Yeremiya 30:17 - Kifuliiru

¹⁷ E bandu beꞌSayuni, keera mukajandwa, ndaaye úmùtwaziizi. Kundu kwokwo, ngola ngaakiza inguma ziinyu, halinde munashubi ba bagumaana.» Kwokwo, kwo Nahano adesiri.

Yeremiya 30:17 ပူးပေါင်းရင်းမြစ်များ

Hayubu 5:18

Mukuba, kundu ali mu komeresania, haliko, ali mu shubi buka. Na kundu ali mu leeta ubulyaniirwe, haliko anashubi kiza.

Zaburi 103:3

Ibyaha byani byoshi, Nahano ali mu bikoga. Naꞌmalwazi gaani gooshi, ali mu gakiza.

Zaburi 107:20

Nahano anakyula, banakizibwa. Kwokwo, kwo akabanyugutula mu lufu.

Zaburi 142:4

Ngiisi ho ndi mu lenga, abagoma bali mu gwanwa bambiikira heꞌmitego. Kundu kwokwo, ikyanya ngoli yihebwiri, wenyene uyiji injira yo ngwaniini ukufuuka mwo.

Zaburi 23:3

Agweti agangania umutima, anali mu ndongoora, ngizi genda mu bikwaniini. Yibyo byoshi, biri hiꞌgulu liꞌziina lyage.

Kulyoka 15:26

Anadeta: «Niehe nie Nahano, Rurema winyu. Na ndi nie mu mùkiza. Kwokwo, iri mwangakizi yuvwiriza izu lyani ku bwitonde, ndagamùleetera ikiija, kundu nꞌgakireetera Abamiisiri. Ku yukwo, ikyanya ngakizi mùbwira igambo, mukwiriiri mukizi ndega amatwiri, munakizi gira íbikwaniini imbere lyani. Imaaja zaani, mukizi zisimbaha, nga ngiisi kwo nakyula.»

Hisaaya 11:12

Lirya irembera, Rurema agalishonia. Ligakizi menyeesa Abahisiraheeri naꞌBayuda booshi ábakoli tuuziri mu mahanga, kwo kundu bakashaabulwa mu mbande zooshi zeꞌkihugo, haliko agaki bakuumania.

Hisaaya 30:26

Umwezi gugakizi yaka bweneene ngiꞌzuuba. Niꞌzuuba nalyo, umulengeerwe gwalyo, gugakizi yaka ubugira kalinda, ukuhima izindi siku. Kwokwo kwo bigaaba, ku kyanya Nahano agakizi lunga inguma zaꞌbandu baage. Kundu âli kizi bamotola, haliko agaki baholeeza.

Hisaaya 33:24

Mu batuulaga booshi beꞌYerusaleemu, ndaaye úgashubi deta, mbu: «Ngoli lwaziri!» Mukuba yabo booshi, ibyaha byabo bigaaba keera byakogwa.

Hisaaya 54:6

Rurema adetaga kwokuno: «Wâli riiri ngoꞌmukazi úkayangwa akiri musore, halikago yiba anayiji múyimula, wanaba ukoli jengiirwi bweneene. Kundu kwokwo, ndi mu shubi kuhamagala.

Hisaaya 56:8

Balya Bahisiraheeri ábâli koli huuziri, Nahano Rurema akoli gweti agabakuumania, iri anadetaga kwokuno: «Ngaki kuumania abandi, gira bayiji yibiika ku bandu bo keera nakuumania.»

Hisaaya 57:18

Yago mabi go bâli kizi gira, keera nꞌgagabona. Kundu kwokwo, ngabakiza, na ngizi barongoora. Bwo bakola mu lira, ngakizi baholeeza,

Hisaaya 57:19

halinde banakizi nyivuga. «Ngiisi ábali hala, na ábali hoofi kwakundi, yabo booshi, ngakizi baheereza umutuula nirizina, na mbakize.» Kwokwo, kwo Nahano adesiri!

Hisaaya 58:8

«Iri mwangakizi gira kwokwo, mugatanguula nga mulengeerwe gwa ku lukula. Munayami kira, buzira kutindirira. Imikolezi yinyu miija, igakizi gwanwa imbere liinyu, naani na ngizi mu kulikira ngweti ngamùlanga noꞌbulangashane bwani.

Hisaaya 60:15

«E bandu beꞌYerusaleemu, mwâli kizi shombwa lwoshi, mwanâli jandagiirwi. Ndaaye mundu úwâli kizi ki mùlenga mwo. Haliko buno, ngamùgingika imyaka neꞌmyakuula! Mukolaga mugashambaaza abandu beꞌbibusi byoshi.

