Yeremiya 31:15 - Kifuliiru

¹⁵ Nahano adetaga kwokuno: «Mu kaaya keꞌRama, abandu bakola mu bululuka ku kimombo, munali mu yuvwikana uluhanga bweneene! Ee! Laheeri ye gweti úgalirira abaana baage. Atanaloziizi kwo hagire úgamúholeeza, bwo batakiri ho.

Yeremiya 31:15 ပူးပေါင်းရင်းမြစ်များ

Ndondeko 35:19

Iri hakatama, ulya Laheeri, umutima gwanaderuuka, anaziikwa ku njira íri mu genda i Hefurata (yo Betereheemu ku zeene).

Ndondeko 37:35

Uyo Yakobo, bagala baage booshi, kiri na banyere baage, banakizi yiji gira mbu bamúholeeze. Haliko, analahira ukuholeera, anadeta: «Ndeki maashi! Ngagenderera ukugandaara mugala wani, halinde ku kyanya ngamúgwana i kuzimu.» Kwokwo, kwo yishe âli kizi múlirira.

Ndondeko 42:13

Nabo, ti: «Nanga, e waliha! Kundu tulyosiri i Kaanani, haliko tuli bakozi baawe. Tweshi, tukabutwa na daata muguma. Twâli riiri misore ikumi niꞌbiri, haliko umuzibo gwitu, gwasigala na daata. Noꞌgundi mulumuna witu, keera akafwa.»

Ndondeko 42:36

Haaho, Yakobo anabwira bagala baage kwokuno: «Ka muloziizi ukummalira abaana? Yusefu na Simyoni batakiri ho. Na buno mukoli loziizi ukutwala Binyamiini naye. Ala nie! Si yaga malibu gooshi, galyagagi kwiꞌtwe lyani!»

Ndondeko 5:24

Na bwo âli tuuziri neꞌngoome na Rurema, lusiku luguma Rurema anamútwala, atanakiboneka.

Hayubu 7:21

Kituma kiki utangangejeerera ibyaha byani, unayami koga ubuligo bwani? Hinyerere hiniini naaho, ngayifwira, na mbiikwe i kuzimu. Ikyanya ugandooza, ndagaki ba ho.»

Zaburi 37:36

Haliko ha nyuma, iri nꞌgashubi halenga, ndanaki babona. Kundu nꞌgagira mbu nibalooze, batanashubi boneka.

Zaburi 77:2

Ikyanya nâli riiri mu makuba, nâli kizi tabaaza Nahano Rurema. Kwokwo, nanamúlirira kwiꞌzu lihamu. Nanamala ubushigi bwoshi, nimúlambuliiri amaboko gaani. Kundu kwokwo, umutima gwani gwanalahira, mbu gutaholeezibwe.

Hisaaya 10:29

Yabo basirikaani bagataluka ikyambu, babuli deta: «Tugendi shumbika i Geba.» Haaho, abandu beꞌRama bagajuguma neꞌkyoba. Abatuulaga beꞌGibeya, imwabo Sahuli, bagatibita.

Hisaaya 22:4

Kwokwo, namùbwira: «Abandu baani keera bakashereezibwa. Aahago! Mundeke ngana ndee balirira ku kimombo. Mutandwaze! Mutanagire mbu mumboleeze.»

Yeremiya 10:20

Iheema lyani, abagoma keera balishikula. Neꞌmigozi yalyo, yoshi keera yaduuduka. Bagala baani, keera banjanda ngana, banayigendera. Yiryo iheema, ndaakiye woꞌkulinjingira, mbu njubi yingira mwo.»

Yeremiya 40:1

Uyo Nebuzaradani, umukulu waꞌbasirikaani ba mwami, anagwana Yeremiya i Rama, ashwesirwi iminyororo kuguma naꞌbandi bandu beꞌYerusaleemu naꞌbeꞌBuyuda, kwo batwalwe imbohe i Babeeri. Kwokwo, anamúshwekuuza. Ha nyuma, Yeremiya analonga igambo imwa Nahano.

Kimombo 5:7

Ala twe! Bashokuluza biitu, bo bâli kizi yifunda mu byaha. Na bwo batakiri ho, twe tukolaga mu bibetuzibwa.

Hezekyeri 2:10

Mwene kyo, anakibunguula mu masu gaani, nanabona kwo kyâli yandisirwi mwaꞌmagambo geꞌkimombo, na gaꞌmalira, na goꞌruhombo. Yibyo byoshi, byâli yandisirwi imbande zombi.

Yoshwa 18:25

Hâli naꞌkaaya keꞌGibyoni, naꞌkeꞌRama, naꞌkeꞌBerooti,

Batwi beꞌmaaja 4:5

Deboora âli komiiri ukutwira imaaja mwiꞌdako lyeꞌkigazi, íkyâli riiri ha kati kaꞌkaaya keꞌRama naꞌkeꞌBeteeri, mu migazi yeꞌHifurahimu. Yaho, haꞌBahisiraheeri bâli kizi múgwana, gira abahambuule.

1 Samweri 7:17

Ha nyuma, anakizi galukira imwage i Rama. Na yaho kwakundi, âli kizi twa heꞌmaaja zaꞌBahisiraheeri, anahayubaka akatanda ka Nahano.