Yeremiya 3:9 - Kifuliiru

⁹ Ikyanya Abahisiraheeri bâli kizi yiyulubaza mu bushule, batâli kizi yiyubaara. Si bâli genderiiri ukukizi yikumba imigisi, kundu ikabaajwa mu mabuye naaho, na mu biti.

Yeremiya 3:9 ပူးပေါင်းရင်းမြစ်များ

Hisaaya 57:3

Si mwehe mulyagagi baana baꞌbalozi! Mukanabutwa naꞌbashule! Aahago! Muyegeere hano.

Hisaaya 57:6

Munali mu gendi toola amabuye mabaaje mu ndekeera, gira gabe go mugakizi yikumba. Munagweti mugagayikumba, mu kugayonera kwaꞌmatuulo geꞌdivaayi, iri munagatangira na geꞌmishyano. Yago mabi gooshi, ka nangakizi mu yuvwira indengeerwa hiꞌgulu lyago? Aahabi!

Yeremiya 10:8

Yabo banamigisi, booshi balyagagi bahwija, binali bizeeze. Ngiisi byo bali mu yigiriza, bishaaziri naaho mu migisi íri mu baajwa mu biti.

Yeremiya 16:18

Yibyo byaha byabo, ngabiyihoola ubugira kabiri. Mukuba, keera bayulubaza ikihugo kyani, mu kukiyijuza mweꞌmigisi. Iyo migisi, si iryagagi nga birunda, bwo itali mwoꞌbugumaana! Inali mu yagazania bweneene!»

Yeremiya 2:27

«Yehee! Mugweti mugakizi baaja imigisi mu biti, munagibwire: “E waliha! We daata!” Neꞌmigisi yiꞌbuye kwakundi, munagibwire: “Ewe! We kambuta”. Aahabi! Ho mwangandoziri kwo, mukambindulira ingoto. Halikago, ikyanya muli mu longa amakuba, lyoki munayami ndakira, ti: “E maashi! Uyiji tukiza!”

Yeremiya 2:7

Nꞌgabaleeta mu kihugo íkiyeziri, gira bakizi lya mweꞌbitumbwe, kiri neꞌbije-bije byamwo. Halikago, yikyo kihugo kyani, iri bakakihikaga mwo, banakiyulubaza, halinde kyanakizi neenwa.

Yeremiya 3:2

Mutee legamira ku marango. Ka hali ho mutazindi yiyulubaza neꞌmizimu? Si mugweti mugalindirira abashule ku butambi bweꞌnjira! Muli ngoꞌMuharaabu úteziri abandu mwiꞌshamba. Na bwo muli mu higula mu bushule, keera mwayulubaza ikihugo.

Hezekyeri 16:17

«Bulya bungeni-ngeni bweꞌnooro na bweꞌmiringa bwo nꞌgakuheerezagya mbu uyilimbiise mwo, wanabuyabiira, wanabutuliisa mweꞌmigisi yaꞌbashosi, lyo ulonga ukukizi sambana mwe nabo.

Hezekyeri 23:10

Banamúkaturura ibyambalwa, banamúsiga bukondwe. Ha nyuma, banamúgwata kuguma na bagala baage, na banyere baage, banabayita ku ngooti. Ikihano mwene yikyo, kyanaba mugani ku baabo bakazi booshi mu kihugo.

Hezekyeri 23:21

«E Oholiba, wâli loziizi ukushubi yifunda mu bwobwo bushule, nga kwo wâli kizi bugira mu busore bwawe i Miisiri. Mukuba, yo munda abashosi bâli kizi kuhuma-huma ku tubeere.

Hezekyeri 23:3

Yabo banyere, ikyanya bâli geeziri i Miisiri mu busore bwabo, banateerera yoꞌbunyere bwabo, banatondeera ukuyifunda mu bushule. Ehee! Banayemeeraga kwaꞌmabeere gaabo gakizi humwa-humwa kwo.

Hosheya 2:2

Ee! Abandu boꞌbwami bweꞌBuyuda naꞌboꞌbwami bweꞌHisiraheeri bagashubi nywana, banayitoolere umutwali wabo muguma. Kwokwo, bagaaba bakoli jeberiiri mu kihugo kyabo. Emwe! Yulwo lusiku, lugaaba lwaꞌkahebuuza imwa Yezereheri.

Hosheya 4:12

«Abandu baani bagweti bagahanuusa umugisi gweꞌkiti, bali mu loogeza ishuvyo mu ngoni. Bakoli ba bashule, bwo keera bakayihandula ku Rurema wabo, banatibitira mu biri mu yikumbwa.

Yuheeri 1:19

E Nahano! Uyiji tutabaala, maashi! Si mwiꞌshamba, umuliro keera gwasingoola indagiriro zooshi. Kiri na mu ndalo, imbigi keera zajigiivya ibiti byoshi.

Habakuki 2:19

«Yayewe imwinyu! Si mugweti mugabwira umugisi mubaaje mu mbahwa, ti: “Vyukaga!” Munabwire umugisi gwiꞌbuye, ti: “Yimukaga!” Aaho! Yugwo mugisi, ka gwangakuyigiriza? Nanga maashi! Kundu gulyagagi mubugiirize kweꞌnooro neꞌharija, haliko gutali mugumaana!

Mataayo 5:32

Haliko, niehe namùbwiraga kweꞌri umundu angayimula mukaage, atanamúgwata ku bushule, agaaba amúgira abe musambani. Neꞌri umundu angayanga umukazi keera úkayimulwa na yiba, iri naye asambana.»