Yeremiya 31:3 - Kifuliiru

³ Yaho kishangi, nie Nahano nꞌgabahulukira kwo, nanababwira: “Nyamiri nimùkuuziri halinde imyaka neꞌmyakuula! Kyo kitumiri ngi genderiiri ukumùkejeerera.

Yeremiya 31:3 ပူးပေါင်းရင်းမြစ်များ

1 Baami 10:9

Nahano Rurema wawe, akizi yivugwa. Mukuba, akakusiima, anakuyimika ube mwami waꞌBahisiraheeri, bwo abakuuziri halinde imyaka neꞌmyakuula. Na íbitumiri akakuyimika, lyo ukizi twala ku njira íkwaniini, inali yoꞌkuli.»

Zaburi 103:17

Si ngiisi ábasimbahiri Nahano, ayamiri abakuuziri, halinde imyaka neꞌmyakuula! Ali mu kizi gira íbikwaniini, halinde ku bibusi byabo byoshi.

Zaburi 25:6

E Nahano, ukengeerage ulukogo lwawe, noꞌrukundo lwawe. Mukuba, byebyo, byo biyamiri ho ukulyokera kare.

Lwimbo Lwija 1:4

Ngwatiraga ku kuboko gira tugendanwe. Tuvwaruke duba. E mwami, undwalage mu kisiika kyawe.» «E mwami, tugweti tugakushambaalira. Urukundo lwawe tugakizi luhuuza ukuhima idivaayi.» «Balya banyere, ndaabyo íbyangababuza kwo batakuvunikire.»

Hisaaya 43:4

Emwe! Yabo bandu bingi, keera nꞌgabatanga, lyo nimùlonge. Mukuba, nimùkuuziri, ninamùsimbahiri. Mwehe, mwe muli neꞌkishingo bweneene imbere lyani.

Hisaaya 45:17

Si Abahisiraheeri boohe, keera Nahano akabakiza halinde imyaka neꞌmyakuula. Batâye ki longe ishoni, batanâye ki teteerwe.

Hisaaya 49:14

Abandu beꞌSayuni bakadeta: «Nahamwitu, si keera akatuyibagira, anatujandirira!»

Hosheya 11:1

«Hisiraheeri, ikyanya âli ki riiri mwana mwanuke, nâli múkuuziri bweneene. Umwana wani, nꞌgamúhamagala kwo alyokage i Miisiri.

Hosheya 11:4

Nâli kizi múrongoora, mu kukizi múgirira bwija. Nanamúkombeera bweneene ku rukundo. Nanamúsaagiza irya ngata mwiꞌgosi lyage. Nanakizi goka, mu kumúheereza byo agaalya.

Malaki 1:2

Nahano adeta kwokuno: «Nyamiri nimùkuuziri! Kundu kwokwo, mugweti mugannakira, ti: “Aahabi! Kutagi kwo utukuuziri?” Naani, ti: “Ulya Hesahu, ka atâli ye mwene wabo Yakobo? Kundu kwokwo, nꞌgakunda Yakobo.

Barumi 8:30

Na bwo Rurema âli mali batoola, anabahamagala. Na bwo akabahamagala, anabaharuura kwo bakoli kwaniini. Na bwo bakoli kwaniini, anababiika na mwoꞌbulangashane bwage.

Barumi 9:13

Biri nga kwo biyandisirwi kwokuno: «Nꞌgakunda Yakobo. Haliko, Hesahu nanamúshomba.»

Bukengeeze 10:15

Yaho kare, akayibiika ku bashokuluza biinyu naaho, anabakunda. Na buno, mweꞌbibusi byabo, keera akamùtoola mu gindi milala. Kwo na kwokwo, bibonekeriiri.

Bukengeeze 33:26

Mu kuyusa, Musa anadeta: «E Yeshuruuni, mu biri mu yikumbwa, ndaaye úli nga Rurema wawe. Ku bushobozi bwage, ali mu yiji kutabaala, mu kubalala ukulyoka mwiꞌgulu. Ashoniri ku bibungu nga mundu úshoniri ku fwarasi.

Bukengeeze 33:3

Ku kasiisa, Nahano akuuziri imilala yaꞌBahisiraheeri, anali mu bakingira. Yabo booshi, bali mu kizi vwagarara mu magulu gaage, gira akizi bayigiriza.

Bukengeeze 4:37

Nahano âli kuuziri bashokuluza biinyu, kyo kitumiri akamùtoola, mweꞌbibusi byabo. Yehe yenyene, ye kamùlyosa mu kihugo kyeꞌMiisiri, ku bushobozi bwage bwaꞌkahebuuza.

2 Timoteyo 1:9

Rurema keera akatukiza, anatuhamagala kwo tube bandu baage beeru. Na íbitumiri agatukiza, kutali mbu bwo twakola bwija. Si bikulikiriini na ngiisi kwo âli mali gwanwa ashungika yenyene. Ikyanya ikihugo kitâli zaazi bumbwa, akalooza ukutubonera ulukogo ku njira ya Yesu Kirisito.

Yakobo 1:18

Ukukulikirana na kwo akashungika, akatugiraga tube baana baage ku njira yiꞌGambo lyage lyoꞌkuli. Kwokwo, lyo tuba ba mbere mu byoshi byo akabumba.

1 Peturu 1:3

Rurema, Yishe wa Nahamwitu Yesu Kirisito, ahuuzibwe! Akatuyereka ulukogo lwage, mu kuzuula Yesu Kirisito mu bafwiri, halinde anatubuta buhyahya. Kwokwo, tukoli ba noꞌmulangaaliro úguyamiri ho.

1 Yohana 4:19

Íbitumiri tukola mu kundana, bwo Rurema ye katee tukunda.