Yeremiya 34:22 - Kifuliiru

²² halikago ngabahamagala kwo bashubi galuka. Kwokwo, bagateera kano kaaya, banakagwate, banakajigiivye lwoshi-lwoshi. Kiri noꞌtundi twaya tweꞌBuyuda, natwo ngatushereeza, tunabe mushaka.» Kwokwo, kwo Nahano adesiri.

Yeremiya 34:22 ပူးပေါင်းရင်းမြစ်များ

2 Samweri 16:11

Mwami Dahudi anashubi bwira uyo Habishaayi kuguma naꞌbakozi baage: «Mugala wani yenyene, ye kola mu mbiiva. Aahago! Balya beene Binyamiini, ka itali yo haahe? Mumúleke anjekeereze, bwo Nahano ye wamútuma.

2 Baami 25:6

Yabo Bababeeri, ikyanya bakagwata mwami Zedekiya, banamútwala imunda mwami wabo i Ribila. Haaho, ho mwami Nebukandeneza akatwira Zedekiya ulubaaja.

2 Baami 25:9

Uyo mukulu, anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

2 Kutondobola 36:17

Nahano anabiika abandu baage mu maboko ga Nebukandeneza, mwami waꞌBakalidaayo. Ulya mwami, anaminika imisore yabo ku ngooti, kiri na mu nyumba ya Rurema. Ndaanaye mundu ye akakejeerera, aba mushosi, kandi iri mukazi, aba mwana, kandi iri mushaaja.

Hisaaya 13:3

Yabo basirikaani, nie Nahano nie bahamagiiri, keera nanabataluula, gira bagendi teera Abababeeri. Bwo ngoli rakiiri, keera nabatuma, kwo bagendi bahana. Banakoli shambaliiri ukugendi gira ngiisi byo nabatuma.

Hisaaya 24:12

Akaaya kakoli sigiiri biguuka bimaata, neꞌnyiivi zaako keera zavungulwa-vungulwa.

Hisaaya 37:26

«E mwami weꞌHasuriya, ka utazi yuvwa? Yiri igambo, si nie Nahano, nâli mali gwanwa nalishungika yaho kare! Ngiisi igambo lyo ngola mu kwiza, keera nꞌgagwanwa nalishungika. Na íbitumiri nꞌgakuyimika, gira uhongole tulya twaya tuzitire, halinde tunahinduke biguuka.

Hisaaya 6:11

Nanabuuza: «E Nahamwitu, yibyo byoshi, ngwiriiri ukukizi bigira, halinde mangoki?» Naye, ti: «Ukizi giraga kwokwo, halinde ku kyanya utwaya twabo tugaaba tusigiiri mushaka. Neꞌnyumba zaabo, zinasigale biguuka. Neꞌkihugo kyabo kinasherebere lwoshi-lwoshi.

Hisaaya 64:10

Inyumba yo bashokuluza biitu bâli kizi kuyikumbira mwo, yâli ndaluule, yanâli limbiri bweneene. Kundu kwokwo, keera ikasingoolwa. Na byoshi byo twâli siimiri, bikola biguuka naaho.

Yeremiya 2:15

Si abagoma baabo bagweti bagabalundumira nga ndare! Emwe! Bakola mu balangamira. Yabo bagoma, keera bakashereeza ikihugo kyoshi kyaꞌBahisiraheeri, banasiga utwaya twabo biguuka, bizira bandu.

Yeremiya 32:29

bagayami kayingira mwo, banabuli kaduulika mwoꞌmuliro. Bagajigiivya na zirya nyumba zo bâli kizi yokera mwoꞌmuzimu Baali umubadu, iri batanga amatuulo geꞌdivaayi imweꞌmizimu. Yibyo byoshi, byâli kizi nyaagaza bweneene.

Yeremiya 33:10

Nahano adetaga kwokuno: «Mugweti mugaadeta kweꞌkihugo kyeꞌBuyuda kikola mushaka. Ee! Nayemeera! Abandu bataki tuuziri mwo. Kiri neꞌbitugwa, ndaakibyo!» Kundu kwokwo, Nahano adetaga kwokuno: «Buno, injira zeꞌYerusaleemu, kiri neꞌza mu tundi twaya tweꞌBuyuda, zikiri shee! Abandu keera banyerera, kiri neꞌbitugwa. Kundu kwokwo, mugaki yuvwa mwoꞌlunganga.

Yeremiya 34:2

kwo agendi bwira mwami Zedekiya weꞌBuyuda kwokuno: «Kano kaaya, Nahano, Rurema waꞌBahisiraheeri adetaga kwo akola agakabiika mu maboko ga mwami weꞌBabeeri, anakaduulike mwoꞌmuliro.

