Yeremiya 31:12 - Kifuliiru

¹² Bagataaha bagweti bagayimba ku kisegengo ku mugazi Sayuni. «Ngabaheereza ingano, neꞌdivaayi, naꞌmavuta, neꞌbibuzi, kiri neꞌngaavu. Yibyo byoshi, ikyanya ngabaheereza byo, imitima igashenguuka neꞌbimwemwe. Bagaaba nga ndalo yo bali mu nywisa, batanâye ki libuzibwe.

Yeremiya 31:12 ပူးပေါင်းရင်းမြစ်များ

Zaburi 130:4

Kundu kwokwo, ukiri mu kogana. Ku yukwo, ukwaniini ukizi simbahwa.

Hisaaya 1:30

Buno, mukola mugaaba ngeꞌkiti kyoꞌmwalooni keera íkyashooshoka, munabe nga ndalo ítakiri mu nywisibwa.

Hisaaya 35:10

Ee! Iyo njira, ngiisi bo Nahano agaaba keera akiza, bo bagagigaluka mwo, banayiji yingira mu kaaya keꞌSayuni, bagweti bagayimba ku bushambaale. Bagakizi ba naꞌmalega, halinde imyaka neꞌmyakuula, mu kati koꞌbushambaale. Umwizingeerwe neꞌkimombo, bigaaba keera byamala lwoshi-lwoshi.

Hisaaya 51:11

E Nahano! Bwo ukaguluula abandu baawe, bagaki galuka i Yerusaleemu, bagweti bagatamba-tamba ku kisegengo. Emwe! Bagaaba bashambiiri imyaka neꞌmyakuula! Umwizingeerwe neꞌkimombo, bigaaba keera byamala lwoshi. Amalanga gaabo gagaaba gakoli yijwiri ibimwemwe.

Hisaaya 52:8

Yuvwagwi! Abalaliizi baawe bali mu berangira, iri banabanda akabuuli, awi yiyi yiyi! Ikyanya Nahano agagalukira i Sayuni, bagamúyibonera masu ku gandi.

Hisaaya 58:11

Nie Nahano ngakizi mùrongoora. Kundu mwangaba mutuuziri ku luumagu, ngakizi mùkania indege. Mugaaba nga ndalo yo bali mu vwomerera, munabe nga shyoko yaꞌmiiji ágatâye kame.

Hisaaya 60:20

Izuuba litâye ki mùsookere. Kiri na bushigi, umwezi gutâye ki fwifwitire. Mukuba, Nahano yenyene, ye gakizi mùtanguulira imyaka neꞌmyakuula! Kinatume ukujengeerwa kwinyu kugaamala lwoshi-lwoshi.

Hisaaya 65:19

Kiri na naani, ngashambaalira akaaya keꞌYerusaleemu. Ngashambaala ngana hiꞌgulu lyaꞌbandu baani. «Mutâye ki yuvwikane ikimombo, kandi iri kigongeero.

Yeremiya 3:14

Nahano adetaga kwokuno: «E baana bahemu, mugirage mugaluke. Si nie Nahamwinyu! Kundu mushabukiiri mu mahanga, ngagalula babiri-babiri ba mu ngiisi mbaga, na muguma-muguma wa mu ngiisi kaaya. Balya booshi, na mbatwale ku mugazi Sayuni.

Yeremiya 31:24

«Abayuda bagakizi tuulanwa mu kihugo kyabo, na mu twaya twamwo. Ee! Abalimi bagatuulanwa bwija kuguma naꞌbangere.

Yeremiya 31:25

Ngiisi ábakoli luhiri, ngakizi bahembulula. Na ábakoli vunisiri indege, ngashubi basikamya.

Yeremiya 31:4

E Bahisiraheeri! Ngashubi mùyubakulula, halinde munabe kaaya ákalimbiri. Mugashubi yabiira zirya ngoma ziinyu, munagendi shambaalira kuguma naꞌbandi, iri munatamba.

Yeremiya 31:6

Mu yizo siku, abalaliizi bagakizi yimanga mu migazi ya Hifurahimu, banatange ikitambira, ti: E balya! Mugire tuzamuukire ku mugazi Sayuni, gira tugendi yikumba Rurema Nahamwitu.”»

Yeremiya 31:7

Nahano adetaga kwokuno: «Mushambaale, munakizi yimba hiꞌgulu lyaꞌBahisiraheeri. Munakizi babandira akabuuli, bwo bakoli himiri ibinyamahanga byoshi. Mukizi balumbiisa, iri munabahuuza kwokuno: “E Nahano! Ukizagye abandu baawe, balya ábasigiiri mu Bahisiraheeri!”

