Yeremiya 34:18 - Kifuliiru

^18-19 Abatwali beꞌBuyuda naꞌbeꞌYerusaleemu, naꞌbakulu booshi, naꞌbagingi, naꞌbandi bandu booshi ábatali baja, twâli mali nywana ikihango. Bakabundula mwo kubiri inyana yoꞌkutwa yikyo kihango, banalenga ha kati ka yibyo bitolo bibiri. Haliko, buno keera bahongola yikyo kihango bakagira imbere lyani, mu kutaki kizi kola nga kwo tukalagaana. Kwokwo, boohe, ngabagira nga kwo bakagirira irya nyana.

Yeremiya 34:18 ပူးပေါင်းရင်းမြစ်များ

Ndondeko 15:10

Yibyo byoshi, Hiburamu anamúleetera byo. Ngiisi kiguma, anakizi kibunduula mwo kubiri. Anabitengeka mweꞌmiziizi ibiri, halinde byanakizi lolana. Haliko, utunyuni twohe, atakatubera mwo kubiri.

Ndondeko 15:8

Hiburamu, ti: «E Nahano Rurema, kino kihugo, kutagi kwo ngaamenya akasiisa kwo nie gayiji kihyana?»

Zaburi 50:1

Izaburi ya Hasafu. Nahano Rurema woꞌbushobozi bwoshi agweti agaadeta. Agweti agaberangira abandu booshi ba mu kihugo, ukulyokera isheere halinde imuga.

Hosheya 6:7

«Kundu keera tukanywana ikihango twe na niinyu, haliko mwanaba nga Hadamu, mwanakihongola. Mutanaba bemeera imwani.

Hosheya 8:1

«BwaꞌBahisiraheeri bakahongolaga ikihango kyani, batanatwaziizi imaaja zaani, abagoma bagayiji bayihwika kwo nga nyunda, mu kubateera, wa vwi! Kwokwo, mugirage mudihirize ibibuga, mu kubakengula!

Barumi 2:8

Abandi bagweti bagayikundirira. Batanali mu twaza ibyoꞌkuli. Si bagweti bagayifunda naaho mu mabi. Yabo bandu, Rurema agabahaniiriza ku buraakari bwage.

Bukengeeze 17:2

«Ikyanya mugaaba mutuuziri mu twaya two Nahano amùheereza, hali ikyanya umushosi, kandi iri mukazi angahigula imbere lya Nahano. Uyo mundu, anabe atasimbahiri ikihango kyo mukanywana na Nahano, Rurema winyu.

Yoshwa 23:16

Keera mukanywana ikihango na Rurema, nga kwo akamùtegeka. Aaho! Iri mwangakihongola, mbu mugendi yikumba ibindi íbiri mu yikumbwa, noꞌkubikolera, Nahano agamùrakarira ngana-ngana. Na kundu akamùheereza kino kihugo kiija, haliko mugakiminikirwa mwo.»

Yoshwa 7:11

Yaba Bahisiraheeri, kundu tukanywana ikihango twe nabo, haliko keera bakihongola, banakoli giziri ikyaha. Ibindu íbikataluulwa kwo bibe byeꞌmwani, keera babizimba kwo, banabibisha mu byeꞌmwabo. Na buno, bagweti bagaadeta ikinyoma hiꞌgulu lyabyo.