Yeremiya 31:34 - Kifuliiru

³⁴ Ku yizo siku, ndaaye úwâye ki be niꞌgoorwa mbu ayigirize abaabo, kandi iri abatuulani baage, kwo bayige ibya Nahano. Si booshi bagaaba bakoli nyiji, ukulyokera ku batoohiri mwo, halinde ku bakulu. Naani, ngabakoga ibyaha byabo, ndanâye ki bikengeere.»

Yeremiya 31:34 ပူးပေါင်းရင်းမြစ်များ

1 Kutondobola 28:9

«Na naawe, e mugala wani Sulumaani, ukizi yemeera Rurema wa yisho. Unakizi múkolera ku mutima gwawe gwoshi. Unakizi múlooza ku nzaliro zaawe. Mukuba, Nahano ali mu lola ngiisi mundu mu mutima gwage, anakoli yiji neꞌshungi zaage. Iri wangamúlooza, ugamúbona. Haliko, iri wangamújajaaka, naye agakujanda lwoshi-lwoshi.

Zaburi 25:7

E Nahano, kundu nâli kizi huna mu busore bwani, nanakizi yifunda mu byaha, haliko utakizi ki bikengeera. Si uli mwija! Aaho! Ikyanya ugakizi ngengeera, kube naaho mu kati koꞌrukundo lwawe.

Hisaaya 11:9

Mu mugazi gwani mweru, batagaki komeresania, kandi iri kushereezania. Nga kweꞌnyaaja iyijwiri mwaꞌmiiji, kwo na kwokwo, neꞌkihugo kyoshi kigayijula mwaꞌbandu ábakoli yiji Nahano.

Hisaaya 29:24

Haaho, ngiisi ábakoli habusiri, bagashubi tumburukwa. Na kundu bâli kizi yidodomba, haliko leero bagayemeera ukuhanuulwa.»

Hisaaya 30:26

Umwezi gugakizi yaka bweneene ngiꞌzuuba. Niꞌzuuba nalyo, umulengeerwe gwalyo, gugakizi yaka ubugira kalinda, ukuhima izindi siku. Kwokwo kwo bigaaba, ku kyanya Nahano agakizi lunga inguma zaꞌbandu baage. Kundu âli kizi bamotola, haliko agaki baholeeza.

Hisaaya 33:24

Mu batuulaga booshi beꞌYerusaleemu, ndaaye úgashubi deta, mbu: «Ngoli lwaziri!» Mukuba yabo booshi, ibyaha byabo bigaaba keera byakogwa.

Hisaaya 33:6

Mwe bandu beꞌYerusaleemu, Nahano ye lutaliro lwinyu lukomu. Agakizi mùkiza, iri anamùheereza ubwitegeereze, noꞌbumenyi. Iri mwangalonga ubugale, mukwaniini mukizi músimbaha.

Hisaaya 38:17

Kundu njubi yuvwiti umwizingeerwe, we kaguhindula bube buhiirwa. Wanangiza na Narufu, wanashuluguta ibyaha byani inyuma lyawe.

Hisaaya 43:25

Kundu kwokwo, yibyo byaha biinyu, ndi mu bihotola. Ee! Keera nꞌganabikoga, ndanâye ki shubi bikengeera. Mukuba, kwokwo kwo nꞌgashungika nienyene.

Hisaaya 44:22

Amahube giinyu, keera nꞌgagahotola, nga kibungu íkiri mu nyerera mu kyanyaanya. Nanakumuula ibyaha biinyu nga ndara. Aaho! Bwo keera nꞌgamùguluula, mungulikirage.»

Hisaaya 52:6

«Bikaba kwokwo, gira lyaꞌbandu baani balonge ukummenya bwija. Ku yulwo lusiku, bagayiji menya kwo nie gweti ngaadeta. Ee! Ndi nienyene.»

Hisaaya 54:13

Abaana baawe booshi, Nahano yenyene ye gabayigiriza, halinde banakizi longa umutuula bweneene!

