Yeremiya 4:28 - Kifuliiru

²⁸ Abandu ba mu kihugo, bagaliruuka. Niꞌgulu ligayidika kweꞌkihulu. Keera nakyula, ndanganaki hinduka. Keera nꞌgashungika, kwoshi kwokwo!»

Yeremiya 4:28 ပူးပေါင်းရင်းမြစ်များ

Hisaaya 24:4

Ikihugo kikoli yumagusiri. Neꞌmbuto zooshi zikoli hangalusiri. Abakulu ba kino kihugo bataki kaniri.

Hisaaya 34:4

Igulu ligabungwa-bungwa, nga kwo bali mu bunga ikitaabo kibungirize. Indonde íziryagagi kwiꞌgulu zooshi, zinajongoloke, zinayume nga bibabi byeꞌmilandira, kandi iri nga bishulu byumu byoꞌmutiini. Zooshi zinabugumukire mu kihugo.

Hisaaya 5:30

Yulwo lusiku, bagalundumira abagoma, nga midunda ígweti igayibirindula mu nyaaja. Hooshi mu kihugo, abandu bagaabona ikihulu naaho naꞌmalibu. Umulengeerwe gugayidika mweꞌkibungu.

Hisaaya 50:3

Kiri neꞌkyanyaanya, nie tumiri kiri mu hinduka kihulu. Na ndi mu kibwikira noꞌmwizingeerwe.»

Yeremiya 12:11

Keera bakanagisivya ngana-ngana, inakola mushaka imbere lyani. Yayewe! Kirya kihugo kyoshi, kikolaga ishamba, ndaanaye úkitwaziizi.

Yeremiya 12:4

Kino kihugo kigayama kiyumagusiri halinde mangoki? Si ibyasi keera bikahangalala! Ibitugwa nabyo bikola bigaamala, kiri noꞌtunyuni. Abandu banakola mu deta: «Si Rurema atabwini íbiri mu tukoleka kwo!» Na íbitumiri yibyo byoshi bikola mu koleka, bwaꞌbandu bakoli bihuusiri.

Yeremiya 14:2

«Utwaya tweꞌBuyuda tukola mu fwifwitira, banakola mu gandaara. Balya bandu booshi, bakoli shengusiri. Ee! Abandu beꞌYerusaleemu bagweti bagabululuka, halinde amalira gaabo ganambikira mwiꞌgulu.

Yeremiya 23:10

Kino kihugo kyeꞌBuyuda, si abandu baki gweti bagashulehana mwo! Banakoli bihuusiri, iri banakoleesa ubushobozi bwabo ku njira ítali nga yo. Kyo kitumiri Nahano akoli kidaasiri. Ikihugo kikoli ginunusiri bweneene, neꞌndagiriro zikoli yumagusiri.

Yeremiya 23:20

Bulya buraakari bwa Nahano, butagahooha, átazi gira nga ngiisi kwo akoli shungisiri. Yibyo byoshi, mu siku ízigayija, lyo mwâye bisobanukirwe bwija.

Yeremiya 30:24

Bulya buraakari bwage, butaganahooha, átazi yusa ukugira byoshi byo keera ashungika. Yibyo byoshi, mwâye bisobanukirwe mu siku ízigayija.

Yeremiya 51:12

E bagoma beꞌBabeeri! Mushonie irembera liꞌzibo, gira abasirikaani bateere inzitiro zeꞌBabeeri. E Bababeeri! Muleetage abandi balaliizi, lyo mumenya ikihe kyo bagamùteera kwo ku bumbishwa. Kundu mwangagira kwokwo, Nahano akoli shungisiri kwo agamùshereeza, lyo akwiza ishungi zaage.

Yeremiya 7:16

«E Yeremiya, yabo bandu, utakizi ki bahuunira imwani. Utanakizi balirira, hatanabe ikindu kyo ugakizi ndakira kwo hiꞌgulu lyabo. Kundu wangabahuunira, ndagayuvwa.

Kimombo 2:17

Yubwo buhanya, bukakoleka nga kwo Nahano âli mali gwanwa abushungika. Kwokwo, kwo akatulagaania, keera anabukwizagya. Akaaya keꞌYerusaleemu, ndaakyo kimino kyo akakayuvwirwa, si akayami kahongola. Buno, abagoma baage bakola mu kahonyoleza, ti honyo! Yabo bagoma baawe, keera akabahemya amatwe!

