Yeremiya 31:10 - Kifuliiru

¹⁰ Mwe binyamahanga! Yuvwagwi ngiisi kwo Nahano atubwira. Iyo ndumwa yage, mukizi gimenyeesa mu batuuziri hala, ha butambi lyeꞌnyaaja. Mukizi babwira: «Kundu Nahano akashabulira Abahisiraheeri mu mahanga, halikago buno, akola agashubi bakuumania. Agakizi bakuya-kuya, nga kwoꞌmungere ali mu kuya-kuya ibibuzi byage.»

Yeremiya 31:10 ပူးပေါင်းရင်းမြစ်များ

Ndondeko 10:5

Mu yabo baana ba Yavaani, mwo mukalyoka abandu ábakashabukira mu tulira, ngiisi bandu mu kihugo kyabo, ukukulikirana naꞌmakondo gaabo, neꞌndeto zaabo, neꞌmilala yabo.

Zaburi 147:2

Ikyanya Abahisiraheeri bakaba keera bashaabuka mu mahanga, Nahano anabakuumania, gira bahunguuke. Kiri naꞌkaaya kaabo keꞌYerusaleemu, anakashakuulula.

Zaburi 23:1

Izaburi ya Dahudi. Nahano ye mungere wani, ndaakyo kindu nganiihirwa kwo.

Zaburi 72:10

Abaami beꞌTarasisi naꞌba mu tulira, bagakizi múramburira. Abaami beꞌSheeba naꞌbeꞌSeeba, bakizi múleetera amatuulo.

Migani 27:23

Ibitugwa byawe, ukizi menya ngiisi kwo biri. Ee! Ukizi bikuya-kuya.

Hisaaya 24:14

Kundu kwokwo, ngiisi ábasigiiri bagweti bagabanda akabuuli, awi yiyi yiyi! Ábakola imuga, bagweti bagahuuza iziina lya Nahano.

Hisaaya 27:12

Kundu kwokwo, ku yikyo kyanya, Nahano agatondeera ukukuumania abandu baage, muguma-muguma, nga kwo bali mu hulumula ingano. Balya bandu, bagalyokera ku lwiji Hefuraati, halinde ku lubibi lweꞌMiisiri.

Hisaaya 40:1

Rurema winyu adetaga: «Mukizi holeeza abandu baani. Ee! Mukizi baholeeza.

Hisaaya 40:11

Balya bandu baage, ali mu balanga, nga kwoꞌmungere ali mu langa ulukuuli lweꞌbibuzi. Ali mu kizi batengetera mu maboko gaage. Bali nga byanabuzi, bwo batuuziri hoofi-hoofi noꞌmutima gwage. Ngiisi ibibuzi íbikiri mu yoza, ali mu birongoora ku butuudu.

Hisaaya 41:1

Nahano adetaga kwokuno: «E binyamahanga, muhulike imbere lyani, munanyuvwirize. Muyihe ikise, iri munanyegeera, gira tubuulane. Kwokwo, ha kati kiitu, lyo tumenyaga ngiisi úkwaniini.

Hisaaya 42:10

Mukizi yimbiraga Nahano ulwimbo luhyahya! Mukizi múyimbira lwo, hooshi mu kihugo. Mukizi múyimbira, mwe muli mu balama mu nyaaja, na mwe biremwa íbiziri mwo. Mukizi múyimbira, mwe bandu ábatuuziri mu mbeka zeꞌkihugo.

Hisaaya 42:4

Atâye vunike umutima, atanâye hebuure. Agayitanga, halinde abandu booshi balonge íbikwaniini. Kwokwo, ikyanya agayigiriza, ibinyamahanga bigakizi biika amagambo gaage kwoꞌmulangaaliro.

Hisaaya 48:20

E balya, mulyokage i Babeeri. Mutibitage, mulyoke yo! Munakizi menyeesa umwazi mu kubanda akabuuli, awi yiyi yiyi! Mugumenyeese halinde heꞌkihugo kihekiiri. Mukizi deta: «Nahano keera akaguluula abandu baage, beene Yakobo.»

