Yeremiya 30:14 - Kifuliiru

¹⁴ Mu booshi ábashubi mùtabiiri, ndaaye úki mùtwaziizi. Si booshi bakoli mùyibagiiri. Amabi giinyu, gakoli leeziri ulugero bweneene. Neꞌbyaha biinyu, bikoli luguusiri. Kwokwo, ngola mu mùharuura nga bagoma baani, keera nanamùhaniiriza, buzira kumùyuvwira indengeerwa.

Yeremiya 30:14 ပူးပေါင်းရင်းမြစ်များ

Hayubu 16:9

Rurema, agweti agandeera ngana, anali mu njanganula-njangaula ku buraakari. Agweti aganjigira amiino, iri anangonolera amasu.

Hayubu 19:11

Agweti agandakarira bweneene, anagweti agambona kwo ngola mugoma wage.

Hayubu 30:21

Keera wanyihindulira, utanakiri mu ngejeerera. Si ugweti ugakoleesa ubushobozi bwawe, mu kukizi ndibuza!

Zaburi 107:17

Abandi baabo, banahwijikala mu byaha byabo, banahuna, kyanatuma bagakizi libuuka bweneene.

Hisaaya 57:13

Aaho! Iyo migisi yinyu, ikyanya mugagitabaaza, ikabaagage yo igamùtabaala! Si iri mu yehuulwa neꞌmbuusi. Kiri neꞌkyanya mugagifuuhira umuuka, gugagiyehuulira hala. Si ngiisi ábali mu ba banyegamiiri, boohe, bo bagahyana ikihugo, kuguma noꞌmugazi gwani mweru.

Yeremiya 14:17

E Yeremiya, ugendi bwira Abayuda kwokuno: “Ku kasiisa, muli bandu baani, ninamùkuuziri. Kundu kwokwo, keera mukanyanyagwa haashi, munakola bu fwa. Ala nie! Ngakizi mùlirira ubwakya-ubwayira. Ee! Imigenge yani, itagakama.

Yeremiya 2:36

«Kutagi muli mu hindula-hindula imitono? Aahago! Kiri naꞌBamiisiri bagamùteeza ishoni, nga kwaꞌBahasuriya keera bakamùteeza zo.

Yeremiya 22:20

«E beene Yuda, muzamuukire ku migazi yeꞌLebanooni, iri munaliruuka. Muyidehereze ku nduulu, halinde ihike i Bashaani. Munagendi berangira uluhande lweꞌmigazi yeꞌHabariimu. Si abiira biinyu booshi, keera bakaminikwa!

Yeremiya 22:22

Abimangizi biinyu booshi, imbuusi igabahuusa kwo, inabashaaze. Kiri naꞌbiira biinyu, bagatwalwa imbohe. Galya mabi gooshi go mwâli kizi kola, gagamùteeza ishoni.

Yeremiya 30:15

Aahago! Yizo nguma, kundu mugweti mugalira-lira hiꞌgulu lyazo, haliko ndaagwo muti úgwangazibuka. Na íbitumiri nꞌgamùhana kwokwo, bweꞌbyaha biinyu bikoli luguusiri. Mukoli ba banabyaha ba bweneene.

Yeremiya 32:29

bagayami kayingira mwo, banabuli kaduulika mwoꞌmuliro. Bagajigiivya na zirya nyumba zo bâli kizi yokera mwoꞌmuzimu Baali umubadu, iri batanga amatuulo geꞌdivaayi imweꞌmizimu. Yibyo byoshi, byâli kizi nyaagaza bweneene.

Yeremiya 32:30

Balya Bahisiraheeri, kiri naꞌBayuda, ukulyokera ho bâli ki riiri baanuke, bâli kizi bihuuka imbere lyani, iri bananyaagaza. Kwokwo, kwo nie Nahano ndesiri.

Yeremiya 32:34

«Imigisi yabo, kundu yâli kizi yagazania, banakizi gibiika mu nyumba yani, halinde yanayulubala.

Yeremiya 32:35

Banayubakira umuzimu Baali akatanda mu ndekeera ya mugala Hinoomu. Hanaba ho bagakizi yokera bagala baabo, na banyere baabo, gabe matuulo goꞌkusiriigiza umuzimu Moleki. Ibala mwene yiryo, ndakabahanguula kwo bakizi ligira. Kiri noꞌkulishungika, ndaalwo lusiku lwo nꞌgalishungika, mbu nyulubaze Abayuda.

Yeremiya 38:22

Abakazi booshi bo usigiriini mu kajumiro, bagatwalwa imunda abakulu baꞌbasirikaani beꞌBabeeri. Yabo bakazi, banakizi kuhonyoleza, ti: “Honyo! Abiira baawe, kundu bali ba vyuka-ngwejere, si keera bakuteba. Ikyanya ukayika mu bidaka, banakulekera mwomwo.”

Yeremiya 4:30

E bandu beꞌYerusaleemu, kutagi leero mugaagira? Si keera mwashereezibwa lwoshi-lwoshi! E bandu beꞌBuyuda, kituma kikagi muki gweti mugayambala ibyambalwa byoꞌmulimbo? Munakiri mu yilimbiisa noꞌbungeni-ngeni úbukatulwa mu nooro! Na kituma kikagi mukiri mu yilaba ishalo nyiiru-nyiiru ku masu? Yukwo kuyilimbiisa kwinyu, si kulyagagi kwa busha! Si buno, biira biinyu keera bamùnenuuka, banakoli mùhigiiri, kwo bamùyite!

