Yeremiya 31:27 - Kifuliiru

²⁷ Nahano adetaga kwokuno: «Ikihugo kyeꞌHisiraheeri neꞌkyaꞌBayuda, mu siku ízigayija, ngashubi biyijuza mwaꞌbandu, kiri na mweꞌbitugwa.

Yeremiya 31:27 ပူးပေါင်းရင်းမြစ်များ

Zaburi 107:41

Kwokwo, ngiisi ábakola mu makuba, ali mu bakiza, anakizi yushuula imbaga zaabo, nga lukuuli lweꞌbibuzi.

Yeremiya 30:19

Ngiisi ábagatuula mwo, bagashubi yimba inyimbo zoꞌbwivuge, iri banabanda akabuuli. Ngaaluza abaana baabo, halinde banaluguuke ngana-ngana! Ngabagingika bweneene, ndaanaye úgashubi banegura.

Hezekyeri 36:10

«E Bahisiraheeri, ngola ngamùluza. Kundu abandu bakahongolerwa utwaya twabo, banashaabuka, haliko yutwo twaya tugashubi yubakululwa.

Hezekyeri 36:11

E migazi! Ngamùluza kwaꞌbandu, kiri neꞌbitugwa. Abandu baani, bagashubi mùtuula mwo, nga kwo byâli riiri yaho kare. Munakizi genduukirwa ukuhima kare. Kwokwo, lyo mugaamenya ku kasiisa, kwo nie Nahano.

Hezekyeri 36:9

Lolagi! Ndi uluhande lwinyu, na ngweti ngamùhahala. Ku yukwo, mugakizi shubi hinga indalo ziinyu, zinashubi byalwa mweꞌmbuto.

Hosheya 2:23

Nahano agweti agaadeta na kwokuno: «Ku yulwo lusiku, ikyanya mugandabaaza, ngamùyitaba. Ngaganuuza igulu, linashuvye mu kumùlungikira invula.

Zakariya 10:9

Kundu nꞌgabashabulira mu mahanga, nga kwoꞌmundu ali mu biba imbuto, halikago bagakizi ngengeera iyo munda bali. Ikyanya bagaaba keera bakira, kuguma naꞌbaana baabo, lyo bagashubi galuka mu kihugo kyabo.

Bukengeeze 30:9

Haaho, mu byoshi byo mugakizi gira, agamùgashaanira, munabute abaana bingi. Ibitugwa biinyu binayolole. Neꞌmbuto ziinyu zinayere. Nahano, Rurema winyu agasiima ukushubi mùgashaanira, nga kwo âli kizi gashaanira bashokuluza biinyu.