Hisaaya 54:7

Yikyo kyanya nꞌgakujanda, zâli riiri siku ngerwa naaho. Halikago ngola ngashubi kugalula, bwo ndi munandengeerwa bweneene.

Hisaaya 60:9

Abandu ba mu tulira, nie babiisiri kwoꞌmulangaaliro. Amashuba ukulyoka i Tarasisi gagatee yija gaheesiri abaana biinyu, kuguma neꞌharija zaabo neꞌnooro. Kwokwo, kwo bagagingika Rurema Nahamwinyu, bwo ali Mutaluule waꞌBahisiraheeri. Niinyu, Rurema agweti agamùgingika.

Hisaaya 66:19

Baguma baabo, ngabagira mweꞌkisoomeza. Na ngiisi ábagaaba basigiiri, ngabatwala zibe ndumwa mu binyamahanga. Ngaatuma baguma i Tarasisi, naꞌbandi i Puuti, naꞌbandi i Luudi, heꞌbikalage biri mu fwora imiheto. Abandi banagende i Tubaali, naꞌbandi i Bugiriki, naꞌbandi mu gandi mahanga. Mukuba, iyo munda, abandu batazindi yuvwa imyazi yani, kandi iri ukubona ibitangaaza byani. Kwokwo, bagakizi gendi yereka ibinyamahanga ubulangashane bwani.

Yeremiya 25:22

naꞌbaami booshi beꞌTiiro, naꞌbeꞌSidooni, naꞌbaami beꞌkihugo íkiri i kajabo keꞌNyaaja Mediterane,

Yeremiya 3:15

«Haaho, ngamùheereza abimangizi bahyahya, banabe banzimisiizi. Bagaaba benge, banabe basobanukiirwi bwija.»

Yeremiya 50:17

«Abahisiraheeri balyagagi nga bibuzi. Indare zigweti zigabahiiva, iri zinabashaabula. Ubwa mbere, bakashaabulwa na mwami weꞌHasuriya. Noꞌbuzinda, mwami Nebukandeneza weꞌBabeeri, ye kabavungula amavuha.»

Yeremiya 50:19

Ha nyuma, na ngalulire Abahisiraheeri mu kihugo kyabo. Bagakizi lya imimbu ukulyoka ku mugazi Karimeeri, na ku Bashaani, kiri neꞌbya mu migazi ya Hifurahimu neꞌGiryadi.

Hezekyeri 11:16

«Kwokwo, balya ábakatwalwa hala i mahanga, ugendi babwira kwokuno: “Nienyene, nie kamùshabulira mu mahanga. Kundu kwokwo, iyo munda muli, tugaaba tuyamiinwi, na mbe nga nyumba ya Nahano mu kati kiinyu.”

Hezekyeri 20:34

Ku bwobwo bushobozi bwaꞌkahebuuza, na ku buraakari, ngamùlyosa mu mahanga. Nganashubi mùkuumania ukulyoka mu bihugo byo mwâli shabukiiri mwo,

Hezekyeri 34:12

Nga ngiisi kwoꞌmungere ali mu hahalira ibibuzi byage ku kyanya ali mu bilanga, kwo na naani ngakizi hahalira ibibuzi byani. Kundu ibibungu byangazinga, neꞌkihulu kinayidike bweneene, ibibuzi binashaabuke, haliko ngashubi bikuumania, na ngizi bihahalira.

Hezekyeri 37:24

«Umukozi wani Dahudi ye gaaba mwami wabo, banabe bahiiti umungere muguma naaho. Bagakizi simbaha imaaja zaani, iri banatuula nga ngiisi kwo nꞌgababwira.

Hezekyeri 5:10

«Abaviire bagakizi lya abaana baabo. Abaana nabo, bagakizi lya ababusi baabo. Ngiisi ábagafuushuka ulufu, ngabashabulira mu mahanga gooshi.

Hezekyeri 5:2

Kwokwo, isiku zoꞌkuteera i Yerusaleemu, ikyanya zigaaba keera zamala, unayokere umuteeko muguma gwoꞌmushaku ha kati kaꞌkaaya. Ugundi muteeko, unagulengane-lengane mu kaaya, iri unagushulika-shulika neꞌngooti. Noꞌmuzinda, uguyehuule neꞌmbuusi. Mukuba ngashaabula abandu baani ku njira yeꞌngooti.