Hezekyeri 24:14

Nie Nahano, byo ngweti ngaadeta, ngabikola. Ndaganaki shiginya, kwo nimùkejeerere. Si ngamùtwira ulubaaja, ukukulikirana na ngiisi byo mwâli kizi kola. Kwokwo, kwo nie Rurema Nahamwinyu ndesiri.»

Hosheya 13:14

Yabo bandu, ka ngwiriiri nyiji bakiza mu shinda? Ka mbakize na Narufu? Nanga, maashi! E Narufu! Uleetage ikiija! Na naawe, e Nakuzimu! Uyiji bashereeza! Ee! Ndagaki babonera kandi ulukogo!»

Hosheya 4:3

Kyo kitumiri ikihugo kiinyu kikoli yumagusiri. Ngiisi ábakituuziri mwo, bakola mu fwa. Kiri neꞌnyamiishwa, zikola mu hera, kuguma noꞌtunyuni, neꞌfwi.»

Yuheeri 1:10

Indalo, keera zasiba. Niꞌdaho keera lyayumaguka. Ingano, neꞌdivaayi, kiri naꞌmavuta, byoshi byahumbuluka.

Zakariya 8:14

E bandu beꞌYerusaleemu, naꞌbeꞌkihugo kyoshi kyeꞌBuyuda! Nahano woꞌbushobozi bwoshi adeta kwokuno: «Yaho kare, ikyanya bashokuluza biinyu bakandaakaza, nꞌgahiga kwo ngamùhaniiriza, ndakanashiginya mu shungi zaani. «Haliko buno, keera nꞌgahiga ukumùgashaanira. Kwokwo, mutaki yobohe.

Muharuuro 23:19

Rurema atali nga mundu, mbu abeeshe. Atanali nga mundu mbu ayishuhize. Ngiisi byo agweti agaadeta, ali mu bigira. Na ngiisi byo ali mu lagaania, ali mu bikola.

Mataayo 27:45

Iri hakaba bikola bihe ndatu bya mwiꞌzuuba, ubwire bwanayidika mu kihugo kyoshi, halinde ukuhisa ku bihe mwenda.

Mariko 15:33

Iri hakaba bikola bihe ndatu bya mwiꞌzuuba, ubwire bwanayidika mu kihugo kyoshi, halinde ukuhisa ku bihe mwenda.

Luka 23:44

Iri hakaba bikola nga bihe ndatu bya mwiꞌzuuba, izuuba lyanazima, ubwire bwanayidika mu kihugo kyoshi, halinde ukuhisa ku bihe mwenda. Noꞌmulondo gwo bâli manisiri mu nyumba ya Rurema, lyeryo, gwanayami lalaanuka mwo kubiri, la-la-la.

Bahefeso 1:11

Ngiisi byo Rurema ali mu gira, ali mu gwanwa abishungika. Kwokwo, na nyiitu, akatutoola kwo tube beꞌmwage mu kati ka Kirisito.

Bahefeso 1:9

Ngiisi byo Rurema âli mali gwanwa ashungika mu Kirisito, byâli bishamiri. Kundu kwokwo, anasiima ukutumenyeesa byo.

Baheburaniya 7:21

Mukuba, ikyanya akabiikwa ku bugingi, Rurema akabiika indahiro kwokuno: «Nahano ashiikiza kwo ugayama uli mugingi wage imyaka neꞌmyakuula. Atanâye yishuhize.»

Bwigule 6:12

Ha nyuma, Ikyanabuzi kyananunguula inungu ya kalindatu. Lyeryo mu kihugo, mwanalenga sizigirye woꞌmusisi. Izuuba lyanayulubala, lyanashushaga nga busuuzu úbukalukwa mu bwoya bwoꞌmukara. Noꞌmwezi gwanadukula nga muko.

1 Samweri 15:29

«Rurema ayamiri ho imyaka neꞌmyakuula, atanali mu tebana. Ngiisi byo ashungisiri, atali mu biyishuhiza kwo. Yehe, atali nga mundu, mbu akizi hinduka-hinduka ku nzaliro zaage.»