi, nga mukazi úkoli gweti úgaliibwa noꞌmukero!

Mika 7:1

Yayewe imwani! Ngola nga mundu úwagenda ha nyuma lyaꞌbimbuzi iri anashondooza imisigala, haliko, anabonaga ndaayo íki sigiiri. Ndaagwo mutiini gwo nangalya, mbu njaluuke. Kiri neꞌbitumbwe byeꞌmizabibu, ndaabyo bikiri ho.

Mataayo 21:5

«Mubwire abandu ba mu kaaya keꞌSayuni: “Lolagi! Mwami winyu ali mutuudu, agweti agamùyijira ashoniri ku punda. Noꞌyo punda, akiri mwanuke.”»

1 Bakorindo 9:16

Kundu kwokwo, ndangakizi yihaya, mbu bwo ndi mu menyeesa abandu Imyazi Miija. Mukuba, guli mukolwa gwo nꞌgatumwa. Neꞌri ndangakizi bamenyeesa yo, agaaba yayewe imwani!

1 Batesaloniki 5:3

Neꞌkyanya abandu bagaaba bakiri mu deta: «Tuli noꞌmutuula, tuli noꞌbutoge», lyeryo lyo bagayami shereezibwa. Bigaaba nga kwoꞌmukazi weꞌnda ali mu yami hikirwa noꞌmukero. Yabo bandu batagafuushuka, kiri neꞌhiniini!