Yeremiya 4:13 - Kifuliiru

¹³ «Lolagi! Umugoma agweti agatuyijira, akola mu tukanga nga kibungu íkiyidisiri. Amagaare gaage giꞌzibo gali mu suula umulindi, nga kihuhuuta. Ifwarasi zaage zigweti zigaganga mulindi ukuhima utushuta. Ala twe! Si tukolaga tugaahera!

Yeremiya 4:13 ပူးပေါင်းရင်းမြစ်များ

2 Samweri 1:23

Sahuli na Yonataani, ku kyanya bâli kiri bagumaana, bâli kizi kundwa, banâli kizi gashaanirwa. Kiri na mu lufu, batakayihandulana kwo. Bâli kizi suula umulindi, ukuhima nyunda. Banâli neꞌmisi mingi, ukuhima indare.

Hisaaya 13:5

Yabo basirikaani bakola mu yija ukulyoka ku mbeka zeꞌkihugo. Na bwo Nahano akoli rakiiri bweneene, agabakoleesa, babe bilwaniiso byage byoꞌkushereeza ikihugo kyoshi kyeꞌBabeeri.

Hisaaya 19:1

Ino ndumwa, iri hiꞌgulu lyeꞌkihugo kyeꞌMiisiri. Lolagi! Nahano agweti agasuula umulindi ku kibungu, gira agendi teera ikihugo kyeꞌMiisiri. Buno, imigisi yaꞌBamiisiri ikola mu juguma imbere lyage. Kiri naꞌBamiisiri boonyene, imitima yabo keera yajajuka, banakoli shengusiri.

Hisaaya 3:8

Abandu beꞌYerusaleemu, bakola mu siitara. Abandu beꞌBuyuda, bakola mu kizi gwa haashi. Mukuba, bagweti bagahagana na Nahano yenyene, mu kukizi deta íbitali nga byo, na mu kukizi gira amabi. Kundu Nahano alyagagi woꞌbulangashane, si bagweti bagamúgayiriza.

Hisaaya 5:28

Imyambi yabo ishongosiri bweneene, keera banagifwora mu miheto yabo. Ibinogosho byeꞌfwarasi zaabo, biri bikomu nga mabuye. Naꞌmapine gaꞌmagaare gaabo giꞌzibo, gali mu kizi suula umulindi nga munyaga.

Hisaaya 66:15

Lolagi! Nahano akola mu yija alyagagi noꞌmuliro, gira ayiji yerekana uburaakari bwage. Amagaare gaage giꞌzibo, gali mu yija mulindi nga kihuhuuta. Ku yikyo kyanya, imbigi zoꞌmuliro zigaminika abandu.

Yeremiya 10:19

Abandu i Yerusaleemu, ti: «Ala nie! Ngoli komeresiri bweneene! Neꞌkihando kijajagusiri ngana-ngana! Ndaakwo kundi! Yago malibu, ngwiriiri ngagooyere naaho.

Yeremiya 4:12

Si ngalungika imibangami. Leero, nienyene ngola ngabahaniiriza.»

Yeremiya 4:31

Nyuvwiti akaamyo, nga koꞌmukazi úgweti úgaabuta ulubuta lwa mbere. Kiziga i Yerusaleemu yonyene, ye gweti igahemagira-hemagira! Akola mu lambuula amaboko, iri anatakira Rurema kwokuno: «Ala nie! Si abahulula bano, bakoli nyita!»

Yeremiya 46:18

«Nie Nahano woꞌbushobozi bwoshi, nie na Mwami, nabiika indahiro: Nga kwo nyamiri ho, umugoma akola agayiji mùteera. Alyagagi mula ngoꞌmugazi Taboori, anali nga kwoꞌmugazi Karimeeri guli ku nyaaja.

Yeremiya 48:40

Nahano adetaga kwokuno: «Lolagi! Abagoma baꞌBamohabu bakola bagayija nga nyunda úli mu yihwika mu kihugo kyabo.

Yeremiya 49:22

Lolagi! Abagoma baꞌbandu beꞌBosira bakola bagayija nga nyunda úli mu yami yihwika mu kaaya kaabo. Yulwo lusiku, abasirikaani beꞌHedoomu bagateerwa neꞌkyoba, nga mukazi úkola mu yuvwa umukero.

Yeremiya 6:23

Yabo basirikaani bahagasiri imiheto naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali mu yamuuka nga midunda mu nyaaja. E bandu beꞌSayuni! Yabo bagoma bakola ibiringiini, kwo bayiji mùteera.»

