Yeremiya 30:19 - Kifuliiru

¹⁹ Ngiisi ábagatuula mwo, bagashubi yimba inyimbo zoꞌbwivuge, iri banabanda akabuuli. Ngaaluza abaana baabo, halinde banaluguuke ngana-ngana! Ngabagingika bweneene, ndaanaye úgashubi banegura.

Yeremiya 30:19 ပူးပေါင်းရင်းမြစ်များ

Hizira 6:22

Banahisa isiku zirinda, bagweti bagashambaalira ulusiku lukulu lweꞌmikate mizira saama. Mukuba, Nahano akahindula umutima gwa mwami weꞌHasuriya, halinde anabatabaala ku mukolwa gwoꞌkuyubakulula inyumba ya Rurema wabo. Kwokwo, banayijula mwoꞌbusiime.

Nehemiya 8:12

Kwokwo, yabo booshi, banataaha, gira bagendi lya, bananywe. Banakizi shangiira ibyokulya byabo, banagira ulusiku lukulu ku bushambaale. Mukuba, ikyanya Abalaawi bâli kizi bamenyeesa amagambo ga Rurema, lyeryo banayami gasobanukirwa.

Nehemiya 8:17

Yabo booshi ábâli lyosiri i Babeeri, banayubaka ibitunda, banabeera mwo. Yulwo lusiku, lwâli lwoꞌbushambaale bweneene. Ukulyokera ikyanya Yoshwa, mugala Nuuni âli ki tuuziri ho, batâli zaazi shambaalira ulusiku lukulu mwene yulwo. Emwe! Bâli koli shambiiri ngana.

Zaburi 53:6

Yabo banangora-mabi, bagaki shenguka neꞌkyoba, kundu byoꞌkubayoboheesa, ndaabyo. Abagoma baawe, Rurema agashaabula amavuha gaabo, gabe mijande-mijande. Yabo bagoma, si keera akabalahira. Kwokwo, ugabatetereza ngana.

Hisaaya 12:1

Ku kyanya íkigayija, mugayimba, ti: «E Nahano, ngweti ngakuyivuga. Ee! Kundu wâli koli ndakariiri, haliko, ubute bwawe keera bwamala, unakola mu mboleeza.

Hisaaya 26:15

E Nahano, keera ukayushuula umulala gwitu, wanayushuula kiri neꞌmbibi zeꞌkihugo kiitu. Ku yukwo, tugweti tugakuhuuza.

Hisaaya 27:6

Mu siku ízigayija, abandu baani bagaaba nga bameziri imizi. Ee! Abahisiraheeri bagaashoga, banayase kwaꞌkaaso. Neꞌkyanya bagayera, ibitumbwe byabo bigakwira mu kihugo kyoshi.

Hisaaya 35:10

Ee! Iyo njira, ngiisi bo Nahano agaaba keera akiza, bo bagagigaluka mwo, banayiji yingira mu kaaya keꞌSayuni, bagweti bagayimba ku bushambaale. Bagakizi ba naꞌmalega, halinde imyaka neꞌmyakuula, mu kati koꞌbushambaale. Umwizingeerwe neꞌkimombo, bigaaba keera byamala lwoshi-lwoshi.

Hisaaya 51:11

E Nahano! Bwo ukaguluula abandu baawe, bagaki galuka i Yerusaleemu, bagweti bagatamba-tamba ku kisegengo. Emwe! Bagaaba bashambiiri imyaka neꞌmyakuula! Umwizingeerwe neꞌkimombo, bigaaba keera byamala lwoshi. Amalanga gaabo gagaaba gakoli yijwiri ibimwemwe.

Hisaaya 51:3

Kwokwo, naꞌkaaya keꞌSayuni, kundu kakashaka, haliko Nahano agaki kaholeeza, mu kushubi kashakuulula. Kundu kakoli ba ngiꞌshamba, halikago, agaki kahindula, kabe nga ndalo yeꞌHedeni, irya ndalo ya Nahano. Abandu bagakizi kashambaalira mwo, iri banatanga kongwa, mu kuyimba inyimbo zoꞌbwivuge.

Hisaaya 52:9

E Yerusaleemu, kundu ukahongoka, haliko ubandage akabuuli. Si Nahano keera akaguluula abandu baage, anakola mu baholeeza!

Hisaaya 55:5

Yibyo binyamahanga, kundu utabiyiji, ikyanya ugabitumira, binakuyitabe. Ee! Bigayija ngana, bwo Nahano keera akakugingika. Ye Rurema wawe, anali Mutaluule waꞌBahisiraheeri.

Hisaaya 60:19

Mwiꞌzuuba, mutagaki ba niꞌgoorwa mbwiꞌzuuba likizi mùtanguulira. Kiri na mu bushigi, mutagaki molekerwa noꞌmwezi. Mukuba, ubulangashane bwa Rurema Nahamwinyu, bwo bugakizi mùtanguulira mwo imyaka neꞌmyakuula!

Hisaaya 60:22

Mu kati kiinyu, umundu weꞌmbaga niini agakizi buta abaana kihumbi. Na kundu muki kehiirwi, haliko mugayiji hinduka mulala úguhimbiri. Yibyo byoshi, ngabigira ku kyanya kyabyo, buzira kutindirira. Niehe nie Nahano.»