Danyeri 11:18

«“Ha nyuma, anateere agandi mahanga ágali ku ngombe yeꞌnyaaja, anahime amingi gaago. Kinatume agayikangaata. Kundu kwokwo, ikirongoozi kiguma kyaꞌbasirikaani kigamúhima, halinde anagaluke neꞌshoni.

Balaawi 26:33

Ngamùshabulira mu mahanga. Na nyiji mùminika ku ngooti. Utwaya twinyu, tugahongolwa, halinde ikihugo kiinyu, kinasigale kimaata.

Mika 2:12

«E bandu ba Yakobo, mwe musigiiri, ngamùkuumania kuguma. Ee! Ngamùkuumania, munabeere mu lugo nga bibuzi, munabe nga bitugwa íbiragiiri mu ndagiriro. Ikihugo kiinyu kigashubi yijula mwaꞌbandu bingi.

Mika 4:6

Nahano adetaga kwokuno: «Ku yikyo kyanya, nâye kuumanie ibirema. Na ngiisi ábakayimulwa, kundu nienyene nꞌgabayingiza mu makuba, haliko ngashubi bakuumania.

Mika 5:4

anakizi bileeta mwoꞌmutuula. Abahasuriya bagayiji teera ikihugo kiitu, banakizi libata ku nyumba ziitu mbamu. Kinatume tugabiika abatwali balinda, bakizi tulanga. Ee! Ibirongoozi munaana, byo bigaturongoora.

Sefaniya 2:11

Kwokwo, agababiika mweꞌkyoba bweneene, anashereeze imizimu yoshi mu kihugo kyabo. Abandu baꞌmahanga gooshi bagakizi yikumba Nahano, ngiisi bandu mu kihugo kyabo.

Sefaniya 3:19

Abandu booshi ábâli gweti bagakizi mùvindagaza, ku yikyo kyanya, ngabahana ngana! Ee! Ngiisi ábalemahiri, ngabakiza. Na ábakayimulwa, ngashubi bakuumania. Na ngiisi ábâli teziibwi ishoni, ngabagingika, halinde ubwivuge bwabo bunalumbuuke mu bihugo byoshi.

Zakariya 10:8

Yabo bandu baani, ikyanya ngabahamagala, bagayija bandibitiiri, bwo keera nꞌgabaguluula. Kundu bakiri bagerwa naaho, si bagashubi luguuka, nga kwo bâli luguusiri kare.

Zakariya 2:6

Nanamúbuuza: «Ewe! Ugweti ugagenda hayi?» Na wa naye, ti: «Ngweti ngagenda mu kaaya keꞌYerusaleemu, gira ngendi kagera ubula-bula naꞌmatambi.»

Zakariya 9:16

Ku yikyo kyanya, Rurema Nahamwabo agaakiza abandu baage, nga kwoꞌmungere agweti agaakiza ibibuzi byage. Nabo, banalangashane mu kihugo, nga mabuye geꞌkishingo go bakalimbiisa mwoꞌlushembe.

Luka 12:32

«Mutakizi yoboha, kundu mulyagagi kikembere kiniini. Mukuba, mwehe, yisho úli mwiꞌgulu akasiima ukumùheereza ubwami bwage.

Yohana 10:27

Ibibuzi byani, mbiyiji-yiji. Biri mu nyuvwiriza, binali mu ngulikira.

Yohana 11:52

Kutanali hiꞌgulu lyaꞌBayahudi naaho. Haliko na hiꞌgulu lyaꞌbandi bandu ba Rurema ba mu gindi milala ábashabukiiri mu mahanga. Kwokwo, lyo booshi, abakuumania, babe bo baguma.

Bukengeeze 30:4

«Kundu mwangaba mukatwalwa ku mbeka yeꞌkihugo, Nahano, Rurema winyu agagendi mùlooza, anamùlyose yo.

Bukengeeze 32:26

«“Nâli desiri kwo ngabaminika lwoshi-lwoshi, halinde bataki kengeerwe mu kihugo.