Yeremiya 9:19

Mwe bakazi, mutegage amatwiri, gira muyuvwe ngiisi kwo Nahano adeta. Mukizi komeereza banyere biinyu ukulira ku mabiihe. Mukizi yigirizania luno lwimbo lweꞌkimombo:

Kimombo 4:19

Emwe! Abagoma bâli kizi tulandiriza bweneene. Bâli mulindi-mulindi nga nyunda, wa vwi! Iri twâli kizi tibitira mu migazi, banatugwane mwo. Neꞌri twâli kizi gendi yibisha mwiꞌshamba, banayiji tutega mwo.

Hezekyeri 26:10

«Ulukuuli lweꞌfwarasi zaage, lugayija lugweti lugagirigimba, halinde ulukungu lwazo lunakusitire. Abasirikaani baage ábali mu zigendera kwo, ikyanya bagayija bali mu magaare giꞌzibo, inzitiro zigajugumbana, banayigogombeke mu kaaya kiinyu, nga ábayifunda heꞌnzitiro zikoli hongosiri-hongosiri.

Hezekyeri 38:9

Haaho, mwe naꞌbasirikaani baawe booshi, mugagendi bateera, munabazinge nga kihuhuuta, halinde munabwikire ikihugo kyabo nga kibungu.

Danyeri 11:40

«“Ku kyanya kyeꞌmberuuka, mwami weꞌkisaka agagendi teera mwami weꞌmbembe. Uyo mwami weꞌmbembe, ikyanya agateerwa, agahulukaga mulindi nga kihuhuuta. Anakoleese amagaare giꞌzibo, naꞌbasirikaani ábali mu gendera ku fwarasi, naꞌmashuba mingi bweneene! Agateera ibihugo bingi, anakizi bilenga mwo nga mwijulire.

Danyeri 7:4

«Inyamiishwa ya mbere, yâli shushiri nga ndare. Si yâli gweti ibyubi nga bya nyunda. Yibyo byubi, iri nꞌgaba ngi gweti ngabiyitegeereza, byanayami kuulwa. Iyo nyamiishwa, yanalengezibwa, halinde yanatondeera ukuyimangira ku magulu gabiri nga mundu. Yanahaabwa ubwenge nga bwoꞌmundu.

Hosheya 8:1

«BwaꞌBahisiraheeri bakahongolaga ikihango kyani, batanatwaziizi imaaja zaani, abagoma bagayiji bayihwika kwo nga nyunda, mu kubateera, wa vwi! Kwokwo, mugirage mudihirize ibibuga, mu kubakengula!

Mika 2:4

Yizo siku, abagoma bagakizi mùhonyoleza. Banakizi yimba yulu lwimbo lwaꞌmaganya hiꞌgulu liinyu, ti: «Ala twe! Keera tukahererekera, twanamirwa lwoshi-lwoshi! Nahano keera akatunyagaga ikihugo kiitu, anakigabira abagoma biitu.»

Nahumu 1:3

Nahano, kundu ayamiri agweti agayigenderera, halikago ali mwene ubushobozi. Atali mu lekeerera banangora-mabi, si agweti agabahana. Ikyanya agweti agagenda, hali mu boneka imibangami neꞌbihuhuuta. Ishando zaage, ikyanya ziri mu tumuula ulukungu, luli mu boneka nga bibungu.

Habakuki 1:8

Emwe! Ifwarasi zaabo, ziri mu suula umulindi ukuhima ingwi. Banali balangi, ukuhima imirunga ku kyanya ikoli shalisiri. Abasirikaani baabo ábashoniri ku fwarasi, bashaaziri hala, banali mu yami yilala mu bagoma. Bali mu ba nga nyunda, úli mu yihwika ku mutumba!

Zakariya 6:1

Nanashubi langiiza, nanabonaga amagaare giꞌzibo, gagweti gagatunduuka ha kati keꞌmigazi ibiri yeꞌmiringa.

Mataayo 24:30

«Haaho, ikyereso kyoꞌMwana woꞌMundu, kigaboneka kwiꞌgulu. Abandu beꞌmilala yoshi, banatondeeze ukubululuka. Bagaabona Umwana woꞌMundu, agweti agayija mu bibungu, mu kati koꞌbukalage, na mu bulangashane bwingi!

Bukengeeze 28:49

«Nahano agaashimya ibinyamahanga ukulyoka hala, ku mbeka yeꞌkihugo. Yabo bandu, mutayiji indeto yabo. Banayiji mùtibukira kwo, nga kwo nyunda ali mu yivwima ku mutumba.

Bwigule 1:7

Lolagi! Yesu akola agayija mu bibungu! Abandu booshi banamúbone, kiri na balya ábakamútumita. Abandu beꞌmilala yoshi íri mu kihugo bagaalira ku kimombo hiꞌgulu lyage! Bikizi ba kwokwo!