Yeremiya 33:21 - Kifuliiru

²¹ «Na kwakundi, keera nꞌganywana ikihango noꞌmukozi wani Dahudi. Nakyo, kitâye hongolwe. Mukuba, tukalagaana kwo mwiꞌkondo lyage, mugakizi lyoka umundu woꞌkuyima ku kitumbi kyage. Nanashubi nywana ikihango naꞌbagingi ba mwiꞌkondo lya Laawi. Nakyo, kitanâye hongolwe.

Yeremiya 33:21 ပူးပေါင်းရင်းမြစ်များ

2 Samweri 23:5

«Imbaga yani ikola ndegeke imbere lya Rurema. Keera tukanywana ikihango kyeꞌmyaka neꞌmyakuula. Yikyo kihango kiyimaaziri ibiringiini. Agakizi ndanga, na ngizi genduukirwa. Na ngiisi byo ndoziizi, agabimbeereza.

2 Kutondobola 21:7

Kundu kwokwo, Nahano atanasiima ukumúshereeza. Mukuba, âli mali gwanwa alagaania umukozi wage Dahudi, kweꞌbibusi byage byo bigagenderera ukutwala i Yerusaleemu, halinde imyaka neꞌmyakuula.

2 Kutondobola 7:18

lyo ngasikamya ikitumbi kyawe kyoꞌbwami. Mukuba, keera nꞌganywana ikihango na yisho Dahudi, ti: “Utâye bule umwana woꞌkubwatala ku kitumbi kyoꞌbwami bwaꞌBahisiraheeri.”

Zaburi 132:17

Mu yako kaaya, ngayimika mwoꞌmwami wa mwiꞌkondo lya Dahudi. Uyo mwami, nie gamútoola, ninamúsikamye, halinde anakizi ba ngiꞌtara íriyasiri.

Zaburi 89:34

Kundu kwokwo, ndâye leke ukukunda Dahudi, ndanâye múyihindulire ku muhango gwani.

Zaburi 89:36

Keera nꞌgabiika indahiro. Na bwo ndi mweru bweneene, ndangabwira Dahudi ibibeesha.

Hisaaya 55:3

Munyegeere, munanyuvwirize! Ee! Mundegage amatwiri, lyo mulonga ukulama. Nâli mali lagaania Dahudi, kwo ngamúgashaanira. Kwokwo na naawe, tukola tuganywana ikihango kyeꞌmyakuula.

Hisaaya 66:22

Nahano adetaga kwokuno: «Nâye bumbe igulu lihyahya, neꞌkihugo kihyahya. Yibyo byombi, bigaaba biyamiri ho imyaka neꞌmyakuula! Kwo na kwokwo, amaziina giinyu, kiri naꞌbandu ba mu bibusi biinyu, bagaaba bayamiri ho.

Yeremiya 33:18

Na mwiꞌkondo lya Laawi, mwo mugakizi komooka abagingi. Bagakizi yimanga imbere lyani, iri banakizi ndangira amatuulo goꞌkusiriiza, kiri naꞌgandi matuulo.»

Danyeri 7:14

Uyo mwana woꞌmundu, anahaabwa ubushobozi, noꞌbulangashane, noꞌbuhagarusi, gira abandu booshi bakizi múyikumba, baba beꞌmilala yoshi, naꞌbaꞌmahanga gooshi, naꞌbeꞌndeto zooshi. Ubutwali bwage, bugayama ho imyaka neꞌmyakuula! Noꞌbwami bwage, butâye shereezibwe.

Mataayo 24:35

Igulu neꞌkihugo, bigaahera. Haliko amagambo gaani, goohe gatâye here!

Bwigule 5:10

Balya booshi, ukabayegereza mu bwami bwa Rurema witu, babe bagingi boꞌkukizi múkolera, banakizi twala ikihugo.»