Yeremiya 31:21 - Kifuliiru

²¹ «E Bahisiraheeri, irya njira yo mukalenga mwo, mu kulyosibwa mu kihugo kiinyu, mugishakule bwija, munagibiike mwoꞌtulangikizo, gira tukakizi yerekana injira yo mugagaluka mwo. Yutwo twaya twoshi two mukashaaga mwo, mushubi tugalukira mwo.

Yeremiya 31:21 ပူးပေါင်းရင်းမြစ်များ

1 Kutondobola 29:3

«Na bwo nvitiirwi bweneene hiꞌgulu lyeꞌnyumba ya Rurema, ngoli gweti ngatanga inooro, neꞌharija ku byeꞌmwani nienyene. Mukuba, ndoziizi inyumba ya Rurema wani iyubakwe bwija.

2 Kutondobola 11:16

Kundu kwokwo, mu Bahisiraheeri, mwâli ki riiri abandu baguma ábâli shungisiri ukuyikumba Nahano Rurema waꞌBahisiraheeri. Kyanatuma bagakizi kulikira Abalaawi, mu kugenda i Yerusaleemu, gira bagendi tanga amatuulo imwa Nahano Rurema wa bashokuluza baabo.

2 Kutondobola 20:3

Uyo Yehoshafaati, mbu ayuvwe kwokwo, anateerwa neꞌkyoba bweneene, anahuuna Nahano kwo amúrongoore, anamenyeesa Abayuda booshi kwo bayishalise.

Zaburi 62:10

Si abandi booshi, balyagagi nga muuka naaho! Abatwali naꞌbagunda, booshi bali busha ngana. Nga booshi bangaleziibwi ku lugero, umuuka gwo muzito.

Zaburi 84:5

Bahiriirwi ngiisi ábatuuziri mu nyumba yawe. Bayamiri bali mu kuyimbira inyimbo zoꞌbwivuge.

Migani 24:32

Ikyanya nꞌgabona kwokwo, nanayisaliza mu mutima gwani, nanalonga amigirizo.

Hisaaya 48:20

E balya, mulyokage i Babeeri. Mutibitage, mulyoke yo! Munakizi menyeesa umwazi mu kubanda akabuuli, awi yiyi yiyi! Mugumenyeese halinde heꞌkihugo kihekiiri. Mukizi deta: «Nahano keera akaguluula abandu baage, beene Yakobo.»

Hisaaya 57:14

Nahano adetaga kwokuno: «Muvwaruke, mulingaanie injira! Mugishongaanie, halinde abandu baani balonge ukulyoka mu mahanga.»

Hisaaya 62:10

E batuulaga beꞌYerusaleemu, muhuluke mu kaaya! Ee! Muhulukage, mulingaanize abandu biinyu injira, gira bagaluke. Ngiisi áhali ibihomogolo, muhaseemanie. Na áhali amabuye, mugalyosagye. Mubiike irembera, likizi languula abandu ho bagalenga.

Yeremiya 3:12

Aahago! Ugendi babwira kwokuno: “E Bahisiraheeri, si mutali bemeera! Mugirage mungalukire. Ndagaki mùrakarira! Si nyamiri ndi mu kejererana. Niehe, ndaayo nziikira nduulana.”» Kwokwo, kwo Nahano adesiri.

Yeremiya 3:14

Nahano adetaga kwokuno: «E baana bahemu, mugirage mugaluke. Si nie Nahamwinyu! Kundu mushabukiiri mu mahanga, ngagalula babiri-babiri ba mu ngiisi mbaga, na muguma-muguma wa mu ngiisi kaaya. Balya booshi, na mbatwale ku mugazi Sayuni.

Yeremiya 31:4

E Bahisiraheeri! Ngashubi mùyubakulula, halinde munabe kaaya ákalimbiri. Mugashubi yabiira zirya ngoma ziinyu, munagendi shambaalira kuguma naꞌbandi, iri munatamba.

Yeremiya 46:11

E Bamiisiri, kundu mwangazamuukira i Giryadi, mbu mugendi leeta yoꞌmuti gwoꞌkulunga mweꞌnguma, ndaagwo úgwangamùkiza. Mugasigala naaho balwazi.

Yeremiya 50:5

Bagabuuza injira yoꞌkugenda i Sayuni. Neꞌkyanya bagabwirwa, bagayami tondeera ukugenda yo. Tuganywana ikihango twe nabo, batanâye ki kihongole. Ngaaba nie Nahamwabo, halinde imyaka neꞌmyakuula!

Yeremiya 51:50

Mwehe keera mukafuushuka, mutanayitwa. Aaho! Mugirage mulyoke i Babeeri! Mutanaki tindiirize! Kundu mukoli tuuziri i mahanga, mukengeere Nahano, mukengeere naꞌkaaya keꞌYerusaleemu.

Yeremiya 51:6

Ngiisi mundu ashaagage i Babeeri, gira alonge ukuyikiza. Mutasigalage yo, mbu muyitirwe kuguma naꞌbanabyaha. Mukuba, kikola kyanya kyoꞌkubahaniiriza. Ee! Nahano agabahaniiriza, nga ngiisi kwo bibakwiriiri.

Yeremiya 6:16

Nahano adetaga kwokuno: «Muyimange mu mashangaaniza, muloleekeze bwija. Irya njira nyiija ya kare, mubuuze ngiisi ho iri. Ee! Irya njira nyiija, ibe yo mugakizi lenga mwo. Iri mwangagira kwokwo, lyo mugaluhuuka. Haliko, balya bandu banashuvya: “Iyo njira nyiija, twalahira, kwo tutagagikulikira.”

Hezekyeri 40:4

Uyo mundu anambwira kwokuno: «E mwana woꞌmundu, uloleekeze bwija, unayitegeereze. Ngiisi kyoshi kyo ngakuyereka, ukisingule mu mutima. Mukuba, byebyo byo bitumiri waleetwa hano. Aaho! Byoshi byo ugaabona, ukwiriiri ugendi bimenyeesa Abahisiraheeri.»

Hagayi 1:5

«Kwokwo, nie Nahano woꞌbushobozi bwoshi nadetaga kwokuno: “Ngiisi íbigweti bigamùkoleka kwo, mubiyitoneese kwo bwija!

Zakariya 10:9

Kundu nꞌgabashabulira mu mahanga, nga kwoꞌmundu ali mu biba imbuto, halikago bagakizi ngengeera iyo munda bali. Ikyanya bagaaba keera bakira, kuguma naꞌbaana baabo, lyo bagashubi galuka mu kihugo kyabo.

Bukengeeze 32:46

anababwira: «Amagambo gooshi ga mu yizi maaja, keera namùheereza go zeene. Kwokwo, mugasingule bwija mu mitima yinyu. Munagayigirize naꞌbaana biinyu, halinde bakizi gasimbaha gooshi.