Yeremiya 32:20 - Kifuliiru

²⁰ Irya munda i Miisiri, wâli kizi gira ibitangaaza bya kahebuuza. Kiri na buno, uki genderiiri ukubigira mu Bahisiraheeri, kiri na mu mahanga. Kyo kitumiri ukoli menyekiini mu mahanga gooshi.

Yeremiya 32:20 ပူးပေါင်းရင်းမြစ်များ

2 Samweri 7:23

«Mu kihugo kyoshi, banyandi ábali nga bandu baawe Abahisiraheeri? Si ukagendi baguluula mu buja mu kihugo kyeꞌMiisiri, gira babe bandu baawe, kinatume iziina lyawe ligakizi huuzibwa mu mahanga. Ukanagira amagambo gaꞌkahebuuza bweneene, mu kulyosa ibinyamahanga mu bihugo byabo. Wanayimula kiri neꞌmizimu yabo.

1 Kutondobola 17:21

Mu kihugo kyoshi, banyandi ábali nga bandu baawe Abahisiraheeri? Si keera ukatuguluula mu buja i Miisiri, gira tukizi ba bandu baawe! Neꞌkyanya ukatuguluula mu Bamiisiri, wanakizi gira ibitangaaza, mu kutuyimulira igindi milala. Kwokwo, kwo ukayisimbahiisa.

Nehemiya 9:10

Wâli yiji-yiji ngiisi kwaꞌBamiisiri bagweti bagabalibuza. Kyanatuma ugakizi gira ibisoomeza neꞌbitangaaza, imbere lya Faraho weꞌMiisiri, neꞌmbere lyaꞌbakozi baage booshi, neꞌmbere lyaꞌbandu booshi ba mu kihugo kyage. Kwokwo, kwo ukagingika iziina lyawe, linaki gingisirwi halinde zeene.

Nehemiya 9:11

Ikyanya inyaaja yâli koli hangiriiri bashokuluza biitu, emwe, wanagibunduula, banagijabuka ikoli yumiri. Haliko Abamiisiri boohe, ikyanya bakabalandiriza, wanababindikira mwo. Ee! Bakayami mirwa ngiꞌbuye mu kalingi.

Zaburi 135:9

E bandu beꞌMiisiri, Nahano âli kizi gira ibimenyeeso byeꞌbitangaaza mu kihugo kiinyu. Âli kizi bigira imbere lya Faraho, kiri neꞌmbere lyaꞌbatwali baage.

Kulyoka 10:2

Kwokwo, lyo mugayiji ganuulira abaana biinyu, kiri na bijukulu biinyu, ngiisi kwo nâli kizi shekeereza Abamiisiri. Ee! Nâli kizi yerekana ibyereso byeꞌkitangaaza mu kati kaabo. Kwokwo, lyo mugaamenya kwo nie Nahano.»

Kulyoka 3:20

Ikyanya ngahaniiriza ikihugo kyage, ngakoleesa ukuboko kwani kwoꞌbushobozi, mu kukizi gira ibitangaaza bya kwingi-kwingi mu kati kaabo. Ha nyuma, uyo mwami akabuli mùleka mugendage.

Kulyoka 7:3

Na kundu ngakizi yushuula ibyereso byeꞌbitangaaza i Miisiri, si umutima gwoꞌyo mwami, ngagenderera ukuguyumuusa.

Kulyoka 9:16

Na íbikatuma nꞌgakuyimika, gira lyo nyerekana ubushobozi bwani, halinde liꞌziina lyani likizi lumbuuka mu mahanga gooshi.

Hisaaya 63:12

Anali ye wâli kizi rongoora Musa, ku bushobozi bwage bwaꞌkahebuuza, anabera inyaaja imbere lyabo, halinde iziina lyage lyanalumbuuka imyaka neꞌmyakuula.

Hisaaya 63:14

Banaba nga ngaavu íziragiiri mu ndekeera, bwoꞌmutima gwa Nahano gwo gukabaluhuusa.» E Nahano, kwokwo, kwo wâli kizi rongoora abandu baawe, halinde iziina lyawe lyanakizi lumbuuka.

Yeremiya 13:11

«Nga kwoꞌmundu ali mu shweka umukaba mu kibuno, kwo na kwokwo naani nꞌgashweka Abahisiraheeri naꞌBayuda, gira bakizi ba bandu baani. Kwokwo, lyo bamenyekane kwiꞌziina lyani, linakizi yivugwa mu kati koꞌlushaagwa. Halikago, batanandwaza.» Kwokwo, kwo Nahano adesiri.

Danyeri 6:28

Ali mu guluula abandu, anabashwekuule. Ali mu yerekana utulangikizo tweꞌbisoomeza kwiꞌgulu, kiri na mu kihugo. Keera akanakiza Danyeri mu tunwa tweꞌndare.»

Danyeri 9:15

«“E Rurema Nahamwitu! Yaho keera, ukalyosa abandu baawe mu kihugo kyeꞌMiisiri mu kati koꞌbuhagarusi, kyanatuma iziina lyawe ligakizi huuzibwa, halinde zeene. Kundu kwokwo, tukoli yifuuziri mu byaha, tunakoli bihuusiri bweneene.

Mikolezi 7:36

«Ha nyuma, Musa anabarongoora, mu kubalyosa i Miisiri. Akahisa imyaka makumi gana, agweti agayerekana yeꞌbitangaaza bingi. Anakizi bigira ku Nyaaja Ndukula, kiri na mwiꞌshamba.

Bukengeeze 11:3

Batakanayibonera ibisoomeza byo akagira i Miisiri, imwa mwami wayo, kandi iri imwaꞌbandu baage booshi,

Bukengeeze 4:34

«Ka hangayimbwa ugundi úli mu yikumbwa, úkashaaza umulala gwage mu buja bwoꞌgundi mulala? Si ndaaye! Haliko, Nahano, Rurema winyu, yehe akamùgirira kwokwo mu masu giinyu. Âli gweti agalibuza Abamiisiri. Si mwehe, anamùkolera amagambo mahamu ku bukalage bwage. Gali ga kahebuuza, ganasomeziizi bweneene.

Bukengeeze 6:22

Uyo mwami, akamúyogogoza kuguma neꞌmbaga yage, kiri naꞌbandu beꞌkihugo kyage. Emwe! Akatuyereka amagambo gaꞌkahebuuza, ganatuhuumira.

Bukengeeze 7:19

Mukayibonera ngiisi kwo akabayogogoza, ku njira yeꞌbisoomeza. Neꞌkyanya akamùshaaza mu kihugo kyeꞌMiisiri, akayerekana ubushobozi bwage, mu kati koꞌbukalage. Kwo na kwokwo, kwo agakizi shereeza imilala yoshi yo muki yobohiri.