Yeremiya 38:23

«Ee ma! Bakaawe, kiri naꞌbaana baawe, bagatwalwa imunda abasirikaani beꞌBabeeri, banabe bandu baabo. Kiri na wenyene, utagabayifuushula mwo. Si mwami weꞌBabeeri agakutwala imbohe. Naꞌkaaya keꞌYerusaleemu, agakaduulika mwoꞌmuliro.»

Yeremiya 39:8

Iyo munda i Yerusaleemu, balya Bababeeri banasingoola yaꞌkajumiro, kiri neꞌzindi nyumba zooshi. Banahongola-hongola neꞌnzitiro zaꞌkaaya.

Yeremiya 4:7

Abasirikaani bagahuluka, nga ndare íkola mu vuvunyuka mwiꞌbundo lyayo. Ee! Nakiminika keera akashaaga mu kihugo kyage, anakola mu njira, gira ayiji shereeza ikihugo kiinyu. Utwaya twinyu tugasigala biguuka, ndaanaye mundu úgatutuula mwo.

Yeremiya 44:22

«Aahabi! Birya bikoleere byo mwâli kizi gira, byâli kizi yagaza Nahano bweneene! Kyo kitumiri atakamùyigenderera, anahindula ikihugo kiinyu kibe mushaka. Kwokwo, abandu bakola mu kizi kidaaka, halinde zeene.

Yeremiya 50:13

Na bwo Nahano agaaba akoli shavwiri, yikyo kihugo, ndaaye mundu úwâye kituule mwo. Si kigasigala biguuka. Ngiisi úgakizi kilenga mwo, agahuumirwa. Ikyanya abandu bagaabona ngiisi kwo kyashereezibwa, bagasoomerwa ngana-ngana!

Yeremiya 52:13

Uyo mukulu anasingoola inyumba ya Nahano, naꞌkajumiro, neꞌzindi nyumba zooshi zeꞌYerusaleemu. Ngiisi nyumba mbamu, akagisingoola.

Yeremiya 52:7

Abababeeri banahongola uluhande luguma lweꞌnzitiro zaꞌkaaya. Haaho, mwami Zedekiya bo naꞌbasirikaani baage, banagira mbu batibite bushigi. Banalenga mwiꞌtongo lya mwami, ku lwivi lwa ha kati keꞌbigo bibiri, banapuumuka, halinde uluhande lweꞌndekeera yoꞌlwiji Yorodaani.

Yeremiya 9:11

Aahago! Yibyo byoshi, nyandagi mwitegeereza, úwangabisobanukirwa? Na nyandi úkaganuuza Nahano, halinde anamúbishuuka íbitumiri ikihugo kyashereera? Kituma kikagi ikihugo kikola kimaata ngiꞌshamba? Na kituma kiki ndaaye mundu úkiri mu kilenga mwo?

Kimombo 1:1

Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Hezekyeri 13:22

«“Yabo bandu, kundu bâli kizi gira íbikwaniini, halikago ku njira ya birya bibeesha biinyu, mwâli kizi bavuna imitima. Si nienyene, ndali nie wâli kizi bavuna yo. Naꞌbandu babi nabo, mwanakizi bashimya kwo bagenderere mu mabi gaabo, halinde batanaki longa ubulyo bwoꞌkuyikiza.

Hamoosi 3:6

Ikibuga, iri kyangadihirizibwa mu kaaya, abandu baamwo bali mu yami yoboha. Kwokwo, noꞌbuhanya, butangagwata akaaya, Nahano átazi kyula.

Mika 7:13

Ikihugo kigaashaka, kinabe kimaata, mukuba ábakoli tuuziri mwo, keera babihuuka bweneene.

Zakariya 1:12

«Ulya muganda, iri akayuvwa kwokwo, anabuuza: “E Nahano woꞌbushobozi bwoshi! Si keera wahisa imyaka makumi galinda, ugweti ugarakarira akaaya keꞌYerusaleemu, kiri noꞌtundi twaya twa mu Buyuda. Aahago! Ugaahisa ikindi kyanya kihi, halinde unashubi tukejeerera?”

Zakariya 7:14

Nanabashabulira hala mu mahanga, banagendi tuula yo nga binyamahanga. Ikihugo kyo bâli siziri, kyanahinduka mushaka. Ndaaye mundu úkakilenga mwo. Emwe! Kirya kihugo, kundu kyâli simisiizi, haliko kyanaba kikolaga ishamba naaho.»

Mataayo 22:7

«Ulya mwami, mbu abonage kwokwo, anashavura bweneene, anayami tuma abasirikaani baage, bagendi minika balya biitani, banajigiivye naꞌkaaya kaabo.