Yeremiya 24:7

Ngababiika mweꞌkyedu kyoꞌkumenya kwo nie Nahamwabo. Bagangalukira lwoshi, banabe bandu baani. Naani, na mbe ndi Rurema wabo.

Yeremiya 32:40

Tuganywana ikihango kyeꞌmyaka neꞌmyakuula. Ndanâye ki shubi baheereza ingoto, si ngakizi bagenduusa. Kwokwo lyeꞌmitima yabo ikizi njenguukira, batanaki shubi njanda.

Yeremiya 33:8

Ibyaha byabo byoshi, ngabiyeruusa. Na kundu bâli kizi mbubira, haliko ngaki bakoga.

Yeremiya 50:20

Mu yizo siku, kundu abandu bangalooza ukubona amabi mu kihugo kyeꞌHisiraheeri, batagagabona. Neꞌri bangalooza ukubona ibyaha mu kyeꞌBuyuda, batagabibona. Mukuba, ngaasiga abandu baani bagerwa, na mbakejeerere.» Kwokwo, kwo Nahano adesiri.

Yeremiya 9:23

Umundu, iri angagira mbu ayihaye, akizi yihaya naaho bwo akoli nyiiji, kwo nie Nahano, na kwo ndi mu kizi kundana mu kati koꞌbwemeera, na kwo ndi mu kizi twa imaaja mu kati koꞌkuli. Abandu ábali mu yihaya kwokwo, bo bali mu nzimiisa.» Kwokwo, kwo Nahano adesiri.

Hosheya 2:20

Ku yulwo lusiku, tuganywana ikihango neꞌnyamiishwa, kiri noꞌtunyuni twa mu kyanyaanya, na byoshi íbiri mu yibulula, gira bitaki shubi mùteera. Ngamùsaagiza kiri noꞌmuheto, neꞌngooti, neꞌzindi siribo ziꞌzibo, lyo mulonga ukuramba mu mutuula.

Mika 7:18

Aahago! Hayi ho twangashubi bona ugundi Rurema úkushushiri! Si wehe naaho, we gweti úgakoga ibyaha byaꞌbandu! Ee! Abandu baawe ábasigiiri, utagweti ugakizi loleekeza ibyaha byabo. Utanayamiri ugarakarira abandu baawe halinde imyaka neꞌmyakuula. Haliko, usiimiri ukuyerekana urukundo úlutâye male.

Mika 7:19

Uganashubi tuyuvwirwa indengeerwa. Ibyaha biitu ugabilibata-libata mwiꞌdako lyaꞌmagulu gaawe, ukabuli bilasha mu kalingi keꞌnyaaja.

Habakuki 2:14

Nga kwaꞌmiiji gayijwiri hooshi mu nyaaja, kwo na kwokwo, ubulangashane bwa Nahano bugamenyeekana hooshi mu bandu.

Mataayo 11:27

«Daata, keera akanzikiiriza byoshi. Ndaaye úyiji Umwana, átali Daata yenyene. Ndaanaye úyiji Daata, átali Umwana, na ngiisi yoꞌlya Mwana aloziizi ukumúyereka.

Luka 1:77

unamenyeese abandu baage ngiisi kwo bangakogwa ibyaha byabo, halinde banakizibwe.

Yohana 17:3

«Yubwo bulamu bweꞌmyaka neꞌmyakuula, bwo bwobu: bakumenye, kwo we Rurema nirizina. Bamenye na Yesu Kirisito, ulya ye ukatuma.

Yohana 17:6

«E daata, ukanzikiiriza abandu ba mu kihugo, keera nanakumenyeesa imwabo. Bâli riiri-riiri bandu baawe, wanabanzikiiriza. Nabo, banakizi simbaha amagambo gaawe.

