Yeremiya 31:1 - Kifuliiru

¹ Nahano adetaga kwokuno: «Ku yikyo kyanya, ngaaba nie Rurema weꞌmilala yoshi yaꞌBahisiraheeri. Nabo, banabe bo bandu baani.»

Yeremiya 31:1 ပူးပေါင်းရင်းမြစ်များ

2 Samweri 7:24

«Haliko balya Bahisiraheeri boohe, wanabasikamya, halinde babe bandu baawe imyaka neꞌmyakuula. E Nahano, we kaba Rurema wabo.

Zaburi 144:15

Bahiriirwi, ngiisi bo Rurema agashaniiri kwokwo. Banahiriirwi, ngiisi bo Rurema ali Nahamwabo.

Zaburi 48:14

Mukizi loleekeza ngiisi kwo bisikamiri. Na kwakundi, munakizi yitegeereza neꞌnzitiro zaako. Kwokwo, lyo mulonga ukuganuulira ábagaki yiji butwa kwokuno:

Hisaaya 20:6

«Kinatume yabo Bafirisiti bagatulagula, ti: “Ala twe! Balya Bamiisiri, kundu twâli babiisiri kwoꞌmulangaaliro, mbu batukize mu maboko ga mwami weꞌHasuriya, si keera bayogogozibwa! Aaho! Kutagi kwo tugaki kizibwa?”»

Hisaaya 41:10

Aaho! Bwo nyamiri tutuliinwi, mutakizi yoboha. Ndi Rurema winyu! Ku yukwo, mutashenguke. Ngakizi mùkania, iri ninamùtabaala. Ninamùsikamye, mu kukoleesa ubushobozi bwani.

Yeremiya 23:6

Mu butwali bwage, lyeꞌkihugo kyeꞌBuyuda kigakizibwa, halinde umunyerere gunatoole mwo. Uyo mwami agakizi buuzibwa Nahano ye Lukiza Witu.

Yeremiya 3:18

Mu yizo siku, Abayuda baganywana naꞌBahisiraheeri. Booshi banalyokage mu kihugo íkiri imbembe, banagalukire mu kihugo kyo nꞌgaheereza bashokuluza baabo.»

Yeremiya 30:10

«E beene Yakobo, muli bakozi baani! Ku yukwo, mutayobohe. E Bahisiraheeri! Mutavunike indege.» Kwokwo, kwo Nahano adesiri. «Ngamùlyosagya mu buja i mahanga. Kiri naꞌbaana biinyu, bagalyoka yo. Beene Yakobo bagashubi tuula ku butoge, mu kati koꞌmutuula. Ndaanaye mugoma úgashubi bateera ikyoba.

Yeremiya 30:22

«Kwokwo, mugashubi ba bandu baani, naani na mbe nie Rurema winyu.»

Yeremiya 30:24

Bulya buraakari bwage, butaganahooha, átazi yusa ukugira byoshi byo keera ashungika. Yibyo byoshi, mwâye bisobanukirwe mu siku ízigayija.

Yeremiya 30:3

Mukuba, abandu baani Abahisiraheeri, mu siku ízigayija, ngabalyosa mu mbohe, bali kuguma naꞌBayuda booshi. Na njubi baheereza ikihugo kyo nâli mali gwanwa naheereza bashokuluza baabo. Baabo, bo bagashubi kihyana.» Kwokwo, kwo Nahano adesiri.

Yeremiya 31:33

Nahano ashubi detaga kwokuno: «Ku yikyo kyanya, ikihango kyo nganywana naꞌBahisiraheeri, kyo kyekino: Imaaja zaani, ngola ngaziyandika mu menge gaabo, na mu mitima yabo. Ngaaba Rurema wabo. Nabo, banabe bandu baani.

Yeremiya 32:38

Abahisiraheeri naꞌBayuda bo bagaaba bandu baani, naani na mbe Rurema wabo.

Yeremiya 33:14

Nahano ashubi detaga kwokuno: «Mu siku ízigayija, yibyo nalagaania Abahisiraheeri naꞌBayuda, ngabikola.

Yeremiya 33:7

Ee! Balya Bayuda naꞌBahisiraheeri, kundu bâli twazirwi imbohe, ngashubi bagalula. Na njubi basikamya, halinde banabe nga kwo bâli tuula kare.

Yeremiya 50:4

Nahano Rurema, adetaga kwokuno: «Ku yikyo kyanya, Abahisiraheeri naꞌBayuda bagayija bali mu ndooza, iri banalira bweneene.

Hezekyeri 11:20

Mugakizi simbaha imaaja zaani, naꞌmahano gaani. Munabe muli bandu baani, naani na mbe nie Rurema winyu.

Hezekyeri 34:24

Nie Nahano, kwokwo, ngaaba Rurema wabo. Noꞌmukozi wani Dahudi, agaaba kirongoozi kyabo. Kwokwo, kwo nie Nahano ndesiri.

Hezekyeri 34:31

«“Mwe bandu baani, munali bibuzi byani. Ngweti ngamùhahalira. Na ndi nie Rurema winyu Kwokwo, kwo nie Rurema Nahamwinyu ndesiri.”»

Hezekyeri 36:28

«Kirya kihugo kyo nꞌgaheereza bashokuluza biinyu, niinyu mugakizi kituula mwo. Mwehe, mugaaba bandu baani. Naani ngaaba nie Rurema winyu.

Hezekyeri 39:22

Ukulyokera ku yikyo kyanya, Abahisiraheeri bagaamenya ku kasiisa kwo nie Nahano Rurema wabo.

Hezekyeri 39:25

«Haliko, nie Rurema Nahamwinyu nadetaga kwokuno: Buno, ngola ngashubi kejeerera Abahisiraheeri, na mbalyose mu buja. Kwokwo, liꞌziina lyani lyeru lilonge ukukizi gingikwa.

Balaawi 26:12

Ngakizi mùzaatira-zaatira. Nie ngaaba Rurema winyu. Niinyu munabe bandu baani.

Zakariya 13:9

Yabo ábagaaba bakoli sigiiri, ngabaleeza mu muliro, halinde banayeruuke. Ikyanya ngabayeruusa mu muliro, kugaaba nga kuyeruusa inooro neꞌharija. Ikyanya bagaaba bakola beeru, bagandabaaza, naani na mbashuvye. Ngaadeta, ti: “Bandu baani, yaba!” Nabo, ti: “Nahano, ye Rurema witu!”»

Yohana 20:17

Yesu anamúbwira: «Utagire mbu umbume kwo! Mukuba, ndazi galukira mwiꞌgulu imwa Daata. Haliko, utee gendi bwira beene witu kwo ngola ngagalukira yo. Uyo Daata, ye na Yisho. Ye Rurema wani, anali ye Rurema winyu.»

2 Bakorindo 6:16

Inyumba ya Rurema úli mugumaana, ka yangagira mbu ihuugize kuguma neꞌmigisi? Neꞌyo nyumba yage, twe twehe! Biryagagi nga kwo Rurema yenyene adesiri kwokuno: «Ngatuula mu kati kaabo, na ngizi balenga-lenga mwo. Na mbe Rurema wabo. Nabo banabe bandu baani.»

Baheburaniya 12:16

Hatanagirage úgakizi sambana. Hatanagire úgaaba agayiriziizi Rurema. Si Hesahu akagayiriza Rurema, mu kuguliisa ubugashaane bwage bweꞌfula ku byokulya byeꞌliguma naaho.