Yeremiya 44:22

«Aahabi! Birya bikoleere byo mwâli kizi gira, byâli kizi yagaza Nahano bweneene! Kyo kitumiri atakamùyigenderera, anahindula ikihugo kiinyu kibe mushaka. Kwokwo, abandu bakola mu kizi kidaaka, halinde zeene.

Yeremiya 5:5

Kwokwo, nꞌgatona kwo ngendi ganuuza abakulu baabo. Mukuba nꞌgatona mbu boohe, ku kasiisa bo bayiji Rurema Nahamwabo. Banayiji ngiisi byo asiimiri, na ngiisi íbikwaniini. Yehee! Kiziga yabo booshi nabo, balyagagi babi! Kundu bâli gweti ingoome na Nahano, halikago keera bakagihongola. Na kundu bâli nywaniini bo naye, si keera bakamúyitwisa kwo.

Yeremiya 5:6

Kyo kitumiri indare mu kishuka zigakizi yiji bateera. Kiri neꞌmirunga ikolaga igakizi yiji basimbukira kwo. Ingwi zikoli bateziri ha nyuma lyaꞌkaaya. Ikyanya umundu ali mu gira mbu ahuluke, zinayami mújanganula. Na íbitumiri biryagagi kwokwo, bwaꞌBayuda bâli kizi yifunda mu byaha, banakizi huna imbere lya Nahano.

Yeremiya 50:42

Abasirikaani baabo, bahagasiri imiheto, naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali nga midunda mu nyaaja. E Babeeri! Yabo bagoma bakola ibiringiini, kwo bayiji kuteera.

Yeremiya 6:23

Yabo basirikaani bahagasiri imiheto naꞌmatumu. Balyagagi balangi, batanali mu yuvwirana indengeerwa. Ikyanya bali ku fwarasi zaabo, bali mu yamuuka nga midunda mu nyaaja. E bandu beꞌSayuni! Yabo bagoma bakola ibiringiini, kwo bayiji mùteera.»

Kimombo 1:19

Nꞌgatabaaza biira baani ba mu bindi bihugo, haliko, iri bakanyuvwa, bananyihindulira. Abagingi baani, kiri naꞌbahanuuzi, bâli kizi jeba-jeba mu kulooza byo bagaalya. Kwo bali booshi, banaholera mwomwo mu kaaya, banafwa.

Kimombo 1:2

Emwe! Yerusaleemu ali mu laala ubushigi bwoshi, agweti agabululuka, halinde amatama gaage gakola mu hinga kweꞌmigenge. Mu bakundwa baage, ndaaye úwangamúholeeza. Kiri naꞌbiira baage booshi, bakoli múheziizi ingoto, banakoli ba bagoma baage.

Kimombo 2:1

Lolagi! Nahano akoli rakiiri, keera anateeza abandu beꞌYerusaleemu ishoni. Kundu ubulangashane bwabo bwâli hikiiri mwiꞌgulu, halikago, keera akabutibula haashi mu kihugo. Kiri neꞌnyumba yage, ikyanya âli koli rakiiri, atanagikejeerera, si akagiyibagira.

Hezekyeri 23:22

«Ku yukwo, nie Rurema Nahamwinyu nadetaga kwokuno: Balya bashosi baawe bakundwa, ukoli banenuusiri. Kwokwo buno, ngolaga ngabaraakaza, banayiji kuteera imbande zooshi.

Hezekyeri 23:9

«Ku yukwo, bwo âli kizi lungumirwa naꞌbakundwa baage beꞌHasuriya, naani nanayami bahebera ye.

Danyeri 9:11

Yizo maaja zaawe, twe Bahisiraheeri tweshi, tutâli zitwaziizi, twanalahira ukukusimbaha. Si tukakuhindulira ingoto. «“Mu maaja za Musa, ukayandika kwo iri twangakizi yifunda mu byaha, lyo tugadaakwa ku ndahiro. Lyo na lyeryo idaaki keera tukalonga.

Danyeri 9:13

Nga kwo biri biyandike mu maaja za Musa, kwo na kwokwo ukatuhaniriza. Kundu kwokwo, e Rurema Nahamwitu, tutazi twikira ku byaha biitu, tutanazi kuhuuna ulukogo.

Danyeri 9:5

«“Haliko twehe, tukoli bihuusiri bweneene, tunakoli hubiri imbere lyawe. Tugweti tugayifunda mu byaha, iri tunakuhindulira ingoto. Keera tukajanda imaaja zaawe, neꞌmigeeza yawe.

Hosheya 2:5

Neꞌri angalahira, ngamúhogola imirondo, anasigale bukondwe, nga ngiisi kwo akabutwa, ninamúsige mu kihugo íkiyumuusiri, halinde afwire mwo neꞌnyoota.

Hosheya 5:14

«Niehe ngateera beene Hifurahimu naꞌBayuda, nga ndare. Ngaaba nga ndare mbamu, inalyagagi ndangi. Ngabajanganula-janganula, na mbatwale ngiisi ho ndoziizi. Ndaanaye úgayiji bafuusa.»

Hobadiya 1:7

Abaami bo mushuba mu kizi tabaalanwa keera bamùhinduka, banamùyimula mu kihugo, kinali kyeꞌmwinyu. Bagweti bagamùhenduula, iri banamùvindagaza. Kundu mushuba mu lyanwa akaholo naꞌkaduutu, si keera bakamùtega imitego, mutanamenya.