Yohana 6:45

«Mu bitaabo byaꞌbaleevi, muli muyandike kwokuno: “Balya booshi, Rurema yenyene ye gabayigiriza.” Kwokwo, iri abandu bagayuvwiriza amagambo ga Daata, banagayige, baabo bo bali mu yija imwani.

Mikolezi 10:43

«Uyo Yesu, abaleevi booshi bâli mali gwanwa badeta hiꞌgulu lyage, kweꞌri umundu angamúyemeera, agaakogwa ibyaha ku njira yiꞌziina lyage.»

2 Bakorindo 2:10

Kwokwo, ikyanya muli mu kogaga umundu, iri na naani keera namúkoga. Mukuba, iri hangaba hali igambo írikwaniini ukukogwa, ndi mu likoga imbere lya Kirisito hiꞌgulu liinyu.

2 Bakorindo 4:6

Rurema akadeta: «Umulengeerwe, gutanguule mu kihulu!» Ye na yoyo ye katanguula mu mitima yitu. Kwokwo, tukoli yiji hiꞌgulu lyoꞌbulangashane bwage, kwo buli ku malanga ga Kirisito.

Bahefeso 1:7

Uyo Kirisito, ye katuguluula, mu kuyona umuko gwage, halinde twanakogwa ibyaha biitu. Kwokwo, kwo akatubonera ulukogo lwaꞌkahebuuza.

1 Batesaloniki 4:9

Na hiꞌgulu lyoꞌkukunda beene winyu, mutali niꞌgoorwa mbu tushubi mùyandikira kandi. Mukuba, Rurema yenyene, keera akamùyigiriza ngiisi kwo mukwiriiri mukizi kundana.

Baheburaniya 5:12

Mwehe, bwo mutákolaga Bakirisito beꞌsiku nyingi, mutákoli kwiriiri ukuyigiriza Igambo lya Rurema. Si buno, mwenyene mukiri niꞌgoorwa lyoꞌkushubi yigirizibwa gaago-gaago magambo gaꞌbigiriza bali mu tondeerera kwo. Munakiri nga baana boꞌkuyonga, bwo mutashobwiri ukukaaja ibyokulya bikomu!

Baheburaniya 8:11

Hatagaki ba mundu úgayigiriza umutuulani wage, kandi iri mwene wabo, ti: “Umenyage Nahano.” Mukuba, booshi bagaaba bakoli nyiji, ukulyokera ku batoohiri mwo, halinde ku bakulu.

Baheburaniya 8:12

Naꞌmabi go bâli kizi gira, ngagakoga. Neꞌbyaha byabo, ndâye ki bikengeere!»

1 Yohana 2:20

Haliko mwehe, mukoli haabirwi ibyoꞌMutima Mweru. Na kwo mukola mweshi, mukoli yiji ibyoꞌkuli.

1 Yohana 2:27

Haliko mwehe, mukoli haabirwi ibyoꞌMutima Mweru. Binakoli mùyamiri mwo. Kwokwo, mutakiri niꞌgoorwa lyoꞌkuyigirizibwa na mundu yeshi. Mukuba, ibyoꞌMutima Mweru, byo bikola mu mùyigiriza. Na ngiisi byo gugweti gugamùyigiriza, biri byoꞌkuli, bitanali bya bibeesha. Ku yukwo, mukizi gira nga ngiisi kwo keera gukamùyigiriza, munabe muyamiri mu kati ka Kirisito.

1 Yohana 5:20

Tuyiji kwakundi kwoꞌMwana wa Rurema keera akayija, anatuheereza ubumenyi, gira lyo tulonga ukumenya Rurema nirizina. Na buno, tukoli tuuziri mu kati kaage, bwo tukoli tuuziri mu kati koꞌMwana wage Yesu Kirisito. Yehe ye Rurema nirizina. Anali ye ryagagi mwoꞌbulamu bweꞌmyaka neꞌmyakuula.

1 Samweri 2:12

Bagala Heri batâli simbahiri Nahano, si bâli riiri banangora-mabi.