Yeremiya 32:15

Mukuba, Nahano woꞌbushobozi, Rurema waꞌBahisiraheeri, adetaga na kwokuno: Mu kino kihugo, abandu bâye ki shubi gula mweꞌnyumba, kiri neꞌndalo zeꞌmizabibu, kuguma neꞌzindi ndalo.”

Yeremiya 33:12

Nahano woꞌbushobozi bwoshi agweti agaadeta na kwokuno: «Kino kihugo, kikiryagagi mushaka, buzira bandu, kandi iri bitugwa. Kundu kwokwo, abangere bâye kibe naꞌhandu haabo ho bagakizi ragirira ibitugwa.

Yeremiya 33:13

Yabo bangere, bagakizi gendi tanduula ibitugwa byabo mu twaya twa mu migazi, na mu twa mu ndekeera, na mu twa mwiꞌshamba lyeꞌNegebu, na mu kihugo kya Binyamiini, na mu twaya útuyegeriiri i Yerusaleemu, na mu tweꞌBuyuda.» Kwokwo, kwo Nahano adesiri.

Hezekyeri 17:23

Ee! Ngahishinga mu kihugo kyeꞌHisiraheeri. Ha nyuma, higayasa, hinatongeke kweꞌbitumbwe, kinayiji ba kiti kiija kyoꞌmwerezi. Haaho, utunyuni tweꞌmilala yoshi tunayiji yubakira ingisha ku matavi gaakyo, tunakizi yegama mu kimbehwa.

Hezekyeri 20:40

E Bahisiraheeri! Mweshi, mwâye gendi ngolera ku mugazi gwani mweru, gulya mugazi gwaꞌBahisiraheeri. Kwokwo, kwo nie Rurema Nahamwinyu ndesiri. «Ku yugwo mugazi, ho nâye mùyakiirire. Ho nganalinda kwo mundeetere amatuulo giinyu gooshi, ngiisi ágakwaniini, ganabe mataluule.

Hezekyeri 34:14

Ngakizi bisholera mu ndagiriro nyiija za ku marango geꞌHisiraheeri, hanabe ho bigakizi gwejera. Yaho handu hiija, bigakizi halongera ibyokulya biija.

Hezekyeri 36:30

Si ngakizi yeza imimbu mu ndalo ziinyu, gira ibinyamahanga bitaki shubi mùshembuula, mbu muli banamwena.

Hosheya 3:5

Si ha nyuma, Abahisiraheeri bagagalukira Rurema Nahamwabo, banashubi kizi múkulikira. Bagayiji yibiika na ku mwami, wa mwiꞌkondo lya Dahudi. Ee! Mu siku ízigayija, bagagalukira Nahano, iri banakizi juguma imbere lyage. Nahano anakizi bagashaanira.

Hagayi 2:19

Birya bihinda biinyu byeꞌngano, ka bitali peperege? Kiri neꞌrya mizabibu, neꞌrya mitiini, na galya makomamanga, neꞌrya mizehituuni, nabyo byafunyaala. Kundu kwokwo, ukulyokera zeene, ngola ngakizi mùgashaanira.»

Zakariya 8:12

«Buno, mukolaga mugashubi byala imbuto mu kati koꞌmutuula. Invula igashubi nia, halinde imizabibu inashubi tongeka ku bwingi. Ee ma! Idaho ligashubi yeza. Iyo migashani yoshi, abandu baani ábakoli sigiiri, bagaki gibona.

Yohana 16:22

«Kwokwo, na niinyu buno, mukiri noꞌmwizingeerwe. Halikago ha nyuma, ngashubi yiji mùbona. Haaho, lyo mugashambaala. Yugwo mushambaalo gwinyu, ndaaye mundu úwangamùlyokeza gwo.

Barumi 2:4

Si Rurema, agweti agakugirira bwija mu kukizi kugooyera ku bwigenderezi bwoshi. Kundu kwokwo, utamútwaziizi! Aahago! Ka utayiji kwoꞌbwija bwage, bwo bwangatuma ugatwikira ku byaha byawe?

Bwigule 21:4

Imigenge yoshi, kundu igakereka mu masu gaabo, agagihotola. Hatagaki ba ulufu, kandi iri ikigandaaro, kandi iri amalira, kandi iri ubulyanirwe. Mukuba, ibya keera byoshi, bigaaba keera byalenga.»

Bwigule 7:17

Mukuba, kirya Kyanabuzi, ngiisi kwo kiri ha kati keꞌkitumbi kya Rurema, kyo kigakizi baragira. Kinakizi barongoora ha shyoko zaꞌmiiji goꞌbulamu. Imigenge yoshi íkeresiri mu masu gaabo, Rurema agagihotola.»