Yeremiya 30:5 - Kifuliiru

⁵ «Keera tukayuvwa ngiisi kwo mugweti mugabanda akashiba, ku kyoba. Mukoli humiirwi. Noꞌmutuula, ndaagwo!

Yeremiya 30:5 ပူးပေါင်းရင်းမြစ်များ

Hisaaya 5:30

Yulwo lusiku, bagalundumira abagoma, nga midunda ígweti igayibirindula mu nyaaja. Hooshi mu kihugo, abandu bagaabona ikihulu naaho naꞌmalibu. Umulengeerwe gugayidika mweꞌkibungu.

Hisaaya 59:11

Tweshi tugweti tugalunduma nga dubu ízishalisiri, tunali mu gongeera nga ngunde. Kundu tulangaliiri kwo Rurema agakoleesa ibyoꞌkuli ha kati kiitu, shoobe! Na kundu tuki lindiiri kwo atukize, halikago anatuyisunga hala.

Yeremiya 12:12

«Hooshi ku marango, abasirikaani bakola mu yiji shahula ibindu. Yabo basirikaani, nienyene nie kabatumira, gira bashereeze ikihugo kyoshi, ndaanaye mundu úgakituula mwo ku butoge.

Yeremiya 25:36

Nayuvwa ngiisi kweꞌbirongoozi bigweti bigayamiza. Bakola mu bululuka, bwo Nahano agweti agashereeza indagiriro zaabo.

Yeremiya 30:4

Yabo Bahisiraheeri, kiri naꞌBayuda, Nahano ashubi detaga hiꞌgulu lyabo kwokuno:

Yeremiya 46:5

«Aahago! Biki byo mbwini? Si abasirikaani beꞌMiisiri bakoli humiirwi! Keera bahimwa, banakolaga mu tibita. Kiri neꞌbikalage byabo, bikola mu puumuka, buzira kukebaanuka. Iri bali mu gira mbu balangiize ngiisi luhande, banateerwe neꞌkyoba.

Yeremiya 6:22

Nahano adetaga kwokuno: «Langiizi! Abasirikaani bakola mu lyoka imbande zeꞌmbembe. Bali mulala úguhimbiri, banalyosiri mu mbeka zeꞌkihugo.

Yeremiya 6:26

Nahano adetaga kwokuno: «E bandu baani, muyambale amasuuzu, munayivuruguuze mu munyota-kiiko. Mubululuke nga úwafwirwa noꞌmwana weꞌkininga. Mukuba, masaasa atabukwa, umushereeza akola agayija.

Yeremiya 8:16

Yuvwagwi ngiisi kweꞌfwarasi zaꞌbagoma zigweti zigafuura iriira munda imbembe, mu kihugo kya beene Daani! Si zikola mu girigimba, halinde idaho linajugumbane! Abagoma bakola mu njira, gira bagayiji shereeza ikihugo kiitu, na íbikiri mwo byoshi. Bagashereeza utwaya twoshi, na booshi ábatutuuziri mwo.»

Yeremiya 8:19

Yuvwagwi ngiisi kwaꞌbandu baani bakola mu lira, kiri na ábali mu mahanga. Bali mu buuza, ti: «Ka Nahano ataki tuuziri mu kaaya keꞌSayuni? Ee! Ye mwami wamwo! Ka atakiri mwo?» Nahano anashuvya: «Aahago! Kituma kiki bakandaakaza, mu kukizi yibaajira imigisi ya íbiri mu yikumbwa mu mahanga, inali ya busha-busha?»

Yeremiya 9:19

Mwe bakazi, mutegage amatwiri, gira muyuvwe ngiisi kwo Nahano adeta. Mukizi komeereza banyere biinyu ukulira ku mabiihe. Mukizi yigirizania luno lwimbo lweꞌkimombo:

Hamoosi 8:10

Isiku ziinyu ngulu, ngazihindula, zibe za kigandaaro. Na kundu muli mu yimba ku kisegengo, halikago mukola mugaalira ku kimombo. Mugayambala ibyambalwa byeꞌkigandaaro. Na bwo mugaaba mukoli jengiirwi, mugakunguula amatwe giinyu. Ku yikyo kigandaaro, mugaaba nga úwafwirwa neꞌkininga. Ulusiku lwoꞌkushibuuka, mugajengeerwa ngana-ngana!»

Habakuki 1:10

Ikyanya bali mu gwana utwaya tuzitire, bali mu tushekeereza naaho. Bali mu shekeereza kiri naꞌbaami na baguvuruneeri, iri banabahonyoleza. Yizo nzitiro, bali mu zilunda kwoꞌluvu, lyo balonga ubulyo bwoꞌkuziyingira mwo.

Habakuki 1:6

Ngola ngashimya Abababeeri, kwo bali bandu bazira kimino, banateeziri ikyoba. Bagweti bagalenga-lenga mu mahanga gooshi, iri banagaaza ibihugo bya beene.