Yeremiya 10:20

Iheema lyani, abagoma keera balishikula. Neꞌmigozi yalyo, yoshi keera yaduuduka. Bagala baani, keera banjanda ngana, banayigendera. Yiryo iheema, ndaakiye woꞌkulinjingira, mbu njubi yingira mwo.»

Yeremiya 17:14

E Nahano! Ungizagye, lyo ngira lwoshi-lwoshi. Unanguluule, lyo nguluulwa ngana-ngana. Si wehe, we ngweti ngayivuga!

Yeremiya 3:22

Yohoo, e baana bahemu! Mungalukirage ngana, halinde nimùkoge.» Abandu banashuvya, ti: «We Rurema Nahamwitu. Ku yukwo, tukolaga tugakugalukira.

Yeremiya 30:13

Ndaanaye úgamùbulanira, ndaanagwo muti gwoꞌkumùbuka mwo inguma ziinyu. Ku yukwo, ndaagwo mulangaaliro muhiiti kwo mugaakira.

Yeremiya 33:24

«E Yeremiya, ka wayuvwa ngiisi kwaꞌbandu bakola mu deta? Si badesiri kwo Nahano keera akajanda Abahisiraheeri, kiri naꞌBayuda! Banagweti bagabanegura, mbu batakiri mulala.

Yeremiya 33:6

«Kundu kwokwo, kalya kaaya, nâye ki kakize. Abatuulaga baamwo, ngabalunga inguma zaabo. Kwokwo, banashubi genduukirwa, banakizi tuula mu mutuula.

Yeremiya 8:22

E balya! Kituma kiki inguma zaꞌbandu baani zitazi kira? Mu kihugo kyeꞌGiryadi, ka mutalyagagi umuti gwoꞌkuzilunga? Ka ndaaye mufumu úki ba mwo?

Kimombo 2:15

E Yerusaleemu! Ikyanya abagoma bali mu lenga imwawe, bali mu kuhonyoleza, ti honyo! Banali mu kulakiza inguuju, iri banazuuza amatwe gaabo, ti: «Kano kaaya, si bashuba mu deta kwo ko kiija ukuhima utundi twoshi, na kwo kali mu shambaaza abandu mu bihugo byoshi!»

Hezekyeri 34:16

«Ikyanya bigakizi yangaara-yangaara, binabe bikoli teeresiri, ngakizi gendi bishakula, halinde na mbigalukire i kaaya. Neꞌkyanya bigakizi vunika, ngakizi bibuka. Neꞌkyanya bigaaba bikoli jehusiri, ngabikania indege. Halikago, ngiisi íbishishiri, binabe biki kaniri, byohe, ngabishereeza. Na bwo ndi mungere, ngakizi bilanga byoshi ku njira íkwaniini.

Hezekyeri 35:12

Haaho, lyo mugayiji menya kwo keera nꞌgayiyuvwirwa ngiisi kwo mugweti mugahonyoleza imigazi yeꞌHisiraheeri. Mukuba, mwâli kizi deta: “Balya Bahisiraheeri, utwaya twabo keera twashaka! Na buno, twe tukola tugajanganula abandu baatwo!”

Hezekyeri 36:20

«Yabo bandu baani, ikyanya bâli kizi gendaga mu mahanga, banagenderera ukukizi gayiriza iziina lyani, kundu liri lyeru. Kwokwo, birya binyamahanga byanakizi bagamba, ti: “Ehee! Balya Bahisiraheeri, kundu balyagagi bandu ba Nahano, halikago bakayimulwa mu kihugo kyage!”

Hosheya 11:3

Nienyene, nie kamúyigiriza ukugenda, nanakizi músholera, mu kumúgwatira ku maboko. Kundu kwokwo, ataki bwinagi kwo nie kamúlera! Atanaki ndwaziizi.

Hosheya 6:1

Haaho mugaadeta kwokuno: «E maashi, mugirage tugalukire Nahano! Kundu akatujanganula-janganula, haliko ye ganashubi tukiza. Na kundu akatubeza zirya nguma, haliko ye ganashubi tulunga zo.

1 Peturu 2:24

Kirisito yenyene, akabetula ibyaha biitu mu magala gaage. Anayitirwa ku kibambo, gira nyiitu ku luhande lweꞌbyaha, tube tukoli fwiri. Tunabe tuli ho, hiꞌgulu lyoꞌkukizi gira íbikwaniini. Mukuba, mu nguma za Yesu, mwo mukakirira.

Bwigule 22:2

Lwanakizi hinga ha kati keꞌnjira ya namuhirye ya mu kaaya. Na ku ngiisi ngombe yalwo, kwâli riiri ikiti kyoꞌbulamu. Birya biti, byâli kizi tongeka ngiisi mwezi, halinde byanakizi hisa ubugira ikumi na kabiri ku mwaka. Neꞌbihunda byabyo, guli muti gwoꞌkukizi kiza abandu beꞌmilala yoshi.