Yeremiya 33:4 - Kifuliiru

⁴ «Nie Nahano Rurema waꞌBahisiraheeri. Zirya nyumba zeꞌYerusaleemu, keera mukazihongola kiri noꞌtujumiro tweꞌBuyuda, mbu lyo mulonge ukuyihaliza naꞌBababeeri.

Yeremiya 33:4 ပူးပေါင်းရင်းမြစ်များ

Hisaaya 22:10

Ha nyuma, mwanalola inyumba zeꞌYerusaleemu, mwanazihongolaga kwo, mbu mulonge amabuye goꞌkukania inzitiro.

Hisaaya 32:13

Ikihugo kyaꞌbandu baani, kigaamera mweꞌmigenge, neꞌmihanda-njovu naaho. Utwaya twinyu, neꞌnyumba ziinyu, kundu bishuba mwoꞌbushambaale, si leero yubwo bushambaale butakiri ho.

Hisaaya 32:14

Kiri naꞌkajumiro kagasigala kamaata. Utwaya twoshi, kundu tushuba mwoꞌlujongo, si tugasigala mushaka. Ulwingo lweꞌnaazi, kiri naꞌkaaya kazitire koꞌkutibitira mwo, byombi bigasigala biguuka, halinde imyaka neꞌmyakuula. Linasigale naaho igombaniro lya bapunda ba mu kishuka, neꞌbibuzi binakizi ragirira mwo.

Yeremiya 32:24

«“Lolaga! Abababeeri keera bayiji sokanana inzitiro zaꞌkaaya, banaziyubaka kweꞌnyingo, gira bashonere kwo, banakagwate. Yoho wee! Kano kaaya, kagateerwa kwiꞌzibo, na kwiꞌshali, kiri na ku kiija. Ubuzinda, kanahaabwe Abababeeri, nga kwokulya ukagwanwa watanga ubuleevi.

Yeremiya 6:6

Nahano woꞌbushobozi bwoshi, adetaga kwokuno: «Muteme ibiti, munalunde noꞌluvu, bibe kishonero, halinde muteere akaaya keꞌYerusaleemu. Ee! Yako kaaya kakwaniini kahanwe. Mukuba, abandu baamwo bagweti bagavindagazania bweneene.

Kimombo 2:7

Ku kasiisa, Nahano akazira akatanda kaage, anazira neꞌnyumba yage nyiija i Sayuni. Analekeerera abagoma bayiji hongola inyumba nzitire. Mwomwo mu nyumba yage, banakizi bandira mwaꞌkabuuli hiꞌgulu lyoꞌbuhimi bwabo, nga kwaꞌbandu ba Rurema bâli kizi gira mwo ku lusiku lukulu.

Hezekyeri 21:22

Naani nie Nahano, ngakizi koma amagasha, halinde uburaakari bwani bunamale. Kwokwo, kwo nie Nahano ndesiri!»

Hezekyeri 26:8

«Uyo Nebukandeneza agatee shereeza utwaya twinyu útuli ku ngombe. Ha nyuma, anayubake ikishonero, kinamúhise ku nzitiro ziinyu. Anayushuule noꞌluvu, luhike hiꞌgulu lyazo. Kwokwo, abasirikaani baage banategaanure isiribo zaabo ku muzizi, gira bamùlwise.

Hezekyeri 4:2

Ha nyuma, unayerekane ngiisi kwaꞌbagoma bakoli kasokaniini. Unakazunguluse ibishimo. Unayubake neꞌhishonero hyoꞌkushonera ku nzitiro zaako. Ha butambi lyako, unashinge haꞌmaheema gaꞌbasirikaani, noꞌbuhiri buhamu bwoꞌkuhongola mweꞌnzitiro.

Habakuki 1:10

Ikyanya bali mu gwana utwaya tuzitire, bali mu tushekeereza naaho. Bali mu shekeereza kiri naꞌbaami na baguvuruneeri, iri banabahonyoleza. Yizo nzitiro, bali mu zilunda kwoꞌluvu, lyo balonga ubulyo bwoꞌkuziyingira mwo.

Bukengeeze 20:20

«Haliko, ibindi-bindi biti íbitali neꞌbitumbwe, byohe mwangakizi bitema, munakizi bikoleesa mu kubishendeka ku ngo zaꞌkaaya, halinde kayihongoleke haashi.»