Hisaaya 60:9

Abandu ba mu tulira, nie babiisiri kwoꞌmulangaaliro. Amashuba ukulyoka i Tarasisi gagatee yija gaheesiri abaana biinyu, kuguma neꞌharija zaabo neꞌnooro. Kwokwo, kwo bagagingika Rurema Nahamwinyu, bwo ali Mutaluule waꞌBahisiraheeri. Niinyu, Rurema agweti agamùgingika.

Yeremiya 17:26

Balya bandu bagakizi yija ukulyoka i Yerusaleemu, na mu tundi twaya tweꞌBuyuda, noꞌtwa Binyamiini, kiri na mu tugangazi tweꞌmuga, na mu migazi, noꞌluhande lweꞌkisaka. Balya booshi, bagakizi yija mu nyumba ya Nahano, gira bayiji mútangira mwaꞌmatuulo goꞌkusiriiza lwoshi, naꞌgandi matuulo. Bagatanga kiri noꞌmushyano, noꞌmubadu, naꞌgandi matuulo goꞌkutanga kongwa imwage.

Yeremiya 3:16

Nahano ashubi detaga kwokuno: «Ku yikyo kyanya, mugaaba keera mwayushuuka, munakwire mu kihugo kyoshi. Mutagaki kengeera ibya keera, mbu mukizi shubi deta hiꞌgulu lyaꞌKajumba keꞌKihango. Kiri noꞌkukakengeera, mutagakizi ki kakengeera. Mutaganakizi katwaza, kandi iri kugira mbu mulingaanie akandi.

Yeremiya 31:27

Nahano adetaga kwokuno: «Ikihugo kyeꞌHisiraheeri neꞌkyaꞌBayuda, mu siku ízigayija, ngashubi biyijuza mwaꞌbandu, kiri na mweꞌbitugwa.

Yeremiya 31:4

E Bahisiraheeri! Ngashubi mùyubakulula, halinde munabe kaaya ákalimbiri. Mugashubi yabiira zirya ngoma ziinyu, munagendi shambaalira kuguma naꞌbandi, iri munatamba.

Yeremiya 33:22

Yabo bandu ba mu kibusi kyoꞌmukozi wani Dahudi, na yabo beene Laawi, ngabaluza nga ndonde kwiꞌgulu, na ngoꞌmushenyu kwiꞌbuga, halinde banabe kandaharuurwa.»

Hezekyeri 36:37

«Nie Rurema Nahamwinyu nadetaga kwokuno: Ikyanya Abahisiraheeri bagambuuna kwo nyushuule ibibuzi byabo, ngayemeera, na mbiyondolose,

Hezekyeri 37:10

Kwokwo, nanashubi tanga ubuleevi, nga kwo Nahano akambwira. Haaho, umuuka gwanabayingira mwo, banashubi ba bagumaana, banayimanga. Kiziga, yabo bandu bâli kandaharuurwa, nga kiso kihamu kyaꞌbasirikaani.

Hezekyeri 37:26

«Tuganywana ikihango twe nabo, halinde bakizi longa umutuula gweꞌmyaka neꞌmyakuula. Ee ma! Ngabagashaanira, banakizi luguuka. Na mbiike inyumba yani ha kati kaabo, halinde imyakuula.

Zakariya 10:8

Yabo bandu baani, ikyanya ngabahamagala, bagayija bandibitiiri, bwo keera nꞌgabaguluula. Kundu bakiri bagerwa naaho, si bagashubi luguuka, nga kwo bâli luguusiri kare.

Zakariya 12:8

Ku kyekyo kyanya, yabo batuulaga beꞌYerusaleemu, Nahano agabasiikira. Ngiisi úlyagagi mwolo mu kati kaabo, agaaba akola kikalage nga mwami Dahudi. Yabo beene Dahudi nabo, bagaaba bakola nga Rurema yenyene! Bagaaba bashushiini noꞌmuganda wa Nahano, bwo ye gakizi barongoora.

Zakariya 2:4

Nanashubi múbuuza: «Yaba bandu, bikagi byo bayiji gira?» Na wa naye, ti: «Yibyo binyamahanga íbikayiji teera ikihugo kyeꞌBuyuda, yabo batuzi bayiji bileeza mweꞌkinyukura, bakabuli biminika.»

Zakariya 8:19

«Mwâli kizi yishalisa mu kuyerekana umwizingeerwe, mu mwezi gwa kana, na mu gwa kataanu, na mu gwa galinda, kiri na mu gwiꞌkumi. Kundu kwokwo, yugwo mwizingeerwe gwoshi, keera gukamala! Mu yibyo byanya leero, Abayuda bakola bagakizi shambaala, iri banagenda ku kisegengo. Kwokwo, mukizi kunda ukuli, mukizi kunda noꞌmutuula!»

Yohana 17:22

«Bulya bulangashane bwo ukambeereza, keera nabo nꞌgabaheereza bwo. Kwokwo, nabo babaagage noꞌbuguma, nga kwoku twembi tuli muguma.

1 Peturu 1:7

Akalimbi ka yago magezo, kuli kuyerekana ku kasiisa kwoꞌbwemeere bwinyu buli bwoꞌkuli. Kiri neꞌnooro, iri mu gezibwa ku njira yoꞌkukalangwa, inali ya kulenga naaho. Noꞌbwemeere bwinyu, bwo bulyagagi naꞌkamaro bweneene ukuhima inooro. Kyo kitumiri mugahuuzibwa ku kyanya Yesu agagaluka. Munalonge noꞌbulangashane noꞌlushaagwa.